剛上小一， 測驗卷的中文字唔係全部識睇！點算？ 求教！

lilylilyc

小孩剛剛上一年班， 而家正值測驗考試，原來我發覺小學一年班啲試卷好多中文字其實小朋友都未必識睇，如果講出嚟佢就識答，但係如果喺測驗卷度自己睇，佢自己唔識都唔知點答？我想問下各位，其實係點教小朋友去搭個試卷㗎？ 識都變咗唔識，感覺好唔抵！

sunnymama2

語文係要浸，冇可能一步登天

平時小孩有伴讀嗎?如果沒有， 好在小一，還有時間追，只要培養良好的閱讀習慣便可

lilylilyc

又係嘅~ 完全認同！
但係因為佢放學之後通常都係去奶奶屋企先, 奶奶老人家又好少同讀書，到夜晚我地同佢返屋企嘅時候剩下可能時間又唔多 ，又要對功課，所伴讀嘅時間的確係少， 淨返星期六日就同佢温返成個禮拜所有嘅科目。

有諗過搵個補習老師去婆婆屋企同佢補習，但係又仲未搵到，所以都唔知點算。  

ToMing123

小一考試應該有讀卷的（上學期多數有）平時做功課都要訓練佢自己睇題目，温習作業同工作紙熟習題型

小曳人

好多學校會讀卷，如果貴校無，試下搵passpaper，你讀多幾次佢聽，叫佢認住d key word

lilylilyc

ToMing123 發表於 19-11-1 03:18
小一考試應該有讀卷的（上學期多數有）平時做功課都要訓練佢自己睇題目，温習作業同工作紙熟習題型
...

而家我學識咗去facebook嗰度搵啲小學一年班試卷測驗卷返嚟， 當畀佢模擬， 但係全港咁多間學校使唔使搵返去個別嗰啲區嘅學校嚟做㗎？

lilylilyc

小曳人 發表於 19-11-1 06:24
好多學校會讀卷，如果貴校無，試下搵passpaper，你讀多幾次佢聽，叫佢認住d key word ...

而家我學識去facebook度搵模擬試題 ，要教識佢睇題目嗰啲字先， 希望有幫助啦！ 因為上次評估試， 佢返嚟同我講原來佢有啲字唔識睇所以唔識答，但係如果問佢就識答…… 嗰一刻我先醒

Poyau

lilylilyc 發表於 19-11-1 09:50
而家我學識去facebook度搵模擬試題 ，要教識佢睇題目嗰啲字先， 希望有幫助啦！ 因為上次評估試， 佢返嚟 ...

小一無讀卷學校無講

lilylilyc

Poyau 發表於 19-11-1 10:46
小一無讀卷學校無講

唔係太明你意思

Elenalan

考試冇話「抵唔抵」, 從來都係一分耕耘一分收穫。
升小學前我用左4年時間幾乎每日放工+做完家務後都堅持同小朋友伴讀中文書, 小朋友K2起自己學睇題目做功課, K3時自己在校完成所有功課。如果有以上「付出」, 到升上小學後識睇試卷題目但同唔識字o既同學考試一樣分數, 咁我又應唔應該覺得「好唔抵」?
語文就係要時間浸, 早起步係有d著數。但學無前後, 達者為先。

LittleCS

lilylilyc 發表於 19-11-1 01:34
小孩剛剛上一年班， 而家正值測驗考試，原來我發覺小學一年班啲試卷好多中文字其實小朋友都未必識睇，如果 ...

唯有培養閱讀慣習...

阿仔都係小一，學習每日都有午讀時間，規定要帶書返學校睇。

我有幫佢揀書睇（lunch time 去公共圖書館，佢都有自己在學校借書，但唔多。呢兩個月，真係睇到有進步。

Petman

lilylilyc 發表於 19-11-1 11:11
唔係太明你意思

小一上學期測驗考試一般會讀卷啊。 如果學校小一唔讀卷，應該一早用通告書面通知提家長的啊！ 你確定學校真的沒有讀卷？

會不會是學校有讀，你唔知咋？

Poyau

lilylilyc 發表於 19-11-1 11:11
唔係太明你意思

意思係學校之前無講清楚有無讀卷?

ngakiho

lilylilyc 發表於 19-11-1 01:34
小孩剛剛上一年班， 而家正值測驗考試，原來我發覺小學一年班啲試卷好多中文字其實小朋友都未必識睇，如果 ...

我女都係小一，我女問題係佢認到字識讀，但唔識寫，所以就算佢知答案，但佢寫唔出！暫時的解決辦法係早d默熟課文的詞語！
由bb開始到而家，我都有同呀女讀故事，不過上左小一後真係忙，每日淨係溫書都無曬時間！我黎緊都要keep返先得，好好的親子時間！

lilylilyc

明白晒！多謝各位提醒，大家加油呀！！