「自行分配」三月知結果

elbar

在新安排下，中學可預早於三月通知自行分配學位階段取錄的學生。


教育局修訂升中派位安排，由九月新學年起，每年會提早於三月通知小六學生「自行分配學位」階段結果，獲取錄的學生毋須再參加統一派位。教育局前日舉辦簡介會向校長及老師講解具體執行詳情，不少老師到場了解，有老師預料新安排明年首次推行後，家長及學生會因認知不足，屆時將收到不少查詢，擔心會增加前線老師的工作量。


獲取錄毋須參加統一派位


以往小六學生在一月可透過自行分配學位直接向兩間中學提交申請，學校會進行面試挑選學生，但學生不會獲通知取錄結果，他們均需參與統一派位，直至七月中一放榜，教育局會一併公布自行分配學位與統一派位結果。在新安排下，中學可預早於三月通知自行分配學位階段取錄的學生，即約三成小學生於三月已知悉是否獲心儀中學取錄，而獲取錄的學生毋須再參加統一派位。


不少出席簡介會的老師均支持新安排，認為學生可提早知悉派位結果是好事。不過，亦有學校擔心若學生早在三月便知道自己獲心儀中學取錄，之後學習可能會「放軟手腳」，亦擔心學生之間會有標籤效應，未獲自行分配學位的學生或會感到失望，學校需在各方面做好準備及解說工作。

0030

可透過自行分配學位直接向兩間中學提交申請，自行兩間系咪都要報跨區學校？可以報同區嗎？

carmenlook

其實呢個安排，會唔會影響咗最後band 1容易左，因為提早公布結果可能會有啲人放軟手腳，咁去到第三次呈分賽果係咪會有影響，又會唔會令啲人喺報自行嘅時候進取左，其實呢個安排係好定唔好

kirstyau

carmenlook 發表於 19-8-29 17:05
其實呢個安排，會唔會影響咗最後band 1容易左，因為提早公布結果可能會有啲人放軟手腳，咁去到第三次呈分賽 ...

直資自行得左， 假設真係放完曬手腳跌咗去band2，大抽獎個pool多左band1生，但大抽獎英中位唔會增加，咁咪難抽左， band2生更加冇可能執雞。
我理解有冇錯呢

carmenlook

kirstyau 發表於 19-8-29 17:23
本帖最後由 kirstyau 於 19-8-29 17:24 編輯

直資自行得左， 假設真係放完曬手腳跌咗去band2，大抽獎個 ...

自行收得，即係原本七月公布佢都會係被取錄的， B1位唔會有影響，但佢早左支，係第三次呈分放軟手腳的話，我諗係咪總有多少本來B 1的人會因為放軟手腳而令到賽果有些少唔同，其實都唔係好諗得通

pccw2017

0030 發表於 19-8-29 16:52
可透過自行分配學位直接向兩間中學提交申請，自行兩間系咪都要報跨區學校？可以報同區嗎？ ...

可以

kirstyau

carmenlook 發表於 19-8-29 17:29
自行收得，即係原本七月公布佢都會係被取錄的， B1位唔會有影響，但佢早左支，係第三次呈分放軟手腳的話， ...

不過正路唔會自行個刻收左，呈一+呈二（band1)，
到呈三放軟手腳，跌極都唔會跌落band2既。
所以即係影響不大，唔會令到校內未有著落Band2生咁易升去Band1組別。

pccw2017

carmenlook 發表於 19-8-29 17:05
其實呢個安排，會唔會影響咗最後band 1容易左，因為提早公布結果可能會有啲人放軟手腳，咁去到第三次呈分賽 ...

如以B1直資收生計, 佢地收生會睇小四及小五及呈一成縝, 收的多數都係最叻個班, 呢班人慣左名列前茅, 就算hea讀, 到最後呈三名次最多差4-5名. 對Banding有d影響但不大. 我估呢班人考呈一呈二都唔會放軟手腳, 對直資及自行階段沒有影響, 反而呈三會hea考, 但綜合呈一呈二同呈三, 絕大部分都仲會係Band1.
對邊緣人(B1尾B2頭)來講會有機會在抽獎時變Band1生, 但其實學校都唔肯定, 都會叫邊緣人乙二、三保守.

medicine

kirstyau 發表於 19-8-29 17:34
不過正路唔會自行個刻收左，呈一+呈二（band1)，
到呈三放軟手腳，跌極都唔會跌落band2既。
所以即係影響 ...

