升左中一既成績

ashleymami

小學時成績算幾好，多數在全級頭十。

升中一後，第一次考試在全級排中上，近日派卷，今次覺得佢考得麻麻，分數合格但偏低, 佢話整體成績都跌左。其實佢有努力讀書，考試期間都玩少左手機，但成績有點失望，我擔心她會失去信心，但重點是點解讀左成績都不太理想！

想請教有經驗既家長，上左中學分數會否低好多？有冇家長既孩子上左中學后，成縝變得冇咁好？可否分享下情況，點様幫佢過渡及改善方法？

我需要點安慰和動力，才有能力撐亞囡，謝謝大家。

bb鼠

ashleymami 發表於 19-6-25 22:39
小學時成績算幾好，多數在全級頭十。

升中一後，第一次考試在全級排中上，近日派卷，今次覺得佢考得麻麻， ...

同道中人
我女一樣，我都見到佢有溫書，考果每一朝都4點起身溫，上學期成績還好，級頭10%,今次期考，成績表未派，但派咗卷的有一科唔合格，其他合格的也只是剛好合格，平均分對比上學期跌咗十幾接近20分
我無話佢，只有自己個心唔多舒服

Yanamami

各科Median係乜野？淨係睇分無意思，分数離median多遠先代表好定差｡好勤力讀，但答題技巧掌握到未？老師要既答題案中point嗎？寫满大半版紙答不中需要既关鍵詞也可能無分。勤力讀只是input, output也很重要啊~中－吧~还有时间摸索、檢討｡都可以請教老師自己答案不足地方在哪，如何才可以拿到分。

ashleymami

回覆 bb鼠 的帖子

你囡也是中一？
咁佢有冇好吾開心？

bb鼠

ashleymami 發表於 19-6-25 22:55
回覆 bb鼠 的帖子

你囡也是中一？

係呀中一，佢派數學果日打電話俾我時咪喊，之後見佢無乜嘢
尋日睇咗佢數mc卷，基本上不難，只是唔知做乜，易嘅加數都錯
今日講英文卷，話自己後半part 串錯字我除咗之外都唔知講乜好
總括聽返女講，低分原因是好多長答拎唔到分，佢get唔到要答乜point

ashleymami

回覆 Yanamami 的帖子

佢話老師冇講班既平均分多少？我懷疑佢吾肯講！
其實困難是不知怎様教佢答題技巧，我覺得我囡仍要幫一下，前輩可以分享嗎？謝謝。

妹妹頭

回覆 ashleymami 的帖子

我地會講每科全級median係幾多？老師就係想學生知道自己位置，應該點樣加把勁。我女都係中一，星期四五至對卷。

bb鼠

ashleymami 發表於 19-6-25 23:04
回覆 Yanamami 的帖子

佢話老師冇講班既平均分多少？我懷疑佢吾肯講！

我地之前測考都會講班平均，但今次全部都無講，只知道最高同最低

洋蔥頭媽咪

ashleymami 發表於 19-6-25 22:39
小學時成績算幾好，多數在全級頭十。

升中一後，第一次考試在全級排中上，近日派卷，今次覺得佢考得麻麻， ...

首先，家長必須調節心態，中學同小學唔同，唔可以再用小學時分數去比較，初中通常50分就合格，高中大多會40分為合格，卷深淺對分數高低亦有好大影響，所以唔好再同小學時科科9X分去比較，中學(尤其中文)攞6-7字頭已經好高。我兒中一時中文取6X分，但已是級十名內，可見只睇分數不能作準。
很多中學成績表都會列出每科級名次，家長可用作參考。中一是蜜月期，新科目新學習模式，孩子都須要時間慢慢掌握，找出啱自己嘅讀書方法。

不用太擔心，多鼓勵孩子比啲時間佢，家長可以在孩子有須要時作支援。加油！

小黃豆B

ashleymami 發表於 19-6-25 22:39
小學時成績算幾好，多數在全級頭十。

升中一後，第一次考試在全級排中上，近日派卷，今次覺得佢考得麻麻， ...

