用戶登入
用戶名稱:
密      碼:
搜索
教育王國 討論區 國際學校 (比較)香港讀國際學校 v 先讀本地學校中學出國讀 ...
查看: 7260|回覆: 57
go

(比較)香港讀國際學校 v 先讀本地學校中學出國讀

Rank: 3Rank: 3


279
發表於 19-10-10 00:35 |顯示全部帖子
本帖最後由 細佬Bebe 於 19-10-10 00:37 編輯

目標都係打算送佢去外國讀大學 (讀到既話 讀唔到就唔勉強啦)

而家仲15/16 猶豫緊邊條路好

我係新手媽媽 以下係我刨左好耐EK 又問左好多人既two cents分析 歡迎討論同指教!

A) 係香港由幼稚園開始讀國際學校 讀哂year 13 大學先出國

優點:
1)香港LS 升學讀書壓力大 讀IS 家庭和諧啲 兩公婆(在職)多啲時間搵錢/休息 唔駛晚晚溫測驗 (我地願意陪佢學習)
2)小朋友有留白 可以培養睇書既興趣 我係真心想佢鐘意睇書
3) 小朋友會比較presentable 會識問問題 英文 普通話應該會講得好啲
其實好想佢自主學習 唔知係咪唸得好理想 國際學校係咪真係做得到呢?但我自己讀local school見到身邊既朋友9成都唔多睇書同對知識無渴求

缺點:
1)(最最最重要)中文讀寫比較弱 一般國際學校生都比較抗拒中文 無信心自己係呢一點會比其他家長做得更好 如果中文唔好 驚佢將來難就業
2)讀書氣氛唔夠local school
3)國際學校啲同學仔普遍都家庭環境好啲 驚佢變得重視物質(不喜勿插 可能係我識既人少)我自己識一批IS朋友 都比較唔肯捱 (唔算有家底 所以我覺得同家底無關) 比較爛玩 重物質 鐘意攀比

錢(唔計興趣班):學費雜費1年2x萬 讀15年 當350-400萬

B) 香港讀local school 全力訓練中英普同數學 唔想佢去最top local school 但想入啲師資同氣氛好少少既直私
其他科佢盡力讀就算 中四去英國讀boarding school 考gcse and a-level

優點:
1)中文底子好啲
2)刻苦耐勞啲 過慣左努力讀書既日子
3)同學中 貼地既比例會高啲

缺點:
1)係香港點都要谷下 如果唔係都入唔到好既中小學 同英國好既中學
2)送出國驚學壞 同父母關係可能疏啲

開支:
我暫時對呢條路不是好了解 但我大概既了解係 要去好既學校讀 香港都唔可以太差 所以應該要咁行

私幼:每月7000學費連雜費
直資私立小學中學: 每月6000-10000學費雜費
為左考到直私學校既補習 要寫係portfolio上既興趣:5000一個月
以上加埋 出國前要用大概150-200萬
出國4年 200萬
總數都350-400萬

我計過 錢銀上 兩邊好似唔差好遠
行B路既好處係 more flexible financially 除左出國讀boarding school個筆 其他都豐儉由人 如果中途覺得佢唔係好肯讀書 可以cut好多駛費 但國際學校就係一條不歸路

請大家多多指教!

Rank: 5Rank: 5


2842
發表於 19-10-10 07:42 |顯示全部帖子
其實你指的讀書氣氛是什麼?我見囝囝全班的學習氣氛十分好(老師會share平時他們上課的video和相),同學積極舉手參與,反而local school學生只是坐定定聽課,很多也是人在心不在,越高年班越沒人舉手答問題(親人在LS 教);另外可以答你IS學生幾乎全部也喜歡看書,我也很開心囝囝在家一有空便看書,反之LS學生大部份也喜歡打機看電視,很少自覺看書。

Rank: 6Rank: 6


9690
發表於 19-10-10 08:56 |顯示全部帖子
細佬Bebe 發表於 19-10-10 00:35
目標都係打算送佢去外國讀大學 (讀到既話 讀唔到就唔勉強啦)

