邊間海外升學顧問好和可靠？

phoebemm

我的女兒打算明年到英國讀大學，喺時候準備一下，但坊間有不少升學顧問，不知邊間好和可靠？

lovenature

回覆 phoebemm 的帖子

其實睇人，去多幾間比較, 我以前去過的只有IDP 較有印象

anitawong21

ipadress 發表於 19-6-24 14:26
打電話問 D agent 時， 是否間間都要比2年成績表 + passport ?

首先利申，我唔係報英國學校，又唔係報大學的！

嗰陣我問咗兩間細公司，一間要收錢，一間唔收錢，都係咩都冇帶，我特登揀閒日先走上去問，我連小朋友讀邊間都冇提，只係話band 幾嘅中學，大至上咩成績。我話仍未决定去唔去，只係問下資料，因為我完全唔熟哩個國家學制，咁佢哋就講解當地學制我知，我就順便問佢有咩學校好。之後我留咗eMail及電話，佢哋間中又俾一間學校資料我，間中又打電話或WhatsApp 嚟關心下我咁

大前提係我都唔急，同埋我其實唔止淨係睇agent俾嗰D，我有自己再做功課，心裡面已決定想報邊D學校，又各得邊個agent好D，我先至俾哂資料佢報去報名。

小曳人

我聽過EK有賣廣告嘅一間升學顧問公司 ARCH嘅講座，佢地有提過，市面上有d叫agent，會推薦一d學校俾家長，如果成功的話，大學會俾返錢個agent

而顧問，就係服務，同你傾你嘅需要，教你應該點部署，提你幾時要報咩名，報咩科，好似湊仔咁，佢地唔會推薦某d唔出名嘅學校，亦唔會收學校費用

而我google ARCH，就出咗CANA 嘅廣告，似乎佢地都係做緊差唔多野，因為位置問題，我地有俾仔跟CANA 上私人教授嘅班，預備以自修生身份報考公開試，亦同佢地顧問傾過 (簡單諮詢，唔收費)，可能因為係客仔，仲安排評估俾我仔，以及建議，但問過類似ARCH嘅湊仔升學顧問服務，就要過十萬，當然要睇湊幾耐，ARCH話建議早2-3年開始預備，特別係去美國嘅頂尖大學

我唔清楚仲有無呢類升學顧問，定係樓主其實係想搵agent...

Zsokol

phoebemm 發表於 19-6-22 08:16
我的女兒打算明年到英國讀大學，喺時候準備一下，但坊間有不少升學顧問，不知邊間好和可靠？
...

樓主你女兒是明年20年去英國讀大學,現時還有点時間,你可以嚟近今年英國大學招生展睇下,或者你女兒打算讀邊科,有冇特別喜歡邊間學校,如果用DSE報讀又可以多D了解,佢地收生要求..?

最重要了解UCAS係点玩法, 當你明白成個流程和需要什麼,到時AGENT/升學顧問根本唔重要,間間無所謂.