校車公司

newmoneybank

仲扣緊門的, 唔好下訂住呀~

唔明點人地大校小校的校車公司只收一個月,呢間校車公司都已經唔係平, 但要收兩個月.
就算提早好多話唔坐, 一個月都唔肯退. 做呢類消費者, 學校唔會理, 谷住比校車公司食.

呢間校車公司回應. 講咩明文定左, 其實係谷人先比兩個月的橋段. 唔比定錢, 就預無校車搭. 唔知有冇人有同一感受呢?

錢係佢到, 去到而家呢個時間,就算佢條款點無理, 都冇法. 香港地, 就係有咁多奸商而政府係當睇唔到. 唔理. 等你地消費者自己攪掂. (即係無錢同奸商鬥, 消費者一定係蝕那個) 情況同比人說買超貴美容PLAN 好差唔多. 不過, 係地點唔一樣姐~

2849

我係現任用家, 坐左校車都好幾年, 由一開始已經知校車D位好緊張, 我條線在九龍區市中心, (小二下學期插班, 真係無位比我, 開頭要自己接送)我知道有小朋友係真係可以無校車坐, 因為上年坐開果D下年係優先的, 無人走就真係FREE唔到個位出黎比新生, 校車公司都唔愁無生意, 你都可以講到人地為左賺你呢幾千蚊, 特登設個局出黎呃你, 話人地奸商, 其實你落訂的時候, 人地都應該白紙黑字寫明(佢地年年出個張叫人交錢留位的通告, 隻隻字都好大隻, FONTS起碼有16, 無細字條款, 如果你自己都唔確定係咪會讀/坐, 點解當時你又比錢呢, 講真, 你比得出呢舊錢, 原來自己又等緊另一間學校的OFFER, 你都要預左呢筆錢有機會無架啦, 我係舊生, 每逢7,8月校車公司都會叫我地交定9, 10月的校車錢來留位, 校車公司都係做生意, 個個交完$, 留哂位比你, 之後失驚無神突然又話唔坐要退比你, 你估人地好得閒

PKC每年都REVIEW校車公司, 而呢間校車公司都用左好多年, 起碼我讀左5年, 我眼見5年都係用佢, 証明都無咩投訴, 學校又無收校車公司$, 除非有嚴重事故, 如果唔係我睇唔到點解PKC要出面要追究

小ot

本帖最後由 小ot 於 19-8-1 17:25 編輯

扣門中也照交啦！萬一扣晤門，到時又冇校車，家長又接唔到的話， 咪大件事！？

兩個月正常啦，個個月交錢收票，行政野又搞一輪，我令願佢花時間在直接服務上，我也不想個個月開支票。始終要想突然間唔用校車的家長佔少數吧！

至於晤退足錢，係覺得唔抵，但尊重合約精神和相方agreement, 有否想過這樣其實幫你hold 兩個月位？我想現在只是覺得有需要退校車，想拿回多點費用吧！明白的，但如果在校家長來說，校車公司隨時改做法，我還覺得不安心！

newmoneybank

你地誤會了. 我們以為另一間冇行, 一心緊係唸住讀呢間先咁樣比錢啦~
絶對明白你們PKC現有用家一定會幫返用家講野. 但如抽離D 睇件事, 你地係咪真係真心覺得兩個月咁比訂係無問題?
我個POINT 係下訂時已經要咁, 但好似你咁讁, 呢間學校基本上係坐無虛席, 根本唔休做, 可以話一定會有人比錢補到個位, 為何要用呢樣野來呃晒家長足兩個月費呢? 點解唔可以退一個月呢?


大家做消費者, 在未享用服務的情況下己給沒收全部費用, 無得換貨換服務喎, 你認為咁樣收費模式真係合理?
我當佢收一整個月當行政費都仲可以接受. 但兩個月, 我認為唔合理LOR~

或者, 我放在PKC 版去討論呢個問題係錯的~ 抱歉!

2849

newmoneybank 發表於 19-8-2 12:59
你地誤會了. 我們以為另一間冇行, 一心緊係唸住讀呢間先咁樣比錢啦~
絶對明白你們PKC用家一定會幫返用家講 ...

咁你比$之前唔知人地係無得退咩? 呃呃聲真係好難聽, 你當時覺得人地比2個月咁唔公平, 你又比? 有人拿槍指住你? 好似你咁講, 呢個世界無留位費呢回事啦, 真心覺得收2個月無問題, 最好一次過比一年, 我唔洗個個月開支票, 你估而家街市講價, 唔退全費, 都退七成, 唔退七成都退四成, 有價講就唔洗同你白紙黑字啦, 仲有, 我幫自己學校講好說話有咩問題, 唔通同你個3唔識7一齊鬧學校, 好彩你唔讀PKC, 如果唔係PKC就變成投訴之都

小ot

newmoneybank 發表於 19-8-2 12:59
你地誤會了. 我們以為另一間冇行, 一心緊係唸住讀呢間先咁樣比錢啦~
絶對明白你們PKC用家一定會幫返用家講 ...

