如果你的自閉兒被人鬧

Jackie_fck

如果自閉兒在街上做左一啲「奇怪」而滋擾到人地的事，人地話你唔識教仔呀唔帶佢出街等等，你呢個時候會點做？

我今日遇到一單，但個刻心情真係唔好，已經俾個仔搞到無咩耐性，突然俾人咁話，我個刻真無忍唔住話返人地做咩咁話我個小朋友，如果小朋友教一次就識個個就係天才啦。

其實我講完個刻都知自己過左火，但真係忍唔住，下次見到面都面左左。

純粹打帖宣泄下。

0030

加油，適當的渲洩也正常～過左就算啦～

小菜豆

我同仔都試過兩次一次係石門某商場仔仔拿住玩具小巴,
有個同高大嘅小朋友行近仔仔,
仔仔緊張手中車仔, 又唔講野就咁推開個小朋友,
個小朋友講野明顯好叻,
向佢爸爸投訴話: 佢(我仔仔)推人, 佢唔啱
佢爸爸當住我面答:人地(我仔仔)冇家教唔好理佢

第2次我同仔仔去CITY SUPER排隊比錢,
點知係COUNTER就快比錢果陣仔仔心急想飲果汁瘋狂尖叫
排後面果個日本人用嘲笑口吻用日文話"大陸人"
佢唔知我聽得明

理解旁人唔明白小朋友情況, 做父母有時要忍受或向受影響的人陪罪。
唯有自己再耐心D教小朋友, 或下次出門做多些準備(e.g.帶定糖果安撫)避免重複發生。

Jackie_fck

別人見到咁都話我唔識教仔

Yukiruirui888

有時候真係要自己避免，儘量避免，或者觀察多d啊仔，會發出動作前的一d動作，只要啊仔同我出街精神就好緊張

啊仔細個的時候會忍，宜家好似免疫了，但回想起就會傷心

caroleesw

通常我仔大叫或做出大家意想不到嘅行為時，要即刻畀提示佢，例如：注意聲量，留意用詞，動作勿過大，盡量反應要快過其他人，咁其他人就好少會出聲話。
同埋如果小朋友整到人，就真係要即刻替小朋友同人道歉，講唔好意思，跟住就會教番阿仔，通常人哋都唔會再怪佢。
另外，我都真係習慣咗旁人異樣嘅眼光，然後我就會畀壓力我個仔，注意聲量，周圍啲人望緊你，咁阿仔就會好少少。

Y123

會講唔好意思及不出聲

crystal媽咪

Jackie_fck 發表於 19-8-4 23:09
如果自閉兒在街上做左一啲「奇怪」而滋擾到人地的事，人地話你唔識教仔呀唔帶佢出街等等，你呢個時候會點做 ...

有時的確好難受，有人選擇解釋/有人會將要講嘅說話吞左佢，因為講佢地都未必理解、明白