真道second in

H小B媽

用家, 想講吓自己嘅觀感,希望幫到大家。
中: 學校唔會要求抄寫好多生字, 佢哋每教完一課,都會有個小測驗,包括課文入邊嘅詞語運用同文法。個人覺得呢種安排唔錯。唔係死默書。當然，如果自己有要求，想小朋友可以默寫到多啲字，咁就要自己喺屋企同小朋友落多啲功夫
英: 唔覺得英文程度淺, 自己都有喺網上睇到家長分享其他學校嘅試卷, 真道一年級嘅英文試卷, 係比一般學校深，當然神校嗰啲我冇睇過, 冇比較。 英文一年級第二個月就要寫大概50字嘅短文。我相信一般學校一年級仲未有呢個要求。不過，個人睇法，英文係教得快，家長要睇得緊, 另外,感覺學校應該係默認入學嘅小朋友喺英文上邊有一定嘅水準
數：數學冇教得特別深, 程度都係跟返課本。一年級會用到1,2年級嘅書。佢哋有自己一套嘅教學次序, 例如會喺一年級嘅時候, 將1,2年級課本裏面同一教學主題嘅章節整合一齊教, 個人覺得，雖然好似係喺用書上邊跳嚟跳去，但係其實係有條理嘅。
至於考試成績，我唔知道樓上那家長小朋友讀幾年級。有可能年級唔同我未感受到上邊嗰位家長講嘅問題。我小朋友今年二年級, 上年學期尾考試, 英數95分以上, 全級分科排名都排到三、四十。 中文80幾分排名已超過100, 所以我印象覺得學生嘅水準唔差
閱讀：老師對小朋友閱讀嘅數量係有要求。感覺學校幫到我小朋友培養閱讀嘅習慣。例如,佢而家會主動拎書出街睇, 呢樣係佢以前唔會做嘅。
總結，真道平時嘅功課一定比其他小學少, 有一啲課題,可能覺得學校畀嘅練習唔夠,所以小朋友未必會太熟練。自己過去一年嘅感覺，家長係要跟得足。

H小B媽

科學大概教重力平衡,三原色反射,冷熱對流傳遞,動物種類等等, 上堂有小實驗

更正一下,英文寫作, 一年級初段大概30-40字, 到學期尾要求60字