小一 兒子覺得學校課程太淺

beautytiny

兒子讀小一（九龍塘津校，叩回來的），除了中文科，他覺得學校課程太容易，我見佢中英文默書唔使點溫都次次100 分。同佢出去英文補習諗住佢可以學啲深嘅東西，點知都係好淺，老師主動叫他加入小二英文班，說他留在小一英文班浪費時間。小兒記性好，學術能力高，但自理差，群體生活差，文靜。
我應該點樣協助他？我有自己教她小二的課程，但畢竟我常常要返工，冇時間教，很多東西他也是在英文youtube 自學的，所以他英文好好。

beautytiny

定還是個個小一生都係覺得好輕鬆？小二先見真章？

子恩

beautytiny 發表於 19-10-28 23:45
兒子讀小一（九龍塘津校，叩回來的），除了中文科，他覺得學校課程太容易，我見佢中英文默書唔使點溫都次次 ...

出面英文補習小一都可以補得好深，
睇下你要那一類的英文。

chingchub

係咪各科佢都覺得淺?如果係，佢學習能力應比其他人高，或者可考慮黎緊幫佢插教快教深既一線學校，不過都要睇小朋友想唔想適應新環境，如果佢本身都內向的話就未必想轉。。。如果課程長期對佢黎講偏淺，下下都要外補等佢學多啲，到小二又係嫌小二淺....

sailormercury

以前聽一位老師講過：如果提早教定小朋友，到老師再教時小朋友會覺得失去新鮮感，繼而失去興趣專心上堂。如果你小朋友喜歡看 YouTube 自學，或者可試看學校不教的題材（例如 programming/其他 hobbies ) 才會上堂無咁悶？

其實小一課程淺是因為k2/3 相對谷得太勁。默書滿分可能係常事，我仔又係話同學仔好多都係。至少目前係咁。下學期可能才開始戲肉。

beautytiny

chingchub 發表於 19-10-29 00:43
係咪各科佢都覺得淺?如果係，佢學習能力應比其他人高，或者可考慮黎緊幫佢插教快教深既一線學校，不過都要 ...

請問是不是私校或直資先會教深一年？

beautytiny

sailormercury 發表於 19-10-29 01:53
以前聽一位老師講過：如果提早教定小朋友，到老師再教時小朋友會覺得失去新鮮感，繼而失去興趣專心上堂。如 ...

佢本身好好學，我都冇特別谷，不過佢要求我教他新的東西，唔通我唔show 佢mei ? 他主動叫我陪佢讀書，教他新東西，所以我就教囉。譬如乘數表，我沒有教的，但拍紙簿後邊有個乘數表，佢問我係咩黎，我就略略講解一下，之後佢就成個背左，當時K2

beautytiny

例如k2 時學校教個位十位，他就會主動問我之後是什麼位，咁我就教他囉，學識左之後，佢堅持要計五六位數以上的數，要我出數給他做，我話唔使學咁多位住，他就自己出數給自己做- - 之後叫我對

beautytiny

所以他學習的速度其實我真係控制唔到，他看完一set書，要求我買新的書，我有冇可能唔買la

1998Ruby1998

唔少小朋友都會覺得小一淺，因為畢竟第一年讀書，唔會一開始就 chur 到盡，更何況好多 K2/3 已經學曬 P1 野。

或者咁問，你覺唔覺得仔仔似一舊海綿/吸血鬼，不斷吸收，對住佢太耐，會覺得吃力，好似被佢榨乾？

自己冇時間教，畀錢搵個老師教。

直私唔一定教深，有啲官津深過部份直私。不如你先同佢谷掂個中文，谷上級一，然後等來年插神校。如此同時安排多啲群體活動，籃球/足球，或者如果唔介意宗教活動的話，星期日去彌撒/崇拜，你同佢都認識多啲人。唔少教會活動都會有做教育嘅人在場，佢地可以畀意見你。

beautytiny

1998Ruby1998 發表於 19-10-29 04:12
唔少小朋友都會覺得小一淺，因為畢竟第一年讀書，唔會一開始就 chur 到盡，更何況好多 K2/3 已經學曬 P1 野 ...

