小一後對功課

JNF

各位有工作既媽媽，聽講升小一後會好難安排小朋友功課，如果我放工到屋企已經7點幾8點。應該點安排小朋友功課問題呢? 長老、姐姐似乎幫唔到...

Diversifyedu

JNF 發表於 19-10-18 18:05
各位有工作既媽媽，聽講升小一後會好難安排小朋友功課，如果我放工到屋企已經7點幾8點。應該點安排小朋友功 ...

起碼要求小朋友自己完成當日所有功課，如遇到問題唔明主動要求姐姐拍照並WhatsApp錄音比你查問，至於對功課就睇你返屋企仲有幾多時間，先改大錯，小錯由佢去面對改正，如果小朋友受教，三個月至半年應該會有成效。

idkuromi

先要教他自行完成功課,唔識就whatsapp問或待你回家問。我由小已教他,所以上小一做功課無問題。

wmkcnw

JNF 發表於 19-10-18 18:05
各位有工作既媽媽，聽講升小一後會好難安排小朋友功課，如果我放工到屋企已經7點幾8點。應該點安排小朋友功 ...

唯有去功課輔導班。社區中心的，大約千幾元1個月，商業的就2千幾。如果請中學生上門，大約1百元1小時，1個月都係2千幾。
好明白有些學校教得好深，小孩有一半都要靠大人教，才識做。
工作到7一8點，回家只想有親子時間或同小孩溫習。

Jane1983

其實好睇小朋友跟唔跟到學校程度，以及佢可唔可以自律做功課。如果小朋友基本上跟到，功課佢大多識做，又願意在長老監督下，係你放工回家前完成功課。咁你回家望吓，清少少佢唔明的嘢，咁就最好。

但如果佢跟唔到，功課好多唔識，又或者等你返來先做，咁就完全唔同玩法。

retriever

JNF 發表於 19-10-18 18:05
各位有工作既媽媽，聽講升小一後會好難安排小朋友功課，如果我放工到屋企已經7點幾8點。應該點安排小朋友功 ...

俾佢自己攪。

家長返來只睇手冊，知道做完功課就簽名。


你上進D 既就做多步，翻下頁，睇下係咪版版做齊。

千祈唔好幫佢對內容，隨佢錯隨佢俾老師差佢。

長遠係對佢好既。

sailormercury

我小朋友大致會自行完成但總是會有 careless mistakes (even 聲稱檢查咗）。我仲糾纏緊應唔應該幫仔 check 功課錯處，又驚做得唔好老師唔鐘意。老師打交叉，囝又好似唔多在乎  

AndrewHo_FB

Drop her to a homework-tutoring class to finish the homework before going home.

sunnymama2

retriever 發表於 19-10-19 12:37
俾佢自己攪。

家長返來只睇手冊，知道做完功課就簽名。

係，阿仔學校老師都係咁講，由得小朋友錯，目的係老師想知小朋友唔識d咩，對老師教學都有好處。

sunnymama2

sailormercury 發表於 19-10-19 13:57
我小朋友大致會自行完成但總是會有 careless mistakes (even 聲稱檢查咗）。我仲糾纏緊應唔應該幫仔 check  ...

阿仔小一我會幫佢對埋功課，因為小一要適應，又多字寫，做完一次錯左要改正變左做兩次小朋友都會有少少壓力，所以我會幫佢對功課。

到小二時，我開始唔對佢功課，由得佢錯，我話將來温書都知自己曾經唔識乜野。功課俾你攞滿分係冇意思的，最重要考試分數。阿仔都明白，因為佢親身經百戰，佢功課一直都係要來回改幾次以上，但考試成績係老師都話估佢唔到。

sunnymama2

IloveJJ 發表於 19-10-18 23:43
即使我係ftm, 我都要求我仔自己在房完成功課，有唔識都要做曬先可以問，咁先可以培養佢哋自己搵答案，自己 ...

係呀，呀仔問我功課，我從槍都唔會直接比答案，係問佢問題等佢自己揾答案

retriever

sailormercury 發表於 19-10-19 13:57
我小朋友大致會自行完成但總是會有 careless mistakes (even 聲稱檢查咗）。我仲糾纏緊應唔應該幫仔 check  ...

做錯好正常，老師點可以唔高興？

我哋小一開始已經係唔幫佢CHECK 功課，功課既GRADE 要接受有時唔好，但睇到會改進。

呢種方法，最大好處係考試唔會有太多意外。

retriever

sunnymama2 發表於 19-10-19 18:42
本帖最後由 sunnymama2 於 19-10-19 18:46 編輯

阿仔小一我會幫佢對埋功課，因為小一要適應，又多字寫 ...

我哋都係，老師有話“考試又OK 喎”

呢句話言中有物，即確實係好多家長幫改功課到完美先交。

scgift

retriever 發表於 19-10-20 09:14
做錯好正常，老師點可以唔高興？

我哋小一開始已經係唔幫佢CHECK 功課，功課既GRADE 要接受有時唔好，但 ...

朋友仔讀地區超谷一線小學小一，家長一早就收到一本家長手冊，內有指示要求家長要跟足小朋友的學習進度(如指明要幫小朋友對功課)。

家長有乖乖幫小朋友對功課，但有時睇漏眼都係有做錯。小至寫錯筆畫大至做錯答案。9月已經被老師寫了好多次學生手冊+接到好幾次老師電話，要求家長"跟緊啲功課"

sunnymama2

scgift 發表於 19-10-20 18:12
朋友仔讀地區超谷一線小學小一，家長一早就收到一本家長手冊，內有指示要求家長要跟足小朋友的學習進度(如 ...

我覺得呢類老師想將教小朋友的責任推比家長多d

scgift

sunnymama2 發表於 19-10-20 18:26
我覺得呢類老師想將教小朋友的責任推比家長多d

是的。入讀此校的家長要做好心理準備需要陪伴小朋友拼足6年，一點也不能鬆懈。

Cheeselover

如果沒人其他人幫忙，功課輔導班是唯一選擇。我都有幫女兒檢查功課，讓她錯雖然可訓練她，但有時功課多，又要改正(更有重改)，我不想為功課廢寝忘餐。有些老師要求高得令人吃不消，丁點兒錯也要改，若改正也佔了25% 時間，真是很無謂。我檢查功課時不單纯是功課錯與對，更是延伸學習，例如關於動詞功課，我會多講及物和不及物動詞之別。當然幸好是兩公婆互相合作，否則怎能與FTM一併!

sunnymama2

Cheeselover 發表於 19-10-20 22:48
如果沒人其他人幫忙，功課輔導班是唯一選擇。我都有幫女兒檢查功課，讓她錯雖然可訓練她，但有時功課多，又 ...

冇錯，的而且確己改正太多，會令小朋友吃不消。

但因為係WKM, 冇太多時間同佢對功課， 唔同小一，又因為老師的要求，我對check 功課鬆左好多，如抄寫詞語，數學計數我唔會每條幫佢睇，但作文我會。

好似啱啱的週末英文作文功課，雖然文法錯好多，我會先讚讚佢（啊收了ek jm 提供的讚美教學法），畢竟係佢自己完成的，之後有意無意食飯/坐車時問佢英文文法，因為我反覆問左幾次，佢已有印象，到星期日晚再同佢研究作文，叫佢嘗試自己揾錯處，佢都可以自己揾出來。

幸好小朋友間學校對家長要求唔高，阿仔都成日欠交欠帶功課，我又由得老師寫手冊，老師又唔會煩我，否則wkm 真係吃不消