而家仲15/16 猶豫緊邊條路好

本帖最後由 964000 於 19-10-10 11:08 編輯

其實看你所列出的,似乎對IS認識不深。
我不能代表全部IS, 我女學校的學習風氣就很好很balanced, 老師不會谷但也有要求,每星期會網上交待課堂情況和學了甚麼,有埋相片,我相信LS大部分沒有。香港IS的IB成績差不多全世界最好,不知為何你還會覺得學習風氣不夠好?當然學校和朋輩之間會有分別,自己選適合的。

認識IS不止是少功課測考,英文好流於表面的分別,這樣隨便一間活動英文學校也可自稱IS了,IS的文化和LS有些分別,我是喜歡IS的文化,沒有system是完美,了不足其他野自己補足便是了。
只舉幾例:
我女學校會興祝Korea teachers day, Japan children’s day, Thanksgiving, chinese new yr, Diwali etc 今天Berlin wall’s fall 30年,WW1 ends 100年,都是我女教番我,才初小聚焦和視野跟LS已很不同。
最近先知課堂的鐘不是叮叮噹,原來是播一小段歌,上個月是lion king, 今個月另一首,小朋友轉堂會起身un兩下唱兩句。
小息是自己揀活動:hall/art room/board game.
另外IS的小朋友真的全民皆運動,就好像LS全民皆學學器,留意到我女學校真係冇乜學生過重。此外IS的小朋友尤其外國人全部都好早睡,8:30巳叫遲,去playdate佢地係會一起5:30食dinner.
另外可以告訴你,現在後生的,就算local school苦讀十多年,出來工作也不會特別「捱得」,全世界都係,這個不是他們的錯,亦非三言兩語可以解釋。

Rank: 6Rank: 6


9690
發表於 19-10-10 09:06 |顯示全部帖子
不過也要提你IS雖然會包很多課外活動,不少是免費,但你也要預留budget 作其他活動,例如補中文,學學器,到公開試一樣會補習,而且年年加3-5%學費,10年便加50%,另外會不會再生小孩也要考慮, 不過通常就不用逼著要早出國又可能可慳少少。

Rank: 2


91
發表於 19-10-10 09:15 |顯示全部帖子

回覆樓主:

如果大個出外國書最好先又細讀IS,   否則去到溝通唔到又係群Chinese. 經驗之談

Rank: 5Rank: 5


1090
發表於 19-10-10 09:54 |顯示全部帖子
選擇 IS:
1.中文 : 揀間中文較好,再課外私補。
2.讀書氣氛唔夠 LS: 你係咪想話國際學校冇乜考試測驗,所以學生們唔會好努力咁爭取好成績, 所以感覺比較懶散?
3.物質: 我暫時未感覺到 IS 學生會特別著重物質。 反而覺得佢哋比較大方,會願意同人分享。
4. 經過咗呢幾個月,我更加認為選擇 IS 係啱嘅。

選擇 LS
1. 中文一定較好,英文就.....至少 oral 唔會 native。
2. 唔覺得呢代嘅 LS 學生會刻苦耐勞。

Rank: 3Rank: 3


279
發表於 19-10-10 11:39 |顯示全部帖子
Moonlight819 發表於 19-10-10 07:42
其實你指的讀書氣氛是什麼?我見囝囝全班的學習氣氛十分好(老師會share平時他們上課的video和相),同學積 ...

Yup LS students 係心底唔鐘意讀書 唔追求知識

但我知某間好多人讀既IS 學生都好懶散 初小佢地ok 但好多高少 中學 開始多功課就好懶散

鐘意睇書 對我泥講好重要 而呢樣一定IS做得好好多

Rank: 3Rank: 3


279
發表於 19-10-10 11:44 |顯示全部帖子
964000 發表於 19-10-10 09:06
不過也要提你IS雖然會包很多課外活動,不少是免費,但你也要預留budget 作其他活動,例如補中文,學學器, ...

