如何鼓勵小朋友說出關於學校的生活？

BK_Milk

作者：言語治療師媽媽Miss Carley


踏入九月，又是莘莘學子開學的時候，作為家長，一定很關心子女在學校的生活，但很多時候，當問及小朋友關於學校的種種時，小朋友都是一句起兩句止，究竟怎樣鼓勵小朋友多說關於學校的生活呢？家長不妨試試以下小貼士︰


１）多問開放式問題︰與其問一些是非或封閉式問題如「你今日返學開唔開心呀？」、 「你今日係學校同邊個玩呀？」，家長可以嘗試問一些讓小朋友有較大自由空間回答的問題，例如 「你今日係學校做左乜呀？」、「你今日係學校覺得點呀？」等


２）多描述小朋友的狀況以引起其講述關於學校種種的動機及興趣，例如 「你睇黎好似好開心喎，不如你講比我聽你今日係學校發生乜事？」、 「你今日有兩樣功課喎，不如你話比我聽老師話要點樣做？」


３）多談及小朋友帶回家的畫作、課堂作品等，以了解小朋友在學校的活動，並以這些作品和小朋友打開話題


４）參閱學校通告、手冊等，以了解小朋友的學習主題及進度，再和小朋友討論學校的種種


５）家長先示範如何描述一日發生的事情，例如「媽咪今日係公司開會同做文件工作，下午仲同同事去左茶樓飲茶，你呢？」


６）鼓勵小朋友把學校的情景畫出來或簡單寫出來，然後再加以組織及描述


７）當小朋友只以單字或短句作回應時，家長可以嘗試替其擴充句子，例如小朋友說 「玩滑梯」，家長可以說 「啊，原來你今日係操場度玩滑梯」