964000 發表於 20-10-31 21:37 
這間是否將軍澳新校，我見隔離post 「求解诀方法」話其TKO新IS小朋友飯都冇得食學校又唔理。
... 首先，好多謝您叫我「幫下佢」，令到我經過今次呢件事而獲益良多，經一事長一智。
尋日我問左post樓主一整日、以及Invictus的各級用家分享，恕我好直接地講出以下結論： 我籍此希望所有想Local轉入IS的父母們需要認真考慮下，唔好當國際學校係「水泡」，呢兩個月以黎我接觸好多家長想了解下此校，由幼稚園至year 2係突然多左好多，大部分原因係唔想面對功課、LS死板、要活動教學、驚要讀國x教育、另外仲有邊間類同的學校...等等，但選入讀IS，重要嘅一點係無提到，就係「接觸不同文化差異、跳出框框思維、包容與尊重」我希望家長能先大概了解下中方與西方的教育理念，西方老師的教學模式、想小朋友跳出框框思維的同時，家長亦嘗試下自己跳出框框先。
IS係講求自主學習、自我進步、老師是擔當引導的角色、學生是個體（每人不同）、教學會按不同學生的程度去作調配、強調尊重與包容、接受差異、學校功課不多（什至沒有）、老師不會時常致電或會見家長（如經常有電話到即代表老師會認為學生有某些地方需要配合/建議改善）、例子：如家長不跟進/不理會功課，老師會send email提醒，提示了一或兩次，如家長不跟進，老師不會狂追，直至見家長日。
LS大致上係跟課程教、有測考、有分數、比較常與家長聯繫/跟進進度、認為有咩不足的地方校方會緊密按觸家長、重視成績及程度、每天有功課可清楚知道學習進度、每項活動會好詳細列出如何安排、額外的拔尖/補短課程及建議、政府有資助可幫助學校、通常家長會覺得比較「安心」。
*呢D都只係普遍學校及老師做法，唔評論個別學校嘅分別及詳細。
| 
發表於 20-10-31 21:37