如果是用家，兩個月收一次，我覺得不是叫多，依家講緊校車喎，你叫我一次過俾定兩個月的士錢（even 巴士）for 去街就唔OK 囉！因為校車是用來返學，理論上是穩定的，一個學期都唔止兩個月，佢可以一次過收一過學期呀（provided that 小朋友正常無事幹返學）。當然正常不會這樣收，一來可以有變化，二來一次過太高價錢。所以我唔覺得二個月有問題！當然就消費者買野角度，最好搭公共交通工具一樣，坐一次收一次啦。但我會concern 是否可行，校車有媬母、好像有保險？、子女上上落落安全、用家多到像巴士、村巴？點對點、和學校接送上配合等因素。

家長交得錢，suppose 有學生會坐車，校車公司就會就申請以安排校車位，即是校車公司要做編排，以不是等人退出的行政處理。如果多或少了學生會坐某條校車缐，車線或有改變。而且每出一架校車（車、司機、姨姨）是計人數的吧！又要編車缐又要確保交了錢的學生必有校車，這些全都是家長交申請表和費用後，校車公司要處理的工作。我們家長就知，由申請到出到資料給家長話子女坐邊條校車缐，要兩個月有咩出奇？校車當然希望點對點（家長自行選擇現有車缐和上車站的），真的無位，正常吧？多一兩個學生，會開多架車點對點？所以收你兩個月，正常啦！

你覺得有學生退出，就有學生補上，會易嗎？你估學生真是貨物嗎？貨如輪轉？收生名額定左㗎喎！你估突然間和家長講要改校車/路線是只看「填滿」校車，你估家長真的會晤出聲？

我想你可以話校車費貴（我也常說，但其他校家長也說差不多）、你可以話點解不可次每次、每兩星期、每月......來收費、點解不退錢....但我看不到有騙人成份！我入學前也問這問題，校車公司表明你可以不交住，但未必保證有位。我估校車公司知你有機會退學位（學校和校車公司也不會視自己為後備，等人退位來決定政策，或是這政策就是「補回」被當後備時的多餘工夫），我估他們令願你晤好交啦！

家長你在培僑和討論區公海問也好，答案也都是這些。

我也很少發表意見，也不想每每以為「護校」，但講到「呃」人？唔發表唔得，如覺得不快，見諒，也是以事論事， thanks!

snoopy123456

newmoneybank 發表於 19-8-2 12:59
你地誤會了. 我們以為另一間冇行, 一心緊係唸住讀呢間先咁樣比錢啦~
絶對明白你們PKC用家一定會幫返用家講 ...

又好似唔係間間都收兩個月。作為用家，兩個月冇問題。
不過以你個情況，可能唔多CASE係咁，但到呢個時間好多間學校都係咁轉，可能又真係會有一小批你呢種情況出現。
有冇試過去消委會投訴睇下在無提無服務下，又提早通知又不退款可以點做？
不過，凍過水。
說真的，唔係好清楚各校的校車公司係邊個管。可能間間做法唔同。
我小朋友個間好D，有得傾～
可能你係QUIT SCHOOL，佢地覺得唔駛比面，無情講～
商業社會，仲要求過於供，係佢地玩晒GA啦～

建議樓主唔好在呢度討論～  

小ot

如果樓主出post 的目的是想向校車公司爭取校車費用和退款安排，或者是爭取家長認同的話，我很想幫你將message forward 給家教會成員知道。就是因為在討論區內表達只能讓你抒發，最多也只是在鍵盤上的認同或不認同，對你、在校家長、學校和校車公司沒有確實幫助。

我是比較實際的家長，有問題的話，想去了解和改善。而且學校每數年都會在校車服務上作招標，家長的意見理應重視，得到改善和進步才是重要。

就我所知校車費最多只可收二個月預繳（我看回一些其他學校校車招標文件，但不知是否規定來的。），但未見有什麼退款指引。

如樓主不介意，我可以直接forward 你的message 到家教會成員，然後再和校車公司溝通。雖然今次未必能處理到你的期望，不過為將來的家長也可能是好事。

EK 理論上應包容不同意見和看法，培僑事，在培僑subgroup 中討論沒有什麼不妥吧？除非另有假設和期望啦。

2849

你幫佢同家教會講，我怕到時再多D人上泥公審佢

小ot

家教會真的是監察校車服務㗎喎，是他們的工作來的！
如果令到這裡有家長被公審，又真是不太好！的確有關我們學校的topics 常常都很紅，搞出無聊討論也浪費時間。

不過樓主真的想為校車發出意見，就pm 我，但我也只是forward message 給我認識的家教會成員。
我之前同佢地講話漂書閣的櫃子有很多蚊，也很快回應和處理，可能這些是實際有需要action吧！

但如果樓主原意不只是校車問題，我估我幫不了，各家長只能清者自清，多言也無謂了。

恕我再多言，如果在選校上有問題和考慮，大家家長其實也明白或是也經歷過，總是希望選擇得最好的，當中可帶來不同感受。但既然已經選擇了，便視為最好的就是。 祝你和女兒開心仍接小學生活。

happyhealthy

請問有無兩輪校車

2849

回覆 happyhealthy 的帖子

正常放學跟自己校車有一轉，之後5:30有另一轉要額外收$，只去某幾個point, 印象中有大圍站，另外幾個唔記得

happyhealthy

2849 發表於 19-10-21 09:10
回覆 happyhealthy 的帖子

正常放學跟自己校車有一轉，之後5:30有另一轉要額外收$，只去某幾個point, 印象 ...

謝谢