太子超X（補數）老師態度好差

女皇駕到

本帖最後由 女皇駕到 於 19-8-17 16:23 編輯

上堂唔明落堂問個老師，唔答不特止仲要鬧學生，之後仲掟學生份筆記，係咪有病？

無心教就唔好做老師啦！

^曾小姐^

係HY LAU?
呢間預咗唔係補底，專補附近嘅保一
我女幾年前最多一班7人時上過，學校未教佢唔識就大大聲問你邊間學校，咁都唔識，然後叫助教同佢出去門口教，sir就繼續上堂，速度快，聽唔切閣下嘅事
補咗半個學期完全冇改善，我女完全唔明，冇再補

女皇駕到

^曾小姐^ 發表於 19-8-17 16:44
係HY LAU?
呢間預咗唔係補底，專補附近嘅保一
我女幾年前最多一班7人時上過，學校未教佢唔識就大大聲問你邊 ...

係，我仔平時數都唔差，學校數算係深，亦都係拔尖班。但佢咁既態度想點，為人師表者甚差。

^曾小姐^

女皇駕到 發表於 19-8-17 16:48
係，我仔平時數都唔差，學校數算係深，亦都係拔尖班。但佢咁既態度想點，為人師表者甚差。
...

我嘅補底意思係指唔係補唔識，佢預你識再教深

happy105

咁都仲去補真虐兒呀⋯⋯

女皇駕到

咪係，我咁多年教仔都係教佢唔明要發問，要存有好奇心，咁先可以進步。

佢見我仔有寫低筆記，佢問做咩，我仔話返屋企再唔明就問爸爸，佢就話同我仔溝通唔到，然後掟左本筆試埋一邊走左去。

呢個態度好有問題！如果我仔俾多2個教畜咁教，變到鵪鶉咁唔明唔敢問，又點會有進步？

celialing

女皇駕到 發表於 19-8-17 20:56
咪係，我咁多年教仔都係教佢唔明要發問，要存有好奇心，咁先可以進步。

佢見我仔有寫低筆記，佢問做咩，我 ...

咁真係離譜咗啲, 其實我女都有係度補過, 都係有問問題比老師話, 本來我都唔知既, 因補了半年有多都無咩進步, 問下亞女, 佢先講, 咁我覺得唔合適我女, 所以就轉了
佢都係補拔尖既, 跟唔到就無咩用

KA713

謝告知。咁唔使諗

Rainy

我仔以前都有係果度上過暑期班, HY LAU教, 佢話佢教得好好喎, 好搞笑.
上堂進度快, 數底本身唔差先好諗呢間. 同埋要跟足佢做功課先有用.  
果時佢太子仲未有分校, 可能有分校之後較忙, 變左啦

pypy405

佢地教得比較快 數底好就好D，我仔數底弱 就補完番黎有d都吾明 我仲比左9月錢
10月應該會轉
但未決定轉邊

littlehomedad

真係去到咁惡？。。。

ChuChuMaMa388

回覆 littlehomedad 的帖子

我地經驗不一樣。阿囝升中一，暑假在太子上H.Y.Lau班。每次落堂都好開心同我分享Lau sir 上堂時教既一D做數心得，聽得出系巳入左腦。話功課量唔多，有提有D人上堂打機傾計比阿sir話，9月會繼續補。

maymay233

ChuChuMaMa388 發表於 19-8-31 18:29
回覆 littlehomedad 的帖子

我地經驗不一樣。阿囝升中一，暑假在太子上H.Y.Lau班。每次落堂都好開心同我分 ...

我小朋友都上緊H.Y.Lau暑期班，都話佢教得好好，有唔明白的可以留低問，佢都會同你解釋清楚。

wy852

我仔一向數學唔太叻, 去補咗幾個月, 佢只會當你識教深D, 有些學校還未教的佢會教即教即要你做, 每一期會有考試,  我個小朋友每期都要交費上補底班, 唔上唔得, 所以補底的真係唔好去

迷你人

唔....其實好唔好都好個人，視乎好多因素。 不過...，我諗我唔會因為某一些言論，就去判人死刑。

王家爸爸

迷你人 發表於 19-9-2 23:16
唔....其實好唔好都好個人，視乎好多因素。 不過...，我諗我唔會因為某一些言論，就去判人死刑。

...

其實最大誤區係：家長分唔到補習社老師同埋學校老師。

王家爸爸

maymay233 發表於 19-8-31 21:56
我小朋友都上緊H.Y.Lau暑期班，都話佢教得好好，有唔明白的可以留低問，佢都會同你解釋清楚。 ...

其實係誤會，因為學校老師係服務你整學年，而大部分補習社老師只係服務你俾咗錢既嗰幾個鐘，所以落堂之後個師生關係就結束，個學生有唔明落堂之後去問補習社老師，佢答唔答個學生，好睇佢有無時間，同埋個學生既態度。如果個學生係用老俸答你既態度去問，佢無可能會回答；如果個學生客客氣氣，佢當然無辦法拒絕回答。另外，亦都好睇個補習社老師有無時間，個學生阻住個補習社老師上第二堂（或者去第二間）揾食，佢係唔會（亦都無可能）答個學生既。
其實補習社老師同埋學校老師既情況，有啲似你去學校泳池游水同埋去公眾泳池游水：你去學校泳池游水，你可以同老師講水運會嚟緊，你想操多兩個鐘水，老師唔會唔俾你繼續；你去公眾泳池游水，夠鐘你就要走，你同個公眾泳池經理講，水運會嚟緊，你想操多兩個鐘水，佢會唔會俾你繼續玩？唔俾係道理，俾係人情。

alex8301

大把數學老師我就不會受氣

女皇駕到

回覆 王家爸爸 的帖子

我仔一向都係有禮貌既小朋友，問老師如果佢唔得閒，其實講聲趕時間我地唔會介意，但掟人地份筆記既老師真係正常？

女皇駕到

回覆 alex8301 的帖子

好在我依家搵左個讀完DBS去英國讀再精算，仲要1ST HON攞獎學金既畢業生幫手。