問題的關鍵係，呈3幾時考？
按照目前已知公佈時間睇，呈3時間係在自行公佈結果前。
假若呈3時間係在公佈自行結果后。
甘，就有問題咯：有人答話呈1呈2係B1生，不會變B2生，邊個話你知？甘講係唔係前兩次考過之後係B1生就無需考呈3？如果係，估計好多B1生都唔再考包括未獲自行學位的學生。
再舉個例子，某校150人，岩岩好1/3係B1即50人。自行階段有15人（自行招生比例30%比例計算），而自行招生結果公佈后，該15位學生全部在第三次呈分試中‘巧合’地失手。全部15人的各科分數不超過20分，在999632計呈分比重后的三次縂排名全部跌出B1生（不需考慮係B2或3生）。甘樣一來，該校呈分縂排名的前50成爲B1生參加大抽獎。又假若該學區網有足夠B1學額。到公佈派位結果時，該校有15+50個學生成功進入B1中學。該校大豐收。來年吸引力更强。而消弱的係邊滴學校的B1機會？明顯，就係自行階段獲得少甚至無B1中學取錄學生的小學。

medicine

pccw2017 發表於 19-8-29 17:57
如以B1直資收生計, 佢地收生會睇小四及小五及呈一成縝, 收的多數都係最叻個班, 呢班人慣左名列前茅, 就算h ...

你的前設係該生僅僅下降幾名，沒假定該批學生係在有某些‘高人’提點后全部‘巧合’地岩岩在第三次呈分考試獲得兩三分從而令總體三次呈分合計成爲B2或B3生

carmenlook

pccw2017 發表於 19-8-29 17:57
如以B1直資收生計, 佢地收生會睇小四及小五及呈一成縝, 收的多數都係最叻個班, 呢班人慣左名列前茅, 就算h ...

有道理，自行被收得都屬於叻個批，照計第三次放軟手腳三次加埋都應該仲係B1

carmenlook

回覆 medicine 的帖子

咁我又覺得未必有學生及家長肯配合，學校亦未必夠膽講，呢個講法係已經揸到好籌的讓位出嚟比本來邊緣或者B2頭同學上？我估有着落的可能未必好積極，但爛船都有3根釘，加埋前兩次跌出B1的我估有， 但應該好少，但如果系呈3之後先至公布咁就唔影響

pccw2017

medicine 發表於 19-8-29 18:18
你的前設係該生僅僅下降幾名，沒假定該批學生係在有某些‘高人’提點后全部‘巧合’地岩岩在第三次呈分考 ...

你說的假定'高人'提點更是荒謬，毫不合邏輯。首先要得家長同意，一過唔小心比家長投訴重因小失大。其次向來考得叻小朋友，一向係有股傲氣，叫佢地扮唔識考到唔合格更加係無可能。家長更加無可能會接受，仲唔投訴到’高人’都要執包袱走人。最後唔好唔記得呢個係抽獎階段，就算令學校多左d Band1生，唔代表一定就抽到。吃力又不討好的事，高人先唔會去做。
就算未改之前，都唔見有人叫已有直資Offer的專登考得差。就算有d學生都唔會理！

kirstyau

pccw2017 發表於 19-8-29 21:58
你說的假定'高人'提點更是荒謬，毫不合邏輯。首先要得家長同意，一過唔小心比家長投訴重因小失大。其次向來 ...

同埋好頭好尾，入開Top10既，點都想繼續攞埋張獎狀先完美

pccw2017

kirstyau 發表於 19-8-29 22:06
同埋好頭好尾，入開Top10既，點都想繼續攞埋張獎狀先完美

講得好！仲有果種榮譽感其他野係無法取代。

little_yolky

kirstyau 發表於 19-8-29 17:34
不過正路唔會自行個刻收左，呈一+呈二（band1)，
到呈三放軟手腳，跌極都唔會跌落band2既。
所以即係影響 ...

阿大同學仔呈一呈二都係第一，佢呈三真係放軟手腳，奈何人哋成績低咗，三次加埋都有級二，阿女死讀爛讀，考試一次好過一次，最終都係入唔到top 5，無奈。

mypineapple

我都唔知三月公布係好事還是壞事， 學校收了當然皆大歡喜， 但見住隔離果位同自己差唔多既收咗， 但自己無著落就好hurt

LeeCC

mypineapple 發表於 19-8-29 23:55
我都唔知三月公布係好事還是壞事， 學校收了當然皆大歡喜， 但見住隔離果位同自己差唔多既收咗， 但自己無 ...

見到隔離位收左，自己無，就趁機會叫小朋友認識自己形勢，要加把勁，唔係係度覺得好hurt，這情況心理質素更重要。

chanti

carmenlook 發表於 19-8-29 17:05
其實呢個安排，會唔會影響咗最後band 1容易左，因為提早公布結果可能會有啲人放軟手腳，咁去到第三次呈分賽 ...

如自行入到、或直資收了、呈分會比小孩自由發揮