LS小學IS中學的考慮

retriever

Jane1983 發表於 19-11-25 11:14
回覆 retriever 的帖子

家庭環境有分別，但小朋友的感受唔一定同實際家境掛勾。IS學生唔係咁興曬屋企有錢 ...

我之前聽過的例子, 有傳統學校轉入某國際學校, 校內有班是定期攪惡習派對, 一班是屋企安排哂後路出國, 所以唔駛點努力讀書的, 一班是知道父母搵錢供佢地讀國際學校好辛苦, 所以好努力的...


所以, 為左英語教學等等教學方法, 我會覺得係相對事少.

Jane1983

retriever 發表於 19-11-25 13:36
我之前聽過的例子, 有傳統學校轉入某國際學校, 校內有班是定期攪惡習派對, 一班是屋企安排哂後路出國, 所 ...

惡習呢樣嘢，可能有，但正如本地學校都有黑社會濫藥援交。

有d觀感如有錢仔就懶散放蕩，窮人子弟就奮發向上，呢d根本無一定。有時好難掃除呢d偏見。揀自己覺得心儀的學校最緊要。

964000

retriever 發表於 19-11-25 13:36
我之前聽過的例子, 有傳統學校轉入某國際學校, 校內有班是定期攪惡習派對, 一班是屋企安排哂後路出國, 所 ...

是某間/某些學校小部分人？起碼我女和我朋友讀緊的學校冇聽見過有接觸到這些份子，我女D同學及家長普遍都注重學業，而且我相信自己的小朋友。

melobi12

retriever 發表於 19-11-25 13:28
明白.

我的諗法正正是教學以外的東西...

我諗你get唔晒IS 家長選擇 IS 嘅重點。英語環境、口音、表現機會固然重要，
但我諗更多家長喜歡嘅係 IS 嘅教學模式（唔係單講教學內容）、培養小朋友思考能力、鼓勵佢地運用創意、增進國際視野等等，呢啲係更加寶貴嘅經歷同機會。

讀IS唔係單純為左英文好，如果單純要英文好，讀local school嘅，花啲錢放學請個NET對住小朋友係咁講嘢，係咁送佢去以英文為溝通語言嘅興趣班同活動等等，都唔係話完全冇辦法。

同埋你唔好講到好似全部IS啲小朋友都染滿惡習咁先得㗎... 你可能認識少數問題學生，但仲有好多好學生你唔認識吧？local school 嘅學生就一定勤奮向上？冇惡習？刻苦耐勞？唔好講笑啦 （講明先我自己都有讀過local school）

都係嗰句，每間學校都會有乖學生同反叛嘅學生，只係比例問題，一間校風相對良好嘅學校，加上適當嘅家庭教育，我唔會擔心。

964000

melobi12 發表於 19-11-27 10:46
我諗你get唔晒IS 家長選擇 IS 嘅重點。英語環境、口音、表現機會固然重要，
但我諗更多家長喜歡嘅係 IS 嘅 ...

其實要親身經歷過才體會到，因為我們都在傳統長大，以為少功課測考加些活動和英語教學就是IS, 但其實要管理層，老師，家長及學生整個community 一起才形成到一個交化和環境。
不是説無敵沒有缺點，各種制度各有長短，不過長處我自己比唔到，缺點我自己補足到，就可以了。

mindfulmom

964000 發表於 19-11-27 13:39
其實要親身經歷過才體會到，因為我們都在傳統長大，以為少功課測考加些活動和英語教學就是IS, 但其實要管 ...

很同意「長處我自己比唔到，缺點我自己補足到」這句說話，我正是因此為小朋友選現時就讀的學校

retriever

964000 發表於 19-11-27 13:39
其實要親身經歷過才體會到，因為我們都在傳統長大，以為少功課測考加些活動和英語教學就是IS, 但其實要管 ...

據你我講法，國際學校未必每間都可能做到你說的境界。但近年因為輸入人口問題，似乎新開了很多國際學校，你又點睇呢？

964000

retriever 發表於 19-11-30 09:57
據你我講法，國際學校未必每間都可能做到你說的境界。但近年因為輸入人口問題，似乎新開了很多國際學校， ...

