英國Sixth Form 留學兩年，你問我答

anitelab

啱啱考完GCE A-level冇野做，等緊八月放榜，歡迎大家問任何問題，銀行開戶/GCE/GCSE/boarding/日常生活/報大學細節等等都可以問。
小小背景：
香港傳統名校form 5 轉到英國讀private boarding (Year 12)
Predict A*A*A*
暫時有三大多個 offer （IBGM等等）， 英國3間UOL等等offer

有時間我可能會將其他post既問題擺喺度答吓，希望幫到大家
讀邊間唔答。學費問題儘量答，但係印象有限。
英國報邊科唔答（Not medicine/ engineering)。另外機票野唔答，因為自己個買法比較特別，幫唔到大家

總之會自爆既都唔答，希望幫到大家：）

————————-





政府表明下屆立法會年度重啟二讀//香港示威者監控計劃率先測試 由中國平安奪系統合約 私隱無價，自由無價，勿讓1984發生

anitelab

Math A level leaked online
好！見到呢個標題就講吓呢個先啦。今次洩漏試題既board係edexcel，冇記錯已經係連續第三年發生。其實考之前已經有人喺whatsapp group 賣緊全份卷， 70鎊全份。Edexcel已經宣布不會就呢件事進行補/扣分，個人會覺得唔公平，因為GCE係會拉curve既，boundary某程度上會被不公平地拉高。補充一下，呢件事除咗係連續第三年發生之餘，據我了解洩漏既都係Mechanics卷。

小弟考既數學board係OCR-新制，有需要我可以講多啲

jj100c

我仔L6,修五科，明年Further math 先開始教，學校冇得修五科，所以Bio 自修，最近考試AAAB，唔知老師會唔會提高predicting grade,如果用呢個成績報ucl, King’s 或imperial College 會唔會reject?

anitelab

英國留學寄宿問題 - 寄居親友屋企，申請簽證
係冇問題既！我唔係用親友做監護人，但係身邊有啲同學係。

但係要留意大學生嗰啲親戚係唔可以做監護人既！實際details我就唔係太清楚了


有無問agent?還是你直接向學校申請入學？


當時兩樣都做過！
我係用一間頗出名既agent，當時報咗都幾多間中學，做咗好多次test，最後淨係收到一個offer （sosad），報sixth form既競爭係相當激烈，因為每間中學其實會放既位都唔會好多，我讀嗰間淨係收咗10嗰新生左右 （L6）。

有心既話都可以自己同學校傾，個人覺得咁樣成功率比較高，因為admin cost比較細，學校唔使俾翻錢中介賺。我用呢個途徑報過一間好top既男校，可惜最後因為boarding house爆曬入唔到..

而選校對成績/前途既影響呢，呢個係後話，遲啲可能會講講

anitelab

jj100c 發表於 19-6-24 07:07
我仔L6,修五科，明年Further math 先開始教，學校冇得修五科，所以Bio 自修，最近考試AAAB，唔知老師會唔會 ...

我拆開嚟答會好啲，不過就你提供既背景我都想俾小小意見

修五科
個人意見，修五科除咗玩自己係冇咩好處，英國其實大部分人都係讀3科，4科算叻仔，5科(如果唔係中文）係極之小數。AAAB已經反映到呀仔唔算好勁（no offence，但係報得4科你頭三科一定要有足夠信心，信心係講緊考到A*，5科如此類推）建議起碼放棄一科。B基本上係拖後腿既grade，所以最好唔好攬。老實講top 50 英國中學係唔會俾學生攞B以下既grade出去報大學。A* 價值>>> 讀多一科。如果aim UCL 同 IC B個人絕對唔建議出現。 如果係有心報IC/UCL （尤其係IC）起碼要A*AA 到A*A*A。如果唔係真係報都唔使。

Bio自修
GCE bio 個範圍出名厚過字典，我一確認去英國讀書第一時間就drop咗bio

明年Further math 先開始教

一般英國讀FM都係year one讀曬（即係year 1+ 2）普通數先，如果呀仔搞得掂（真係attain到A）既話就放心讀，但係一定要搞得掂先好，如果唔係最後會好慘
——————————————

