家有蠢鈍兒，係家庭教育問題?

sunnymama2

IloveJJ 發表於 19-10-11 10:14
君比嗰啲好似係女仔書多。

樓主去睇下君比簡歷，其實佢都係一個有寫作才華，但唔適合傳統教育既人吧！

啱啱睇左君比的少少資料，佢的小說是否多數愛情說?

其實我都覺得阿仔適合國際學校的教育多d,無奈我和老公都係填鴨仔（你見我教養方法都係啦），所以唔敢比小朋友讀國際學校，驚唔識教

YanKanMom

IloveJJ 發表於 19-10-11 12:30
你呢個疑問我由我仔升小一諗到佢升中。我同Yankaman個仔都係咁性格，我當初亦想我仔讀佢嗰間中小學，因為 ...

一般情況下，這類仔讀書成績不用太操心，反而要留意他們的社交。如樓主囝囝專注力沒有大問題，社交也可的話，可能樓主稍為放下自己的方法/要求，比多少少彈性孩子，效果會更好。

sunnymama2

YanKanMom 發表於 19-10-11 12:59
一般情況下，這類仔讀書成績不用太操心，反而要留意他們的社交。如樓主囝囝專注力沒有大問題，社交也可的話 ...

佢社交都較弱，冇咩close 朋友~

成日都係咁，同學仔見到佢大叫佢名，正常反應係say hi 或行埋去和同學仔傾計，但佢係呢埋父母身後怕怕醜醜咁。

有時託同級唔同班同學A比野我仔，A話冇問題，話識得我個仔。番黎後，問阿仔識唔識A, 阿仔話唔識喎

佢社交弱，所以都會keep 住比佢玩制服團隊。

sunnymama2

MNIF 發表於 19-10-11 19:25
事到如今，樓主真係要同仔深入溝通一下，了解為何會在學習上出現不合作態度。

我覺得阿仔係啱IB教學，以前幼稚園係類似行IB模式，佢學習得好好，上堂好多野發表，分享意見，好主動。

但上小學係傳統，教學模式和幼稚園好唔同，未能適應温書考試模式，再加上父母都係填鴨工廠出品，唔識引導阿仔提起對温書冇興趣。

其實阿仔又唔係完全唔谷得，佢地學校呢次默書較特別和深，除了默詞語句子，還要從句子中找錯別子去改正和考普通話拼音（我都係事後才知），阿仔今次攞左小學以來第一次滿分，聽佢講佢身邊認識的同學冇人滿分。

咁即係證明佢谷得的，不過過程係要同佢角力，而且仲要用lego做獎品，所以佢才肯落力。

都好茅盾，好似佢呢d在傳統教育下抗拒學習，去到國際學校，會更好定更差呢?真係好驚行錯步

ToMing123

我個仔又係二年級，默書又係極勞氣，成日唔識寫字。相反係佢唔抗拒抄寫，可以主動坐兩三個鐘抄要默既詞語，但係抄完係唔識既，因為佢只係抄冇記入腦，所以我係另類激氣：時間花咗好多但係冇成效。每次温默書同做作文功課都暴龍上身，就係因為阿仔唔識寫字串字，組織句子能力唔好。
阿仔鍾意睇書，睇得好雜，但好快睇完，因為佢有跳字跳行的習慣，睇明六七成已經跳住睇，唔睇細節，見到有趣既句子會成句背咗，不過吸收唔到點樣組織文字同整理想法，跳得好緊要。試過叫佢逐字逐句讀出嚟，但又係讀完唔知句嘢講乜，好似抄詞語既情況。
阿仔都係讀龍校，成績中游偏下（我估，因為冇名次，而且分數差距不大，加上數學一般），老師成日話佢能力應該可以考得好好。其實佢最後考幾多分我都唔鬧，我知佢有盡力，教既嘢亦都明，只係未揾到方法同成日寫錯字被扣分。佢算好合作亦係守規矩既人，但係成日集中唔到精神，思路好跳，唔搗蛋但係會不停郁身郁勢不停搞枱面啲嘢，同佢温書又忍唔住爆鬧佢。
我細個係填鴨式靠抄寫死記攞好成績的人，但明顯呢個方法對佢唔work，換過唔同温習方法，唔抄寫只記重點，聯想記憶… 又試過放手，效果都唔理想，仍然摸索中，各位前輩可有建議？
感謝！

MrBeast

ToMing123 發表於 19-10-12 03:14
我個仔又係二年級，默書又係極勞氣，成日唔識寫字。相反係佢唔抗拒抄寫，可以主動坐兩三個鐘抄要默既詞語， ...

閱讀快但明故事大剛，跳（一組組字看）也是正常吧，但若read aloud 都唔明，perhaps太多生字？咁就要以退為進
協康之前有個「讀寫小奇兵」，中大耳鼻喉科亦不時有關於聽說讀寫的講座

sunnymama2

MNIF 發表於 19-10-12 10:53
按照樓主所講，樓主都好明白問題所在，只不過是沒有找到應對方法。我覺你仔最大問題是不夠「定」。大家有 ...

高人

我曾經巧合地聽到（光正大地）夾琴老師對阿仔嗰級top10的學生的評語，話佢好醒，答啱哂題目，不過就諗得耐左，要快d答才可以攞最高分（即係confidence分）

嗰位同學好勁好叻，但聽阿仔同佢同學仔阿媽講講係比較靜，寫字亦非常工整漂亮，數學奧數攞狀元獎，佢天資聰明就一定的，但我都有諗過如果佢同阿仔調轉性格會點呢?

題外話，阿仔同嗰位同學各方面差好遠，不過有一次爆冷校外奥數比賽竟然超越佢幫學校攞團體獎，我成日利用呢個（百年一遇）例子鼓勵阿仔，其實你都可以好叻，只要比心機，努力d，我教你時唔乖d聽話d

有同佢玩象棋，佢好有興趣，我當一邊玩一邊同佢訓練，訓練佢每一步都諗清楚，個心要定，希望日子有功，佢會有進步

ToMing123

IloveJJ 發表於 19-10-12 09:51
有無做評估？我覺得似有特別需要，睇字跳字，郁身郁勢，理解唔到，喜歡抄寫和背誦……。

日常生活有無咩 ...

沒有做評估，日常生活冇乜特別，係成日企唔定冇腰骨挨嚟挨去，有運動但不出色，社交方面被動，都係成日唔記得同學啲名，朋友嚟嚟去去嗰一兩個。有問過幼稚園和小學的班主任，都表示佢沒有大問題，話佢聰明學嘢快，只是有時不夠集中。佢係黐住張櫈的，唔算過動，但係成日換坐姿或者趴响枱，又成日Fing腳，鍾意搞枱面文具，佢温書如果不是做抄寫，佢一定係行嚟行去咁温。小一班主任話有啲小朋友係要靠小動作令自己集中精神，長大會改善，知道佢係明白上堂老師講書，亦冇影響同學，班主任話不用擔心。
寫字方面一係唔記得點寫，一係成日漏咗啲筆劃，或者將某啲字合埋嚟寫，例如「動」寫成「重勿」（結合咗「動物」），「踢」寫成「⻊足」（結合咗「踢足」球），應該同佢睇書跳字有關。
因為佢冇寫鏡字問題，沒有嚴重行為問題，老師都冇建議要做評估，感覺上揾到一個適合的學習方法同正確的閱讀訓練可以改善。