我相信傳統那些IS都ok, 始終管理層和老師主導，而且多學生揀, 可以揀番啱自己profile的。至於「新輸入人口」，他們似乎集中對某幾間學校比較有興趣。
新校要留意下，除了設施和老師，其實同學間的化學作用也很重要，要做好一間學校是需要些時間。

b3410

retriever 發表於 19-11-30 09:57
據你我講法，國際學校未必每間都可能做到你說的境界。但近年因為輸入人口問題，似乎新開了很多國際學校， ...

讀得IS的新移民家長，通常本身教育背景都好強。我所認識的此類家長，通常都係國際大公司高管，或者專業人士，唔少人自己海外名校畢業，屬於藤校家長。對子女的教育重視程度非常之高，而且將來入讀名校的機會也十分之高。咁將來新校的university placement, 應該唔會差。

Jane1983

回覆 b3410 的帖子

睇你寫，你應該係大和細都是讀本地學校，就是中間的一個中學轉到IS。請問為何有這安排？

b3410

Jane1983 發表於 19-12-2 10:42
回覆 b3410 的帖子

睇你寫，你應該係大和細都是讀本地學校，就是中間的一個中學轉到IS。請問為何有這安排 ...

性格同學習方法問題。中間果個性格比較天馬行空，大細都比較跟得rule. 而且我比較注重學術，希望基礎紮紮實實。

Jane1983

b3410 發表於 19-12-2 10:59
性格同學習方法問題。中間果個性格比較天馬行空，大細都比較跟得rule. 而且我比較注重學術，希望基礎紮紮 ...

謝謝分享。

AAATT

看見你們在此提到”集體惡集活動”, 其實這是我一直對安排兒子讀國際學校猶豫不決的主因。阿仔現升小五, 我想這是最後一次機會讓我決定是否為他apply國際學校 year 7. 我想應該不會讓他將來高小才插 International school. 而我對local school大部份現在不止教育還要處理政治問題好有 concern.

初中尤其year 8,9是最反叛的時期，朋輩的影響也最大, 在這時候才轉他到IS 他會否變甩繩馬騮而更反叛? 我鄰居兒子一直IS, 小時很乖巧，初中同家人鬧交閙到警察上門，當然這也可能是個別例子。

公司的鬼婆兒女都是IS, 佢哋亦有提 drug issues, 但鬼佬不嬲較開放, 外國也很common, 所以沒有特別覺得是問題。

事實上我對現在IS 的校風了解不多，而我確實覺得LS 學生 in general純品d， 聽教d, 除非 band 3 學校否則很小drug problem, 黑社會，而IS 很多都太開放, 不是嗎? 還是我想法太過時? 各位有經驗的家長可以解答我這多年的心結嗎? 還有邊間港島區IS 校風較純樸?

小孩子的品行及信心的陪養是我最關注的，至於教學方法， 我覺得條條大路通羅馬...將來做事要有什麼學問才技存在佷大變數

Moonlight819

我之前教過LS，現在囝囝讀IS，老實說你説的鄰居初中與家人閙交到警察上門真的LS更加普遍，見過有case五、六年級沈迷打機，阿媽不給便打阿媽，警察幾乎日日上來，只是中國人社會LS想「家醜不出外傳」吧了！經過差不多半年的社會事件，你還覺得粗口橫飛、到處破壞打人和罵父母「廢老」 LS學生純品？我只會覺得他們很「蠢」，沒有應有的分柝能力，相比起我真的覺得IS的學生多不太理政治，繼續原本的學習和玩。其實現在越來越多人看到LS的問題，有能力的很多也給子女從小讀IS，所以現在想考入有歷史、有口碑的IS也甚困難，所以你可先看看有沒有心儀IS offer再考慮。

964000

AAATT 發表於 20-7-1 11:14
看見你們在此提到”集體惡集活動”, 其實這是我一直對安排兒子讀國際學校猶豫不決的主因。阿仔現升小五, 我 ...

