真心想請教

bubumeow

其實如果本身有外國passport, 或已經有基金作留學之用, 咁點解仲要谷入名幼名小？

原因係大家都知道西方教育要求學生多參與多討論多活動, 要好主動先有好成績, 但相反大部份hit 嘅學校都係要求學生坐定定齋抄寫齋聽老師講, 唔著重思考能力， 所以係完全相反嘅。

既然預咗唔會玩DSE/ JUPAS, 我諗緊好唔好為小朋友揀一間多探索嘅學校，還佢地一個愉快嘅童年呢?

千源爸爸

90年代前可以咁講。坐定定（不如話discipline 適合D）好多外國學校都需要。 要坐定定要有紀律又唔代表佢嘅童年唔快樂嘅～ 父母同埋朋友都係構成快樂童年嘅一啲重要元素！

Poyau

有人追求名校
入唔到國際名校選本地名校

Lalaji

你呢個問題都幾有趣，等我都分享下一啲個人睇法。

第一，你個問題嘅出發點，係從個結果推敲返之前嘅過程。 但其實有唔少父母係真心buy本地學校嗰種紀律， 而且唔係 咁鍾意 國際學校嗰種咁free嘅教學模式。 所以佢哋嘅著眼點唔係將來讀咩大學，而係當下小朋友個教育模式。

第二係中文。 中文嘅重要性越嚟越大。唔少家長就算中學會送去國際學校，都希望小學同幼稚園喺本地學校學好啲中文。 你去國際學校版就知有幾多家長擔心小朋友啲中文唔得。

第三係一種腳踏實地嘅感覺。 其實國際學校一向畀人一種好自由好happy， 但係又上到名牌大學校嘅感覺。 呢種scenario真係too good to be true。 以我識嘅人身邊有唔少人讀國際學校，最終去咗名牌大學。但係佢哋通常都係屬於兩大類。一種係天生神童。另外一種係後天極大嘅努力。 唔係個個人都咁相信入咗國際學校就從此happy Ever After。 反之，本地嘅制度裏面由名幼到名小名中一步步咁登天。 中間個小朋友有幾多斤兩一路都有唔同程度嘅評測。 會令家長 覺得比較踏實
。
最後，父母以前行過嘅路，都會好影響到自己點樣為小朋友舖路。 始終嗰條路係家長嘅comfort zone

chan123123

其實每個家長嘅諗法都唔同，好難攞自己把尺度人哋嘅。
如果你已經有預定基金送仔女去外國讀書，我都贊成唔需要讀得咁辛苦，揀間happy嘅已經OK！你都唔係跟香港嗰套制度玩，咁點解要搞到自己同仔囡都咁辛苦？