唔知老師會唔會提高predicting grade？AAAB我假設係呀仔攞到既grade先（？
呢個問題就要睇學校喇，學校既準則可以話係鬆緊不一。
其中一個因素係師生關係 。我自己ECON比較強，year 1既野已經讀到熟曬，最後年尾差幾個%A*佢都唔俾我，因為我訓足全年冇聽過書，最後考暑假狂寫past paper交俾老師再求先攞到A*。



如果B嗰科係attainment grade一般學校都會推上A既。不過A上A*學校都會比較緊手。


個別學校會鍾意禁低自己學生個grade，原因係避免俾大學發現吹太大被放入黑名單


如果最後真係得AAAB既話我會有兩個建議
1, 放棄IC
2,  呀仔日日學霸上身問問題，9月再求 head of academic 加家長（非常誠懇既）信，呢個時候唔需要搵老師，因為佢唔會話到事。


另外有一個因素就係睇吓8月放榜間學校成績，如果好多人甩grade，miss conditional offer 既話就麻煩啲，不過都係用建議2


如果用呢個成績報ucl, King’s 或imperial College 會唔會reject?
UCL勉強夠，KCL冇問題，IC好難，當然睇PS，另外部分科目要考APT test，如果考唔好apt test就算你有4A*都冇用，不過呢個係後話，遲啲再講

anitelab

英國A-level（回港）讀醫科, 最基本成績的要求是?
免責聲明：我唔係報醫療科目，但係boarding有五個同學報，我會盡量講吓

GCE 要求： 由4A* 到 AAB/ AAAC 都有， 睇大學

如果你要報Cambridge既話要APT加interview（當然可能連第一關考試都入唔到啦）， UCL呢啲都會收得比較高同難入，不過英國medicine其實有啲都收得唔高， 例如bristol， 但係最最最重要係APT Test ， UKCAT 冇2300 以上你 A-level 個 predict grade/ PS 都係冇用既，大學根本唔會睇。 當然如果最後考得好clearing都唔係冇機會既

（回港）讀醫科
可以睇翻HKU每年GCE個lower bound 作參考， APT重要性比較低同埋非 compulsory， 但係interview會比英國intense同埋重要

anitelab

倫敦市區出租車預約 （適用於機場入學校等安排）
Uber 都係比較貴，的士都係

個人建議去 minicabit 參考價錢，再聯絡app入面提供既公司自行講價，咁樣會最平
如果係學校入機場/london可以搵學校直接call 車，因為司機長期合作關係一般會再平啲

anitelab

仔成日話GCSE兩B兩C就OK
佢話中文同數學一定可以攞到B另外+2科攞埋C就升到A Level, 就算其他科全部fail都唔緊要是真的嗎，是真的這麼簡單嗎
客觀講，每間學校都有minimum requirement去決定俾唔俾你升sixth form，可能GCSE BBCC就俾你升，呢個係正確既講法，ching可以email向學校確認


主觀講，GCSE其實已經好容易，就算呀仔/女讀書唔勁，只要適當溫習都應該有5A以上。我認識既同學入面有人讀書唔好，但係gcse點都會有起碼4A以上。如果你考個BBCC翻嚟以後點讀A-level？ 過來人經驗， GCSE 既難度連 GCE 50% 都不如。

我自己香港讀到F5過嚟英國讀L6，過嚟之前個段空窗期考咗三科IGCSE，一科IAL （個人做法，唔係個個會咁咗）。我考既係 IGCSE maths (higher tier) （97% A*）and further maths.  入考場考數學，監考一話可以走就已經走咗一大班人。 點解？ 因為簡單呀嘛！further maths 考既野同HKDSE core完全唔同， calculus, trigo 考法完全唔同， 我自己用一個月苦讀最後 75% B。但係都有B，而且IGCSE FM難過 GCSE FM 9條街。


最恐怖既係，呢班香港人兩年後會同你個仔一齊爭大學學位。

如果呀仔最後真係考BBCC既話，我建議你唔好俾佢讀GCE，去讀foundation啦，結局都係一樣。老實講家長咁辛苦搵錢，一年學費幾十萬，花錢如倒水，如果抱住考BBCC既心態，得過且過不如咪_讀，我認識既呢類師兄冇一個有好下場，全部GCE CCC以下，一係讀廢U、一席讀廢U foundation，繼續無限燒父母錢欺騙自己。真係考DSE考15分好過，起碼使小幾年中學學費冤枉錢。 呢個世界冇過咗海就係神仙呢個道理，at least 唔適用喺GCE既世界

（唔好意思，見到呢啲case真係會燥底，可能用詞比較尖銳）

anitelab

請問大家囝囡在英國打算用什麼sim card?  

