不滿小學時被揶揄「廢紙」 返母校用摑老師臉

keechoi

不滿小學時被揶揄「廢紙」　返母校用摑老師臉　23歲男自簽守行為

23歲男子稱讀小學時不滿被老師比喻為「回收箱入面嘅藍廢紙」，一直耿耿於懷，去年重返母校外斥責該老師，更兩度用鈔票摑打對方臉孔。男生今在西九龍裁判法院就一項「襲擊致造成身體傷害罪」自簽2000元守行為一年，並賠償事主1000元、支付300元訟費。


報稱任金融經紀的被告莊洋洋（23歲）去年9月20日在葵涌慈幼葉漢小學外襲擊李家偉，造成身體傷害。

裁判官聽畢案情後曾問被告，為何用鈔票拍打別人臉部。被告回應稱，「佢（案中事主）比喻我係回收箱入面嘅藍廢紙」。裁判官聞言表示，一個人是否受人尊重，不是視乎掙多少錢，又形容被告「咁樣做好侮辱」。

案情指出，被告讀小學時，曾因學業不佳被事主懲罰，令他耿耿於懷。至去年9月，被告在母校外情緒激動斥責事主，並用胸口撞撃事主3次，更從銀包取出11張港元和人民幣鈔票，兩度用鈔票摑打事主臉孔。被告又用手兩度抓住事主的衣領，導致對方頸部輕微擦傷。

事主其他同事見狀報警，被告在警誡下表示「我只係同佢嘈，我冇打過佢」，到其後在錄影會面時指出，自己小學時因學業不佳遭事主懲罰，故透過撞撃及用鈔票摑打對方，來表達不滿。

Soundervolt

李大人 發表於 19-5-8 16:27
八九十年代，我見過有津小老師，心情唔好，打學生，當年係可以體罸，好在現今有直資國際學校，老師年年續約 ...

八十年代以前男神校都有打藤體罰(唔係藤條打手板咁簡單）。依家唔係單單續約問題而唔會體罰學生，而係體罰學生會干犯刑事罪，（無論官津直私）老師犯不著郁手打學生。

sunnymama2

被告都係可憐人，童年陰影對佢影響好大。如果當初遇見啟蒙老師，今日可能有另一番成就。

qpalzm

李大人 發表於 19-5-8 16:27
八九十年代，我見過有津小老師，心情唔好，打學生，當年係可以體罸，好在現今有直資國際學校，老師年年續約 ...

表面上無左體罰係好事，但近年就出現更深層次問題。體罰至少係對事同一次過，但無左體罰令某些老師改用言語和舉動長期向學生精神施壓，傷害往往比體罰更大。

Soundervolt

李大人 發表於 19-5-8 16:27
八九十年代，我見過有津小老師，心情唔好，打學生，當年係可以體罸，好在現今有直資國際學校，老師年年續約 ...

睇嚟你對官津學校成見幾深....點樣對待學生係個人問題，如果唔想冇咗份工要為咗每年續合約，只用打份工嘅心態教書，直資學校老師不如搵份官津學校嘅工，官津學校升遷及福利保障亦比直資好，而且跟據大人道理，只要少做少錯就唔怕不被續約？從事教育工作咁多人，點可以一概而論？

Soundervolt

李大人 發表於 19-5-9 10:39
可能童年陰影，我試過無故被老師襲擊隻耳仔，係甘扭，仲唔係教我地班，當時只係小一，現現今始終覺得我有 ...

我都試過初小時被扭耳仔同打手板，仲好有印象，不過當時幾普遍（尤其對男學生），不過今時今日體罰基本上已經唔可以。

至於言語鬧駡，我有朋友教書話依家驚鬧完學生，佢會走去自殺，就算唔係鬧得太兇，父母都可能投訴....世界真係變咗好多。

hohoho888

以前老師罵人廢紙垃圾都好平常, 成日都係呢d形容詞, 話女仔大個做魚蛋妹都聽過,
不過咁講, 罵是藍廢紙都叫有厚道wor, 可以recycle , "經過適當處理就成為有用既野"

genpub

現在的家長用顧客心態對待學校，學校為了滿足家長，做一些違反教育理念的事，又是否學生之福？

快樂股民

我小學讀聖x濟各，八十年代中期時，有一個女學生被罰在露天操場罰企，當日是下雨天，佢其實即係被罰淋雨。