係呀 我會預通漲 我地唔係炆炆緊

我知道IS學費通漲好勁 10年後到中學已double

LS學費補習班學野錢都係 所以我無加入通漲因素

如果讀IS 我想佢係香港讀哂考埋大學先 等我盯著佢多幾年

Rank: 3Rank: 3


279
發表於 19-10-10 11:45 |顯示全部帖子
yaijing 發表於 19-10-10 09:54
選擇 IS:
1.中文 : 揀間中文較好,再課外私補。
2.讀書氣氛唔夠 LS: 你係咪想話國際學校冇乜考試測驗,所以 ...

4) 呢幾個月既香港?點解咁講呢 你小朋友幾大?

Rank: 3Rank: 3


279
發表於 19-10-10 11:47 |顯示全部帖子
Lok0211878 發表於 19-10-10 09:15
如果大個出外國書最好先又細讀IS,   否則去到溝通唔到又係群Chinese. 經驗之談
...

係喎 呢點無考慮到!

Rank: 5Rank: 5


3899
發表於 19-10-10 11:51 |顯示全部帖子
我個女讀直資小學同中學到中二再轉國際學校, 原因由小二開始中文一直追唔上, 其他科目因為係英文成績無問題

阿女由幼稚園起都鍾意睇英文書, 所以英文一直好好, 但中文就好努力都追唔上, 小二起私補, 我同佢都好努力一齊追, 但事與願違, 因為原來佢有中文學障, 中學加埋文言文, 中國歷史, 完全無辦法, 頂左中學兩年, 最終轉校, 而家係國際學校讀緊第二年

我想講既係讀LS會中文好係唔一定, 小朋友資質每個都唔一樣, 根本將來係家長可以預計, 如果你選擇讀直資, 中文好大機會係普普通通 (眼見其他同學仔), 因為始終大部份係英文授課,  所以你要有心理準備, 至於英文, 同學仔除左外籍, 約10%超班, 可以話NATIVE, 其他同學係文法上無太大問題, 但口音都會係港式(當然唔介意係無問題), 但當然都OK,亦有追唔上既小朋友

至於國際學校方面, 因為我女只係讀左一年, 所以都唔評論, 但學習氣氛我唔覺得差, 我眼見個個都好努力, 可能已經係HIGH SCHOOL

Rank: 3Rank: 3


279
發表於 19-10-10 12:20 |顯示全部帖子
vincat 發表於 19-10-10 11:51
我個女讀直資小學同中學到中二再轉國際學校, 原因由小二開始中文一直追唔上, 其他科目因為係英文成績無問題 ...

直資LS 英文學校 中文好似都係差啲

我自己中小 英中 鐘意英文 唔睇中文書 所以中文都係麻麻

語文係真係有取捨既

但講學習curriculum IS就一定好好多

我唸我都係偏向國際學校 始終個啟發性同全面教育係好過填鴨式 中文就自己再同佢一齊努力 自己都要睇多啲中文書

Rank: 1


25
發表於 19-10-10 12:30 |顯示全部帖子
細佬Bebe 發表於 19-10-10 12:20
直資LS 英文學校 中文好似都係差啲

我自己中小 英中 鐘意英文 唔睇中文書 所以中文都係麻麻

可以考慮在英文local school 讀完初小或小五甚至小六之後才轉IE也ok, 打好中文底子,致少不抗拒中文…

Rank: 5Rank: 5


1090
發表於 19-10-10 12:45 |顯示全部帖子
細佬Bebe 發表於 19-10-10 11:45
4) 呢幾個月既香港?點解咁講呢 你小朋友幾大?
純粹個人觀感, 如果講錯或唔啱聽當冇睇過。呢幾個月見到 d 中學生,甚至细到得 11歲, 年紀尚小,心智都未成熟, 根本連訴求係邊五大都講唔出就學人示威罷課。 高中嘅通識課程又係一個問題。 你可以上youtube睇下啲通識課程內容。而大學生就連校長都敢鬧, 讀咗咁多年 LS 原來都無學到尊師重道。
或者係我個人唔太鍾意接觸政治問題, 所以亦唔想畀小朋友接觸太多或討論呢類問題。我小朋友 11歲, 在校內或同同學之間唔會講政治。放假係去跳彈床,去同學屋企玩 boardgame,打機,而唔係去遊行示威。當然,我相信唔係所有 LS 學生都係咁,但讀 IS 必定減少。

Rank: 3Rank: 3


279
發表於 19-10-10 12:58 |顯示全部帖子
cloud999 發表於 19-10-10 12:30
可以考慮在英文local school 讀完初小或小五甚至小六之後才轉IE也ok, 打好中文底子,致少不抗拒中文…
...

