家有蠢鈍兒，係家庭教育問題?

little_yolky

sunnymama2 發表於 19-10-8 10:25
你囡幾多歲，我記得你有一個大的女讀緊神校。

我呢幾日語重心長同阿仔講要有好的學習態度，佢同我講佢小 ...

我D女好平庸，無咁神D，讀唔到神校

我細女今年P5，佢都有為部手機努力。有努力就得，唔好理係咪lego。你就當無lego咁讃佢，讚讚下，無lego佢地都當真。不過你個醒D，你演技要好D，咪俾佢悉穿。

little_yolky

IloveJJ 發表於 19-10-8 11:41
咁你諗下，如果你唔識點寫嗰個字，有無可能有時寫啱呢？唔識就係唔識。

又如果你寫錯一個字，即係誤會嗰 ...

但係英文可以拼喔！佢唔專心就連外星人都知啦！

little_yolky

sunnymama2 發表於 19-10-8 14:27
本帖最後由 sunnymama2 於 19-10-8 14:27 編輯

咁啱，阿仔間學校小一中段會揀數學好的學生入數學培訓班 ...

咁你咪學習正向囉！

jaycee_mami

家有蠢鈍兒？  你好似在自由廣場那邊，提過你小朋友是資優？

sunnymama2

jaycee_mami 發表於 19-10-9 08:32
家有蠢鈍兒？  你好似在自由廣場那邊，提過你小朋友是資優？

就係覺得智力偏低，有學習問題，才找專家評估，想有follow up 治療，點知結果係資優，我同專家講冇可能，專家話家庭教育都有影響。

所以才出呢個post,不過睇咁多好心人留言，肯定的鼓勵正向的教育都少不了。但係大前提都要父母EQ夠高。琴晚我都有學大家所講讚佢多d, 連佢痾左屎都讚佢，總之盡量揾野讚。但同佢對功課時，要叫幾十次，我又忍唔住火山爆發。

little_yolky

sunnymama2 發表於 19-10-9 08:43
就係覺得智力偏低，有學習問題，才找專家評估，想有follow up 治療，點知結果係資優，我同專家講冇可能， ...

唔好只係all屎都讚！小朋友要俾佢知道你讚佢乜，例如，all屎快手無dup波鐘。唔可以只係讚。

忍下啦！我都知難忍。不過都要學習下。

little_yolky

sunnymama2 發表於 19-10-9 08:43
就係覺得智力偏低，有學習問題，才找專家評估，想有follow up 治療，點知結果係資優，我同專家講冇可能， ...

仲有，我教過資優既小朋友，佢地可能睇好多書，所以知好多嘢，所以你自己都要不斷學習，同佢地一齊level up，唔好剩係掛住對功課，唔啱嘴型，tune唔到，點同你溝通呢！

sunnymama2

little_yolky 發表於 19-10-9 09:00
仲有，我教過資優既小朋友，佢地可能睇好多書，所以知好多嘢，所以你自己都要不斷學習，同佢地一齊level u ...

想請教你，我仔好鐘意睇好無聊的漫畫書，如植物鬥彊屍，我唔比佢睇，迫佢睇多d文字的書，對嗎。

Elenalan

sunnymama2 發表於 19-10-9 08:43
就係覺得智力偏低，有學習問題，才找專家評估，想有follow up 治療，點知結果係資優，我同專家講冇可能， ...

all屎都讚!!    無錯，我每日都有讚呀女肯all屎 (佢會掛住玩唔即去all搞到便秘), 每日返學飲哂一大樽水(仲添飲)，食飯食得快...呢d看似普通嘅事，好基本自理，我每日都要大大力讚佢，用左一段時間佢先自動自覺做好!

讚賞嘅力量好大! 我成日話曳嘅讚得多都變乖! 蠢嘅讚得多變叻叻豬     

Elenalan

sunnymama2 發表於 19-10-9 09:10
想請教你，我仔好鐘意睇好無聊的漫畫書，如植物鬥彊屍，我唔比佢睇，迫佢睇多d文字的書，對嗎。
...

我女都好鍾意睇無聊漫畫書，我由佢睇，仲鼓勵佢睇多d 。就算佢睇有字書都係鍾意搞笑或主角衰格的 (captain underpants, my weird school, horrid henry, etc.), 佢亦睇好多卡通片和電視綜藝。我唔會限制佢睇乜，除非係18禁。

我知好多家長唔俾睇漫畫，覺得漫畫冇營養，我完全唔認同。有d連電視都唔俾睇，我就好享受一家人一齊睇電視時間。

不過我女係鍾意睇英文書多過中文書 (好多細路都係咁)，我就要利誘下佢睇多d中文書。

YanKanMom

sunnymama2 發表於 19-10-7 14:53
我同意ga

如果d字都唔識寫，將來如何作文?要知道，就算諗得好好，有好多野寫，但太多字都唔識寫係會壓制 ...

