冷氣吹頭問題

Tracy~

想問下各位家長, 你地小朋友學校有冇冷氣吹頭問題?
阿女今年九月剛返小一, 有幾個同學仔吹冷氣吹到發燒, 到宜家仲咳唔停, 包括我女。

我地返學校開家長會的時候, 見到班房冷氣出風是中間微微向下, 有大半班的同學仔都會吹住。

今個月頭老師幫阿女調了位置, 但阿女到宜家仲未好返, 以前未試過病甘耐。

我想知系唔系間間小學冷氣都系甘? 歡迎大家討論下。

wongtw

可能每年開學剛清洗的冷氣機特別凍。阿仔試過凍到震不過無病到，之後給件冷衫佢返學著，通知老師後調位處理便算。

Poyau

家長可否同學校商量解決辦法?
例如加檔板

scgift

我地學校既冷氣機出風口加裝左塊板擋風，所以唔會直接吹到學生。

Tracy~

scgift 發表於 19-10-25 14:04
我地學校既冷氣機出風口加裝左塊板擋風，所以唔會直接吹到學生。

呢間小學好好(emoji)(emoji)

jaycee_mami

校長未必肯加檔板, 因為一班之中, 總有人叫涷, 又總有人叫熱, 校長費事煩,


冷氣吹住個頭, 亦唔係著多件冷衫就解住到,


我當時的情況, 就是請班主任幫我仔調位, 調到遠離冷氣的位置, 如果下次調位時又調近番冷氣, 仔仔就會直接同老師講自己唔受得冷氣, 吹冷氣會頭痛, 老師都怕左佢, 以後fix在同一個座位.

Tracy~

jaycee_mami 發表於 19-10-26 10:35
校長未必肯加檔板, 因為一班之中, 總有人叫涷, 又總有人叫熱, 校長費事煩,

好好的提議，暫時都係甘。只係阿女細膽，之後如果調位，都係要我出聲。