情緒.....有冇人可以幫我?

kiukiu

各位

我個仔啱啱4歲，但係近呢幾個月，佢不斷模仿大人或電視講嘢/動作,佢成日將我哋鬧佢或話佢嘅說話，講番晒出嚟。之前幾個月已經間唔中都會跟人講嘢，初初都唔係太嚴重，但後尾越嚟越嚴重，不論喺街或屋企，佢無端端就會指住工人或公仔喺咁鬧，好大聲，有時仲谷到塊面紅晒，係咁話自己好嬲，好唔開心，又話唔啋你，有話要罰你，有話要打你。就算上緊興趣班，都係咁，一係鬧同學仔，再唔係，自己做唔到，就發脾氣，鬧老師。小小事，一做唔到，佢就會發脾氣，例如:當佢砌lego，一砌唔到，就將啲lego推散晒。仲有，琴日同佢飲茶，佢又無端端用手指指住隔離枱啲人，我哋話咁樣做無禮貌，叫佢唔好(用好温柔嘅語氣)，跟住佢又開始係到嘈，越講越大聲，跟住仲好大力拍枱。我而家好擔心，驚佢精神有問題，因為佢真係好似啲傻仔咁(我其實唔想咁形容自己個仔)，好似夜晚，我一去沖涼，佢就係出面大大聲咁嗌，而我自己喺廁所到，一路聽，就一路好擔心，同傷心，覺得佢好似有啲精神分裂症。

請問你哋有冇啲非牟利或政府嘅心理專家或輔導可以介紹給我？又或者我有冇其他途徑可以幫我？

fion414

kiukiu,

妳可以妥這情況話比普通私家醫生or兒科醫生, 叫佢寫張醫生紙, 轉介睇政府兒童智力測驗做評估.

wendylimb

kiukiu ,

你可以試下問協康會, 佢地好似有個'x苗行動', 要比$, 但比政府快, 比私人心理學家/醫生平. 都係由佢地自己d心理學家做評估, 有事都有得跟.

臨床心理學家

你可以嘗試打社署熱線23432255, 問他們你所住的地區屬於那間綜合家庭服務中心的服務區域, 然後你可打電話去那間中心聯絡當值社工, 與他們會面後, 經他們轉介給社署或該機構的臨床心理學家跟進
費用全免

臨床心理學家

你孩子的表現屬於情緒問題, 與智力應該無關
所以兒童智力評估中心並非一個適合的轉介地點
況且評估中心一般只提供評估服務, 並不會作長時間的跟進, 所以不用枉費時間