高小作息時間

iluvchun

阿女做功課唔算慢手腳，一星期三個興趣班全部佢自己堅持要上，上學日有自由時間俾佢休息睇電視，每晚最遲十點入房，冇打機冇電話，仍然唔夠時間用

請問高小家長你地仔女既作息時間如何？

好想每日加30分鐘溫習時間，因為要呈分了，但阿女成日好攰，迫佢溫都溫唔入腦

lulumelody

起床時間幾點?

little_yolky

iluvchun 發表於 19-4-26 09:52
阿女做功課唔算慢手腳，一星期三個興趣班全部佢自己堅持要上，上學日有自由時間俾佢休息睇電視，每晚最遲十 ...

我個安排興趣班響禮拜六日，星期一至五只有禮拜五補數，平時唔會睇電視，阿大手腳勁快，一三五功課堂基本可以做好功課，佢會自己安排時間溫書，所以無乜需要再同佢溫，9:00要準備入房，一般9:00前瞓著。

阿妹手腳慢D，又唔自己溫書，所以測考默前會擠時間同佢溫書。相同時間瞓，六點起身。

assado

iluvchun 發表於 19-4-26 09:52
阿女做功課唔算慢手腳，一星期三個興趣班全部佢自己堅持要上，上學日有自由時間俾佢休息睇電視，每晚最遲十 ...

冇必要的電視最好少看, 另是否返學, 放學需時 ?

iluvchun

IloveJJ 發表於 19-4-26 10:12
10點已算遲。我唔覺得有需要每日溫習，我只會星期六/日抽個下午溫。

小一至四都係測考前才溫習都應付到，但上到小五開始溫唔切

九點幾十點入房都唔夠時間用，所以好頭痕

iluvchun

lulumelody 發表於 19-4-26 14:34
起床時間幾點?

7:15起床，入房後會睇一陣書

iluvchun

little_yolky 發表於 19-4-26 16:54
我個安排興趣班響禮拜六日，星期一至五只有禮拜五補數，平時唔會睇電視，阿大手腳勁快，一三五功課堂基本 ...

興趣班已盡量安排週末，但學校有課外活動、拔尖、補課，有時阿女又俾老師揀左去比賽，要留校練習

返學日子電視只係半個鐘，因為阿女由嫲嫲湊大，已經中左電視毒，戒唔到

功課堂35分鐘都做得哂啲功課，真係好快手！阿女每日大約要個幾兩個鐘，唔算好快但唔算慢，我有問過其他同學媽咪

iluvchun

assado 發表於 19-4-26 17:39
本帖最後由 assado 於 19-4-26 17:40 編輯

冇必要的電視最好少看, 另是否返學, 放學需時 ?

我同阿女傾過佢既作息時間，佢話要半個鐘電視時間當休息，既然係自由時間我又唔應該迫佢做 / 唔做某事

返學半個鐘，放學去嫲嫲屋企大約15分鐘路程，我放工再去接返屋企

因為屋企七八點先開飯，其實九點入房瞓係冇乜可能

little_yolky

iluvchun 發表於 19-4-26 22:33
本帖最後由 iluvchun 於 19-4-26 22:35 編輯

興趣班已盡量安排週末，但學校有課外活動、拔尖、補課，有 ...

我哋因為跨區，留校無校巴，所以所有課後既都唔參加。我哋功課堂一個鐘，所以認真做一定做得晒。其實即係轉個彎講阿妹唔認真做


至於無功課堂既日子，家姐會小息做。至於中唔中毒，無既，睇小朋友著唔著緊啫，佢著緊成績，自然唔會睇電視。我哋跨區返到屋企都4:30以後，休息一下、換下衫，家姐從小一已經日日有時間睇書，高小都係，只係時間少咗，因為佢要整理筆記。小朋友著緊，係事半功倍。

Yanamami

哗~早瞓~我女係23:00~07:00瞓。瞓前搞呢搞路，唔係温書做功課，就係唔知搞乜｡平日無温書，都係考前两周开始温｡果时－星期操五日水，係好攰下㗎｡

assado

iluvchun 發表於 19-4-26 09:52
阿女做功課唔算慢手腳，一星期三個興趣班全部佢自己堅持要上，上學日有自由時間俾佢休息睇電視，每晚最遲十 ...

在嫲嫲屋企, 點會溫到書 。
攰, 功課又做得慢, 未完成但又俾看電視, 家長又合埋化埋。 (正常, 都要完成正經事情才看電視呀! ) 。
冇時間温書, 但又参加學校訓練/活動/興趣班, 可能家長要楝選一吓, 升中, 主要都是看成績。
功課會吾會較難, 吾識做? 所以做得慢。
相信, 家長檢視一下現時生活時間表, 學習流程, 相信都諗到解決方法, 不用問大家。

MrBeast

iluvchun 發表於 19-4-26 22:38
我同阿女傾過佢既作息時間，佢話要半個鐘電視時間當休息，既然係自由時間我又唔應該迫佢做 / 唔做某事

返 ...

我們作息時間都是比小朋友自己決定做乜，打機都得，另外做完哂所有當天的事（包括小量閲讀），時間就是佢自己的（咁先會有motive 去做好time management)，有些同學會在小息甚至堂上做功課，不過我等佢自己決定。
至於每天溫習，雖然是最有效的方法，除非測考成績差，暫時都未有咁做，但我們會好早在長假開始溫/預習（當其親友同學去旅行時）。

電視cctvb 太差了，我們通常看大陸劇或西片，一石二鳥，不過最近看舊劇楚漢驕雄，都ok, 但在老人家屋企未必control 到。

高小小朋友開始有自己主見，萬事要有商有量，咁關係先長久

Cheeselover

iluvchun 發表於 19-4-26 22:33
本帖最後由 iluvchun 於 19-4-26 22:35 編輯

興趣班已盡量安排週末，但學校有課外活動、拔尖、補課，有 ...

電視不是洪水猛獸，我女每天完成功課後(功課堂都完成7-8成功課)，看30-45分鐘卡通片，反而不用太緊張每天溫習，做功課也算是溫習，我星期六日才花一，兩小時温習。
飯後自由活動，多數是大家看書，九點上床。

Olympian

上學期無時間溫，但下學期開始有時間溫習。

每天2至3小時玩，小4。