求解答

karensee

如果想俾小朋友讀國際學校，但父母英文太差，可能連基本溝通上都有問題，你地嘅選擇會係照讀國際學校定讀本地小學

jeremylui83

好多大陸人連盲字都唔識多隻，都送個小朋友去讀國際學校的。。

mandy_ng207

我會擔心和老師溝通有障礙，尤其初小需要家長協助學習，課堂表現有問題時老師也不知如何和家長去傾。會否考慮雙語學校如ISF, VSA? 或者高小才轉（學生英語水平足夠當父母的繙譯）

karensee

自己英文程度可能連小學程度都無，學樓上jM 話齋，可能連老師講乜都唔識，功課都有屋企人可以幫助，或到時外判補習，因為小朋现讀英文幼稚園，問過老師佢讀國際小學都可以應付，咁爸爸又想俾小朋友讀，但英文對我倆夫婦係死穴，

Mrs.Luckycat

karensee 發表於 19-10-17 11:04
如果想俾小朋友讀國際學校，但父母英文太差，可能連基本溝通上都有問題，你地嘅選擇會係照讀國際學校定讀本 ...

國際學校注重培養學生自理、獨立，老師好少搵家長。

Jane1983

學校有講座或者家長會，你可以搵個識英文的親友傍住一齊去。有見過大陸家長係帶住秘書出席，無乜問題。小朋友亦唔會因為家長英文程度而影響佢學習。

自己完全唔識，多少有唔方便或者尷尬，但如果覺得國際學校係最想比小朋友的教育，少少麻煩和面懵我覺得唔係障礙。

1998Ruby1998

有錢唔怕畀小朋友讀。最多咪自己同小朋友都報下英文班，面試畀錢請人幫你翻譯，小朋友讀得唔夠好咪請人幫手跟學術。錢解決到嘅問題就不是問題。

好多內地人帶小朋友考直私同讀官津，父母英文同廣東話都唔識講，照樣考同讀。又好多南亞人，除左英文叫做好啲啲之外，一句廣東話都唔識，照樣畀小朋友讀「普通」學校，個小朋友又可以唔多識中文就走去讀官津。放心啦，學校知道你有錢，肯搵方法溝通，都唔多理。

karensee

多謝各位意見，剛才已經约了明天去升學顧問公司了解。

貝珠

真心bilingual school , 或多本地人的IS 會比較適合。

mandy_ng207

karensee 發表於 19-10-17 20:48
多謝各位意見，剛才已經约了明天去升學顧問公司了解。

我覺得問吓顧問公司都好，睇吓有邊啲學校會比較支援英文冇咁好嘅家長。我仔K1開始已經係國際，佢嘅幼稚園有「聯合國家長」，法國人、日本人、印度人、英國人乜都有，我哋WhatsApp group全程用英文，如果睇唔明就會Miss左唔少樂趣啦。而家小學，九成家長係香港人，但同學中亦有一個南亞裔，佢好想睇得明我哋嘅WhatsApp message，結果又係全組用英文溝通。如果你嘅屋企人願意做埋家長嘅角色，加入WhatsApp group，出席學校活動，和老師校長溝通，咁就可以放心去報國際學校。
不過屋企人英文差其實都有個好處，就係小朋友一定唔會抗拒中文，我係全屋唯一一個識講英文嘅人，雖然我仔英文明顯比中文好，佢都要盡最大努力用中文同爸爸講嘢（不過你要預咗大部份名詞佢都係會記得英文先，要比心機教返佢中文）

Jane1983

回覆 karensee 的帖子

有升學顧問幫吓手唔係壞事，但你都要自己做d研究。做生意、打工的，會傾向對客人推薦容易入、容易成功的學校，呢d係人之常情。但那些學校未必係最適合你小朋友，又或者係佢能力範圍下能考到的最好選擇。