如果你擔心，一般多中國人/亞洲人，或讀書風氣比較濃厚的，會好D。
高危是那些父母完全唔理（甚麼種族都有），細路唔番屋企都得，成班hea讀書，日日party...如果你小朋友不是這種profile, 一般不會痴埋去。
文化不同，美國風氣係會比較開放D。朋友去英國top boarding school, 一樣一半人vaping, 跟唔跟睇自己。Canada 大麻合法了，跟唔跟？英國飲酒當飲汽水，跟唔跟？
自細家庭影響洗腦好緊要，細個時很受父母影響很上心，價值觀從小建立，通常關係好，家庭建全，good family support, 就不會走太遠。
我都聽過有IS的父母可以整個月自己出左國（工作？旅遊？），留低仔女比兩個工人及司機照顧，這些孩子長大會變成甚樣真不敢想像。我地學校規定如果父母俱不在港是要report給學校的。

其實中學生中，我覺得打機才是最氾濫的惡習local school也很嚴重。

Jane1983

AAATT 發表於 20-7-1 11:14
看見你們在此提到”集體惡集活動”, 其實這是我一直對安排兒子讀國際學校猶豫不決的主因。阿仔現升小五, 我 ...

成績、university placement有客觀數據，學校有無過度激進，參與社會活動亦時有報紙報導，但校風真係好難比意見。

無乜學校會擺明有學生有不良惡習，但可能有一少撮私下做亦唔定。無人敢講小朋友入到去，會唔會群埋變成其中一員。

我的前輩朋友的IS仔女有些高中、有些讀緊大學，佢地品行都唔錯，對父母的尊重和愛護，猶勝讀本地名校的朋友仔女。唔知原因，估計可能係谷的過程傷了親子關係。

964000

Jane1983 發表於 20-7-1 13:08
成績、university placement有客觀數據，學校有無過度激進，參與社會活動亦時有報紙報導，但校風真係好難 ...

我都好多朋友子女巳成長和畢業，全部都正正常常。
我覺得如關係好又不是情緒有問題，一般不會很離譜, 如果唔fit in學校影響情緒，就要正視下。
至於谷，其實現在的青年人係冇得谷，佢唔追求一樣野父母講多句都只會破壞關係，父母真係要睇開D。相反有些小朋友性格係要求很高父母仲要幫佢減下壓，所以講到尾關係最重要。

Jane1983

964000 發表於 20-7-1 13:49
本帖最後由 964000 於 20-7-1 14:12 編輯

我都好多朋友子女巳成長和畢業，全部都正正常常。

有得谷的，尤其係女仔，名女校，加大有為亞媽。眼見唔少。

AAATT

“我都好多朋友子女巳成長和畢業，全部都正正常常。” - 請問這裏是指讀的是LS or IS?

多中國人亞洲人的 IS - 例如esf series schools? CIS 咁難我冇諗

另一 concern 是 IS 是否很多高中出國，咁咪好多好同學各散東西，我又覺得好可惜因為最真摯的友誼都是在中學時期建立...

我都覺得父母的教導和愛護好重要, 但初中真係會唔聽父母老師聽晒同學喎, 所以我好着緊初中會遇d 咩同學.

打機亦是一個大課題，IS 家長資源好d, 從小就要用iPad上堂, 會唔會更易更早出問題? 還是打機問題在LS or IS 都一樣? 阿仔讀的是基層小學，暫時未見問題出現

Radiomama

AAATT 發表於 20-7-1 15:23
“我都好多朋友子女巳成長和畢業，全部都正正常常。” - 請問這裏是指讀的是LS or IS?

多中國人亞洲人的 I ...

我仔一直由小學到中學均在有70%香港人的IS讀書，的確學生和家長較重視成績，一路成長都不太hea。

同學之間有流動性，但也會跟不同的人有交流，主動又outgoing, 也不介意認識新朋友。反而作為家長我們keep住一班由Y1認識到依家的朋友，互相關照和報料，相當好。中學才轉校的家長要好主動出席和參加學校活動，才可建立新關係。

打機問題是LS和IS均會發生，視乎家長如何處理。