4歲4個月自閉譜系仔在幼稚園行為問題

monictw

仔仔4歲4個月,讀緊主流K1 + E位. 近呢幾個星期仔仔在學校有行為問題,主要是推人撞人,特別是對一個男同學仔A,而同學A情緒起伏都大,　所以有時老師要花時間安慰我同學Ａ，而老師會覺得我仔係制造麻煩. 班主任亦話佢會趁排洗時間趁混亂時會同人有D身體接觸,有可能係爭用廁所,又有可能係因身體碰撞等原因(老師話得兩個老師所以好多時都睇唔清楚),基本上每日都投訴亞仔推人..

我亦都問過仔仔點解佢會推人,佢話有人霸左佢用開個廁所,我唔知係仔仔無耐性等定係有同學仔特登爭用...仔仔亦都話果個男同學A好壞成日唔守規矩上堂走來走去,所以推佢,我都有話你話老師聽就得,但情況仍然繼續

如是者過左半個學期,有日自由時間又被人請去休息坐角落..咁我問佢..你睇住人玩你無得玩會唔會唔開心? 佢答:唔會呀..我係度望燈(佢中意留意邊D燈壞左)..同埋係度玩捉E因..佢做動作係手舞足蹈係張椅度郁來郁去(正正係老師話佢被罰坐一角都不停郁來郁去)... 所以我觀察所得..佢唔係好知自己點解比人罰,唔知自己比人罰緊,有時我接佢放學見到佢比人罰緊仲識笑....我亦都去觀過課,發現佢的確係有趁排隊時用身體"AI"下同學仔, 哄埋人地度,但係玩多於攻擊性

有日放學仔仔去同同學A講聲對唔住因為佢又推人了,仔仔好樂意去講對唔住,點知仔仔一路講同學A就一路跑,個CHEMICAL就來了..一個跑一個追我地兩個媽媽都控制唔到,但佢地係笑哂好開心的.. 同學A仲跑到好遠差不多離開視線範圍,反而我仔仲識仔低叫同學A唔好再跑...

班主任講到出口勸轉校,但副校長反面叫我留低,而出年k2雖然會轉班主任但班同學仔仍然會係一樣..

有考慮轉i位,但要從新再等過..同埋有可能再出現呢種行為

我有用社交故事書,講道理,罰, 寫白板列明不可做事項但都係無效果.佢亦知道咩係應該做咩係唔應該做但我發現佢控制唔到推人個impulse!請問可以點做令我仔at least 唔做滋擾性行為? 真係好頭痛

yuk1yuk

呢位媽媽，我想你已經找到小朋友行為的原因。
你的小朋友上厠所會推人，原因是—》固執行為，要上用開的厠所格
被罰唔定—》玩手
不知做錯—》他不認為這樣是錯的，自然不會有感覺，和對外界的感知不敏感，不懂察覺大人的臉色

我想改變一下做法，如因喜某人而推他，變成和其他小朋友拖手，這樣同學的感覺會好些

嘗試打破他的固執行為，在家扮演用開的厠所被其他人用了，你會怎樣做？媽媽或家人和他角色扮演，讓他可以試新方法，如用其他厠格，等一下再用。
玩手是固執行為，用其他行為代替，如把手压在大腿下，放褲袋，或說媽媽在家見到你今天在學校有玩手，不專心，要扣零食一塊/一粒糖，

小朋友大大下會理解你的要求，現階段我想他真的不知道自己的行為有什麼不妥，我覺得角色扮演是一個很好的活動，教他別人經歷了一些事，會有什麼感受。

希望幫到你！加油！

monictw

yuk1yuk 發表於 19-7-11 13:37
呢位媽媽，我想你已經找到小朋友行為的原因。
你的小朋友上厠所會推人，原因是—》固執行為，要上用開的厠 ...

多謝你詳細回覆，固執行為其實由細到大其實都有，但某些行為已經無左和改善左。 喜用某特定廁所老師都說他有時候都會讓其他人先用，有時又會特定要用一個，情況反覆。我都有跟他說無你最中意既2號廁所，就用媽媽最愛的1號，再無就用爸爸最愛的3號，雖然佢未必聽，但希望持續潛移默化可以改善到。

你講得好岩，佢唔認為做錯事時點解係錯。(雖然我每次都有解釋)，又可能太佢太細未掌握到。我亦有教佢好喜歡同學仔時用拖手的方法，唔好攬住人/追住人，但用講的方法對佢來講太抽象，我而家會用lego 人仔 同砌lego 出來模擬返學情境，發現好似吸收得好啲。。希望有幫助。。

maysy8

monictw 發表於 19-7-7 21:49
仔仔4歲4個月,讀緊主流K1 + E位. 近呢幾個星期仔仔在學校有行為問題,主要是推人撞人,特別是對一個男同學仔A ...

只要有心理學家同意轉隊 轉隊不用重新排過