到步英國後可以賣一啲叫 pay as you go 既卡， giffgaff, 3UK, vodafone, EE 都有
每個月有數據limit， 可以靈活變動，隨時cut卡，每月 5 - 20 鎊不等
放心，英國所有電信商既coverage都係垃圾，所以唔需要因為coverage而轉台

另外vodafone 開咗一個比中/大學生用既plan，無限 social data ( facebook, instagram, youtube etc) 十幾鎊一個月 + 6GB data，最抵




不過住得boarding一般都會提供wifi （深夜會cut）所以唔需要買太貴既plan）

anitelab

選校我有唔少朋友係讀其他中學，大家都可以問下（但係女校就難啲），可以從學生既角度分享一啲秘聞或者睇法

發夢聽過C___（風景好靚個間）好多人食草， 某學校捉到人賣class A drugs， 某學校boarding比較好住 （例如倫敦w___會有獨立廁所提供）， D___接收收咗某名人個仔 (衰boarding house偷野）等等

利申：以上所有內容純粹發夢聽過，如有雷同實屬巧合

anitelab

人在英國，今日講住咁多先，聽日（如果有人睇既話）會講吓 HKDSE vs GCE vs BTEC， IB可以講小小但係唔熟， 同埋好多人關心既 Dining hall， IELTS
另外有關大學野我可能唔會講太仔細喇，費事打爛外面agent啲飯碗...

藍藍爸爸

anitelab 發表於 19-6-24 07:51
英國A-level（回港）讀醫科, 最基本成績的要求是?
免責聲明：我唔係報醫療科目，但係boarding有五個同學報 ...

Hi

我見你有同學報醫療等科目，請問他們有否需要申請香港的“無犯罪紀錄證明書“？

謝謝！

anitelab

回覆 藍藍爸爸 的帖子

冇同學同我講過呢樣野，唔敢亂講。建議email想報既大學admission department確認，一般都好快覆

藍藍爸爸

anitelab 發表於 19-6-24 09:41
回覆 藍藍爸爸 的帖子

冇同學同我講過呢樣野，唔敢亂講。建議email想報既大學admission department確認， ...

有問呀，就係講到好容易，但係香港警務處就唔係咁容易，點都好，謝謝你！
祝你升讀理想大學！

cow

jj100c 發表於 19-6-24 07:07
我仔L6,修五科，明年Further math 先開始教，學校冇得修五科，所以Bio 自修，最近考試AAAB，唔知老師會唔會 ...

其實每間學校都有機會reject, 睇你personal statement同interview(如有), 單以成績來講, UCL, King's 應該無乜問題.

3b

anitelab 發表於 19-6-24 06:56
啱啱考完GCE A-level冇野做，等緊八月放榜，歡迎大家問任何問題，銀行開戶/GCE/GCSE/boarding/日常生活/報 ...

香港中學名校form 5 轉到英國讀boarding (Year 11) ，男校


*************************


名校中五過去, 是讀完中五還是中四? 為何要讀Y11而不是Y12?

佑心

anitelab 發表於 19-6-24 07:17
英國留學寄宿問題 - 寄居親友屋企，申請簽證
係冇問題既！我唔係用親友做監護人，但係身邊有啲同學係。

謝謝你既分享，睇完真喺明白咗好多嘢，但可否講講以下這個問題? 因為我囡想讀間好D既大學，她想考好GCSE轉間更好既中學，有需要嗎？
“而選校對成績/前途既影響呢，呢個係後話，遲啲可能會講講”

samsam123321

點解讀3科咁少？

samsam123321

Hku 咩course 咩co?

samsam123321

anitelab 發表於 19-6-24 06:56
啱啱考完GCE A-level冇野做，等緊八月放榜，歡迎大家問任何問題，銀行開戶/GCE/GCSE/boarding/日常生活/報 ...

边間男校？有無hints?