謝謝你的意見很好

MillieLin

小一課程是針對所有適齢兒童設計,規劃正常,只是很多幼稚園提前教了,所以好多小一生都覺得淺。

小學課程不止有"學術",亦包含其他運動、藝術、人文、團體合作類,小朋友在小學時期可以學習,對於未來社會能有所反饋,也是很不錯的。

annie133

beautytiny 發表於 19-10-29 05:48
謝謝你的意見很好

Agree, 你個仔似係資優，要學術夠深先滿足到佢，一般「谷校」啱佢，一於搞好中文target 神校，或三私一直個D，同多些差不多水平的同學仔一起學習得開心D。如果學校太淺，或只是谷抄寫背默，未必啱佢。

Poyau

beautytiny 發表於 19-10-29 02:50
例如k2 時學校教個位十位，他就會主動問我之後是什麼位，咁我就教他囉，學識左之後，佢堅持要計五六位數以 ...

恐蛟龍得雲雨 終非池中物也

Jane1983

如果小朋友應付到學習，除了學得深d之外，可以用時間去改善佢的自理和社交，參加多d團體活動，果d都好花時間，對佢成長亦好重要。

我小朋友讀書都有天份，唔使煩，咁比咗佢好大空間去睇課外書、玩不同體藝活動和學習課外知識。佢一樣有自學深幾年的數，係從玩樂中學習。小朋友讀書的天份比佢更大的空間，要好好利用，令佢生活更豐富和快樂。

adriantai

Jane1983 發表於 19-10-29 08:12
如果小朋友應付到學習，除了學得深d之外，可以用時間去改善佢的自理和社交，參加多d團體活動，果d都好花時 ...

同意, 學業無問題可以玩多D.

Elenalan

我女小一時都覺得學校課程好淺，現在小二，除了中作和閱讀理解佢覺得有挑戰性，其餘都唔覺得深，通常認真聽書也不用再溫習，平時做功課、測默考都係佢自己搞掂。
如果你打算外補增潤，就唔好揀常規果d小二英文，不如俾小朋友去學下writing, 搵個NET指導啟發下。我女K3開始上creative writing到現在佢都好enjoying寫野。

我冇超前教佢深一年課程，但暑假買到學校課本，佢會自己睇哂佢鍾意睇果d (主要係常識書和數學書)，我覺得俾孩子自學，深淺佢自己調節，有需要佢會問我同我討論，我盡量俾佢自主學習，我只提供資源。

另外買多d雜誌報紙俾佢睇。我女喜愛韻文 (不論中英)，得閒同佢逛書局見到佢心水書藉就買俾佢睇。

冇刻意上咩課程，如果孩子應付學校課程冇難度，就俾佢空餘時間自學多d課外知識，大量閱讀。得閒玩下scratch 玩下robot, 或者用電腦玩下graphics。搵一樣sports專注學，恆常參加公開賽，其實可以好忙好充實。
上到高小多功課又應付呈分，冇咁多時間happy learning了。

MrBeast

正苦有資優評估嗎，做左睇下有乜建議唔洗估估下

Jane1983

回覆 adriantai 的帖子

係呀，玩多d，人亦活潑d，無咁靜，社交和自理亦會改善。運動叻、人開朗，充滿正能量，朋友自然多。

IloveJJ

beautytiny 發表於 19-10-28 23:45
兒子讀小一（九龍塘津校，叩回來的），除了中文科，他覺得學校課程太容易，我見佢中英文默書唔使點溫都次次 ...

咁佢覺得學校淺，出面學既已經深咗就得啦！既然說到學校樣樣淺，就叫佢考第一，科科取100分。

既然唔駛花時間响讀書，就就花時間訓練自理，參加群體活動，例如運動班，改善其他。亦可以學樂器、睇課外書。時間多有好多好處。

到考試成績出咗，咪去考插班囉！