一啲都無嚇襯我啊，我仔正是你所說的在小三四時仍有很多常用及基本中文字唔識寫的，所以當年考中作時，我要事先寫定一些常用字給他練習。你亦講得無錯，太多字唔識寫會在作文時發揮唔到，他至今(現已中四)仍清楚記得小三當年他做TSA中作卷時慘痛的經驗，那次好像要作一篇關於夢想的車，他想像力不差，妤多嘢想發表，但礙於腦中無儲到足夠的中文字，諗到寫唔到，很痛苦的。幸好他讀一條龍學校，沒有升中壓力，高小開始看武俠小說，到初中開始比較認真記中文字，才漸漸正常起來。這類孩子逼不來，加上沒有升中壓力，你可放鬆一點，但也不是什麼也不做，可找一些他有興趣的書、雜誌、新聞、漫畫書與他一起讀，偶然(不為中黙)讓他隨意寫點字如一兩句自己想寫的東西等。

jaycee_mami

sunnymama2 發表於 19-10-9 08:43
就係覺得智力偏低，有學習問題，才找專家評估，想有follow up 治療，點知結果係資優，我同專家講冇可能， ...

明白了, 你仔仔的case讓我想起了導演彭浩翔, 之前睇雜誌有訪問他, 講他5歲時被從事兒童心理學的媽媽懷疑智力低下, 所以去做了評估, 點之出黎的結果是資優, 智商13X, 不過他唔鐘意讀書, 中學轉了5次校.....但某些方面就才華洋溢, 很有天賦.  

little_yolky

sunnymama2 發表於 19-10-9 09:10
想請教你，我仔好鐘意睇好無聊的漫畫書，如植物鬥彊屍，我唔比佢睇，迫佢睇多d文字的書，對嗎。
...

我細女都係咁，但罪魁禍首唔係我，係C6！你俾佢打開咗潘朵拉既盒子，係唔可能唔俾佢睇。唯有睇D好少少既漫畫。你個小朋友幾大？唔記得咗，俾佢睇下「未來兒童」或「康軒」雜誌，有漫畫，版面靚，又唔無聊。我屋企果個仲有睇世界歷史漫畫、漫畫大英百科、趣味學古文等等，都好過無。

little_yolky

Elenalan 發表於 19-10-9 11:34
all屎都讚!!    無錯，我每日都有讚呀女肯all屎 (佢會掛住玩唔即去all搞到便秘), 每日返 ...

係呀，我阿大細時我成日響人哋面前讚佢自己溫書，讚得多佢就好自律阿細近排讚多咗，都乖咗D

little_yolky

Elenalan 發表於 19-10-9 12:01
我女都好鍾意睇無聊漫畫書，我由佢睇，仲鼓勵佢睇多d  。就算佢睇有字書都係鍾意搞笑或主角衰格的  ...

唔俾睇漫畫，我主要係因為學唔到閱讀理解、學速讀、同埋文章結構而已。我上面講既都係營養豐富既漫畫，但因為漫畫好睇，小朋友睇咗就好難返轉頭而已。但已經有讀文字書基礎既，就睇漫畫無妨。

Elenalan

little_yolky 發表於 19-10-9 12:53
我細女都係咁，但罪魁禍首唔係我，係C6！你俾佢打開咗潘朵拉既盒子，係唔可能唔俾佢睇。唯有睇D好少少既漫 ...

康軒好好睇! 不過好貴，我係咁收買2手雜誌。我女都好鍾意睇漫英、三采果d科普、卡內基...仲有本英國漫畫雜誌叫Beanos

little_yolky

Elenalan 發表於 19-10-9 13:06
康軒好好睇! 不過好貴，我係咁收買2手雜誌。我女都好鍾意睇漫英、三采果d科普、卡內基...仲有本英國漫畫雜 ...

你留意下D二手facebook，我放好多康軒好平

死啦，實俾人封

asweetmom

little_yolky 發表於 19-10-9 12:59
唔俾睇漫畫，我主要係因為學唔到閱讀理解、學速讀、同埋文章結構而已。我上面講既都係營養豐富既漫畫，但 ...

漫畫是大量圖片少量文字，如果不為文字功力而內容精彩益智可以怡情看一些。

little_yolky

asweetmom 發表於 19-10-9 13:19
漫畫是大量圖片少量文字，如果不為文字功力而內容精彩益智可以怡情看一些。
...

有D內容都好精彩，唔單止怡情養性，都學到好多嘢，不過我唔鼓勵有閱讀橋樑書能力前既小朋友睇就是了。

asweetmom

little_yolky 發表於 19-10-9 13:23
有D內容都好精彩，唔單止怡情養性，都學到好多嘢，不過我唔鼓勵有閱讀橋樑書能力前既小朋友睇就是了。
...

我是反對看漫畫的，所以孩子想看的話只能用她們的娛樂時間，她們反而感覺吃虧了。