用戶登入
用戶名稱:
密      碼:
搜索
教育王國 討論區 自閉寶寶 自閉+有限智能
查看: 3741|回覆: 26
go

自閉+有限智能

Rank: 2


60
發表於 19-10-18 23:26 |顯示全部帖子
有沒有人的小朋友是自閉+有限智能,而又在主流小學讀書?
我兒現小三,讀得好辛苦,要花很大力氣去讀,但都是讀不好。搞到小朋友好似好大壓力,又焦慮

Rank: 2


60
發表於 19-10-24 00:16 |顯示全部帖子

回覆樓主:

有打算留班嗎?

Rank: 2


60
發表於 19-10-24 22:44 |顯示全部帖子
佢又合格,未至於留班⋯⋯

Rank: 2


60
發表於 19-10-24 22:49 |顯示全部帖子
其實想問下有沒有同路人,這類智能的小朋友將來條路會點行?繼續讀中學?跟著中三轉去職業先修学校學一技之長?
我好憂慮他的未來

Rank: 3Rank: 3


192
發表於 19-10-24 23:11 |顯示全部帖子
smell 發表於 19-10-24 22:49
其實想問下有沒有同路人,這類智能的小朋友將來條路會點行?繼續讀中學?跟著中三轉去職業先修学校學一技之 ...

你好,我仔也是自閉譜系+有限智能,阿仔讀寫認默OK,言語表達同理解差,易分心又專注力弱,理解同邏輯弱,今年小四,小一、二勉強應付,小三只有常識合格,小四全是先要理解再邏輯思考為主,這兩個很吃力,真不知小五、六怎辦,主流中學真不敢想像因現在成績肯定Band3尾,學風不好欺凌又多,真的搵其他出路,外國又冇能力,自己教冇本事。唉.....請問各位有沒有同路人有好嘅經歷分享?我也很擔心往後的路怎行好。

Rank: 2


60
發表於 19-10-25 19:20 |顯示全部帖子
真好,有你回覆。你前面講的同我個仔真是好似,理解邏輯弱,中文閲讀理解可以8條錯足8條。小一二是勉強應付。我自己教,坦白講,我已用盡全力幫他,但結果總是令人失望。佢智力有限,但又不可以不停谷,因佢一受壓,會有情緖問題走出來.......
其實,我知應該放下,不應在學業逼佢,知道大家都辛苦。但前路茫茫,佢又未至於差到完全不理解,只是人地講兩講就明,佢要講七,八次先明,什麼都要比正常人花多好多倍時間先做到,有時仲做不到

Rank: 3Rank: 3


192
發表於 19-10-26 23:28 |顯示全部帖子
我完全明白你情況及感受,因為我也是跟一樣經歷過,我好彩小三找到一位好補習老師,我全職返工媽咪,所以他每星期來三天教做功課,我放工後吃過飯就可以跟他溫習及溫中英默書、再有時間可以玩桌上遊戲或讀故事書,到暑假我再請他來把升小四數學預先教他,等他小四上堂可以理解到是甚麼一回事及明白老師教咩。
今年9月小四各科也是理解及邏輯為主,因數學文字功課為主花1.5小時做數及0.5做英文,餘下中及常識我教做。就再沒時間溫習了,所以他真吃力及他也有感到不明白驚到不知所措喊了出來,我們多數寫出答案比他抄上功課算吧,他真不能全日也坐着在枱上做做....我真不忍心.....我教他真的比他很大無形壓力,以前鬧他閙到喊住做功課傷了大家感情,當我豁出去求學不是求分數後大家好咗好多,他也開心了,不合格不緊要,只要盡力了,見到有努力過同有5分10分進步也開心,多讃他,他自信也多了,講多幾次提多幾次,如真不明白就要立刻停止行開一陣或轉其他科目,再糾纏同一題目只會很糟糕的。

Rank: 3Rank: 3


192
發表於 19-10-26 23:39 |顯示全部帖子
星期六、日我現在比他多些活動玩例如唱歌、游水,打網球,打羽毛球、踩單車,活動後比練習他做約15至30分鐘是重溫書本教過的,他好像易上手易明白些,不要太長時間又坐在書桌上,分散一下,這樣他吸引也好些。可能發掘出他另一樣是他專長,比他知道有些事他做得到架又可以好好架,比多啲信心他,不要比他感到咩到唔識咁,自信心都幾重要吓

Rank: 2


60
發表於 19-10-27 10:08 |顯示全部帖子
謝謝你的分享。
我嗰個是不可以溫太耐功課,一日做功課加溫習最多2小時,其餘都是玩和看電視。最初不肯做及溫習,就算考試都不肯溫,唯有用打機來引他,做了功課可打機他才肯做。以前小一也有迫佢,但之後分覺唔work ,佢不能承受壓力。現在都是同佢講求學不是求分數,只是為了知識,零分沒所謂之後,佢好似肯溫耐點書。原來佢呢些自閉細佬,是好難説服佢做一件事,佢話明明我講求學不是求分數,點解低分回家我又失望的樣子。同佢講了求學為知識,為生存,為打機(因為打機要識字),佢開始沒有這麼抗拒讀書。當然只望合格的目標亦令他減輕壓力。你講得啱,我亦發覺要俾他多讚賞,因他已在學校面對很多挫敗和不安,就算10條啱三條都有讚他叻,有三條啱,要讚他的努力。
媽媽,我覺得你好叻,可以返到工,亦可以看得開。我自己教,就是怕有些補習老師只俾答案,找一個有愛心及識教sen的小朋友好難。