其實中學同小學讀書方法係有分別，例如小學可能靠背同記可以拿好成績，但到左中學理解能力就越來越重要，要慢慢找方法同適應轉型.

持之以恆

我仔派咗幾科，暫時我同佢都幾满意
中史就一般，佢話祗高過全班平均分6分，你到時睇成績表級排名，可能又不是你想象中的麻麻，或者是不錯呢。

Yanamami

ashleymami 發表於 19-6-25 23:04
回覆 Yanamami 的帖子

佢話老師冇講班既平均分多少？我懷疑佢吾肯講！

我係全放手型，由得佢自己搞，唔知佢学紧乜果种所以都無咩可分享｡佢自己摸索应点讀点答点攞分，佢学校又無名次既，反正我同佢升中前已以睇median分目標。

妹妹頭

回覆 Yanamami 的帖子

如果我全放手, 我都唔知我女會飛左去邊, 所以中一我都仲未完全放手, 主科(中英數通) 我從未插手, 散科反而要協助佢點去溫, 今次考試已開始慢慢放手, 希望中二我可以續步完全放手啦

gigiic

Yanamami 發表於 19-6-25 22:55
各科Median係乜野？淨係睇分無意思，分数離median多遠先代表好定差｡好勤力讀，但答題技巧掌握到未？老師要 ...

係啊, 要中Point... 我仔都係中一, 平時我連佢幾時測咗邊科都唔知, 只負責簽名 (成日叫我唔駛理), 有次攞份GEOG測卷比我睇, 好高分, 重話 '我吹咋嘛' (好似覺得好神奇, 吹水都咁高分?) , 我睇完之後答佢, 因為你答中POINT (老師剔的位置), 首先證明咗你唔係死背爛背, 最重要係你答到老師要求 ...中POINT. (佢恍然大悟咁) 。

gracelam

ashleymami 發表於 19-6-25 22:39
小學時成績算幾好，多數在全級頭十。

升中一後，第一次考試在全級排中上，近日派卷，今次覺得佢考得麻麻， ...

有冇每科級排名? 或全級每科mean分? 只睇分數係冇意義.

1998Ruby1998

除左英文同數學，其他科一概唔可以睇分數。DSE 中文 5** 都係 70 分左右。亦有可能半班唔合格嘅情況出現。

要睇 Median 中位數，同埋睇科目排名。記得有次 Geog 測驗 6 字頭我好唔開心，但後來發覺半班唔合格，之後派排名，呢個分數已經排 11-20%。

October.

如果想放心啲，可參考下DSE CUT OFF 分數，比較客觀啲，對照下咪大約知道係全港乜位置囉。
當然，依家先F1，未來5年有不确定因素。

ashleymami

多謝大家寶貴既分享，今次佢應該整體成績是跌左，只希望佢吾好跌太多，更重要不要灰心，佢有同我呻，點解努力左成績都不太理想？做媽媽既，心真是戚一戚。
昨天大家也累，今天放學會仔細睇下d卷，找出失分的原因，從而看看怎樣改善，我都明白中一只是起步點，但確實學習模式上有很大的轉變，中一下學期，我知佢有鬥心想再考好d, 一直評估和quiz(全部計分）都算有進步。考試期間溫書態度和狀態都不錯，考完回家也看似開心的。唉！所以回來的成績有幾科真嚇一跳，今天我才慢慢接受下來。

我成日提自己，親子關係才是最重要！

妹妹頭

回覆 ashleymami 的帖子

我地唔派卷回家, 佢地對卷日, 在校對, 所以我連佢錯咩都唔知, 不過阿女係COPIER, 佢會記低, 返來話我知錯咩

mcl203

Median只係睇係中位位同學既績分或Grade，分佈可以極不平均。

某校既Median只可以適用於某校，始終水平，考試深淺可以不一。A校既Median深淺水平，可以去到B校成為尖子，亦可能係押尾人仕。