呢個係折衷既路 但我呢個階段唔太考慮 可以當係行左LS中途既plan b

一來唔想小朋友面對轉校
二來 唔想拎LS最辛苦既考小學 讀小學 跟住去IS最辛苦既中學

IS最開心係幼稚園同小學 中學都chur
LS全家人最辛苦係考小學 預備升中

同埋 而家要中途轉IS 越泥越難

Rank: 11Rank: 11Rank: 11Rank: 11


42056
發表於 19-10-10 13:13 |顯示全部帖子
眼見唔少叻的小朋友,家庭教得好,其實佢讀LS和IS都會讀得好出色。但個過程,一定係IS快樂好多。

Rank: 5Rank: 5


3899
發表於 19-10-10 14:09 |顯示全部帖子
回覆 Jane1983 的帖子

講得好啱, 家庭教得好, 真係讀邊一邊都會讀得好

點評

Jane1983    發表於 19-10-10 21:11

Rank: 5Rank: 5


2320
發表於 19-10-10 14:48 |顯示全部帖子
Jane1983 發表於 19-10-10 13:13
眼見唔少叻的小朋友,家庭教得好,其實佢讀LS和IS都會讀得好出色。但個過程,一定係IS快樂好多。

...
我同意呢個說法喺呢度問,一定多人講IS好,喺LS問可能就多人講LS好,其實呢個問題都俾人討論咗好多年。
我覺得唔可以簡單分IS/LS,間間學校唔同。而家好多直資私校都唔係填鴨式教學,都鼓勵小朋友發言。IS風格都好唔同,例如初小功課量中文程度等等。都係要學校同學校比先好,但講真又唔係想入邊間就入邊間,所以好難比。

我想講 1 中英文水平一定有分別。有人話讀直資中文都唔一定好,我想講同一個小朋友讀IS無外補好大機會中文更差。同樣,讀LS英文口語都好難有IS咁好。2 家庭背景一定有分別,平的IS同貴的私校學費差唔多,但on average, IS家庭家底都要厚d,有乜影響你自己諗啦。

另外如果讀IS就無錢出國讀大學,咁我覺得你都要諗下,雖然可以本地讀大學,但我知好多IS小朋友都想出國讀,如果無得揀,而同學仔都出國讀,佢都可能唔開心。

點評

Jane1983    發表於 19-10-10 21:12

Rank: 3Rank: 3


279
發表於 19-10-10 14:56 |顯示全部帖子
deco99 發表於 19-10-10 14:48
我同意呢個說法喺呢度問,一定多人講IS好,喺LS問可能就多人講LS好,其實呢個問題都俾人討論咗好多年。
我 ...

讀IS當然要出國讀大學 唔target本地大學 有朋友係esf>hku 佢都話要適應 佢細妹就完全適應唔到local u

我而家local and international 都有報 當然係有offer再揀 再詳細唸 但想先開始分析general implications 同自己再作資料搜集
驚到時先分析可能太遲

Rank: 6Rank: 6


9690
發表於 19-10-10 14:58 |顯示全部帖子
細佬Bebe 發表於 19-10-10 11:39
Yup LS students 係心底唔鐘意讀書 唔追求知識

但我知某間好多人讀既IS 學生都好懶散 初小佢地ok 但好多 ...

一定有班懒散,因為IS一般不會趕人走,LS名校的一早篩走了懒散個班人,其實去外國讀書都有班日日partying的。
所以羣埋邊班人玩都緊要,同家敎很重要,另外不同IS也有不同學習風氣,自己執生。
你需要登錄後才可以回帖 登錄 | 註冊