Rank: 3Rank: 3


192
發表於 19-10-27 22:03 |顯示全部帖子
我們的小兒真的要去接受他的所有缺點及發掘他的優點,看開啲豁出去才能有進步,因為以正常標準去量度跟著做,他們真的吃力,教書教得快又多範圍,他未明未消化又要學新的,我和他都辛苦。
你講得岩讀書為了知識,我也跟他說不讀書點識字,去麥當勞去撘地鐵都要識買咩食去咩站落車出咩出口架,如果旅行時英文字也要識架,所以他都明白意思。
我要返工迫於無奈,由細至今仍要做訓練、補習、學野多數個別教授單對單,樣樣都係錢,經濟有壓力架,小一、二我放工教功課真的沒效用親子關係差咗,小三補習老師教功課餘下時間多其他教他如買桌上遊戲、看故事書、德育故事就是日常生活上發生遇到的。
我本人返主流學校最大希望是他學到與人相處溝通及社交應對,成績真不重要,日後他大咗自己照顧自己,出來做事要去面對與人相處溝通合作架,這點我也教不到他的。

Rank: 2


60
發表於 19-10-28 12:54 |顯示全部帖子
我以前都有返工,只是近幾年放下腳步,幫一幫個仔。你有什麼訓練給他?我只參加學校的社交小组訓練,在醫院的覆診和職業治療。在學校都有調適,如中文的抄寫功課可減少,因他很憎寫字。不過其他的調適就不多亦不夠,在香港,我們這類小朋友得到的輔助不多,家長只有硬著頭皮過。其實我們都是需要被幫助的一羣。

Rank: 2


47
發表於 19-10-29 10:58 |顯示全部帖子

回覆樓主:

hello, 我個仔讀P.5, 情況同你哋小朋友好似, ASD加有限智能, 認得好多字, 但係一要理解分析就完全搞唔掂! 所以一到中文閱讀理解就差唔多錯曬, 數學文字題就更加唔洗講! 我都諗緊中學點算, 因為一定去band3學校, 好擔心佢畀人蝦! 同埋能力唔夠應付香港嘅課程。 有一間叫'佛教志蓮中學', 專門蒐 學習障礙學生, 學校會教佢一啲生活技能同埋職業導向嘅技能 學生係唔會考公開試DSE, 如果學校有開放日有機會可以去參觀下。

Rank: 2


60
發表於 19-10-29 11:31 |顯示全部帖子
mamimin 發表於 19-10-29 10:58
hello, 我個仔讀P.5, 情況同你哋小朋友好似, ASD加有限智能, 認得好多字, 但係一要理解分析就完全搞唔掂 ...

謝謝你的資料。好似有間炮台山循道衛理都是這類學校。真是要了解多一些,計劃他們的出路。
我都好擔心入band 3學校,其實自閉仔是善良,乖及有正義感,好喜歡跟從規則。真是怕入到band3校,他們會被欺凌及學壞。他們思想較簡單及易受人影響,怕被人教壞去做壞事。

Rank: 2


47
發表於 19-10-29 12:00 |顯示全部帖子

回覆樓主:

大家多多交流,互相支持!
1572321656106.JPEG

Rank: 2


60
發表於 19-10-29 13:32 |顯示全部帖子
mamimin 發表於 19-10-29 12:00
大家多多交流,互相支持!

多謝分享!互相支持,加油

Rank: 2


56
發表於 19-11-8 12:32 |顯示全部帖子
我仔又係讀緊小三,又係自閉症加有限智能,係讀得好辛苦,總之要理解嘅就好困難,尤其係中文,前路茫茫,我都唔知點行落去,自問已經好努力教佢!

Rank: 2


60
發表於 19-11-8 21:13 |顯示全部帖子
kingkong1104 發表於 19-11-8 12:32
我仔又係讀緊小三,又係自閉症加有限智能,係讀得好辛苦,總之要理解嘅就好困難,尤其係中文,前路茫茫,我 ...

絕對明白,大家都係同路人。只怪制度不公,讓我們這班像是跛腳的人,放入跑道跟一班正常的人跑步比賽,我們都有用力,但無論怎樣跑都始終與正常人有距離。
與其明知會輸,不如放下,試試欣賞沿途跑道美麗的風景,俾小朋友活得開心,懂得欣賞自己,做個正面的人,這豈不是更好!
這一刻,反而我想知道這類小朋友通常將來條路怎樣行?在香港會有什麼的出路?

Rank: 2


47
發表於 19-11-10 15:40 |顯示全部帖子

回覆樓主:

開放日
1573371605282.JPEG

Rank: 3Rank: 3


194
發表於 19-11-21 22:24 |顯示全部帖子
smell 發表於 19-10-18 23:26
有沒有人的小朋友是自閉+有限智能,而又在主流小學讀書?
我兒現小三,讀得好辛苦,要花很大力氣去讀,但都 ...

日日功課大長征,D嘢好似冇学過咁

Rank: 2


60
發表於 19-11-22 11:11 |顯示全部帖子
sandy1109 發表於 19-11-21 22:24
日日功課大長征,D嘢好似冇学過咁

你小朋友幾大?也是有限智能嗎?
我們每日的確要比常人用多好多心機和時間教,是好攰
你需要登錄後才可以回帖 登錄 | 註冊