【選修科】生物、化學、物理、Ｍ２＞＞５＋％

YmOra

samsam123321 發表於 19-4-28 21:44
其實點解唔讀8 科？

讀晒８科真係好辛苦，先係每科有指定嘅學習總時數要响２年半內完成晒，仲要計埋有些學校會盡量於２年內完成整個選修科的課程教導，盡量剩多Ｄ時間操習歷屆試卷，可想而知２年讀１科選修科係幾咁辛苦呢！更可況８科，而且大約只有１００個學生左右會修足８科，全港所有中學平均１個人都沒有，就知有幾辛苦了。仲有，這１００個人未必多人係為求知識而選修而去考，因為可能大多數人會選多一科外語搭夠搏考到５**見報紙！

samsam123321

del...

YmOra

samsam123321 發表於 19-4-28 22:33
難為以前會考讀10科。

咁！又有少少唔同嘅！以前中五會考係淺過ＤＳＥ，而ＤＳＥ係界乎以前嘅中六至中七之間。十優生唔會再有囉！

samsam123321

YmOra 發表於 19-4-28 22:25
讀晒８科真係好辛苦，先係每科有指定嘅學習總時數要响２年半內完成晒，仲要計埋有些學校會盡量於２年內完 ...

del...

samsam123321

del....

Vanadium

其實以前會考同AL，phy chem bio既credit或distinction率，同文科差不多，故此亦有人因為咁，明明幾醒目都去讀文科，然後係會考同高考更易取高grade，因考phy chem bio既人，大都係較尖子學生。

DSE轉制後，據說考評局有見以前咁拉curve鎖成攞A至E%，對多勁人考既科唔公平，故此會作出調適，多勁人考既科會多派高grades，以致今日見phy chem同M2成績明顯好過其他科，其實同樣好既好似仲有econ。

至於佢地點知邊啲多勁人考? 咁就好似話係睇4個主修科成績。

以上主要係聽聞，雖然來源應該可靠但不100%準，派高grades可能係因為改左criteria referencing既結果。但事實.....的確越多勁人考既科，派grades越好。

long0

其實總結係
1）數理料大學位比較多
而學校中收數理學生
係比較讀書成績理想的學生
所以成績好係好合理
2）數理科除生物外
答案係1就1 2就2
詞不達標準而扣分的可能性好低
答案係就比分
偏差不會因為改卷員不同而成績有異
考生自然會踏實D 不易甩腳

而中中上大學讀
比一般英中同偽英中學生辛苦
這是肯定的
但不代表沒GPA過3爆4的成功案例
不過絕對比Band3生努力升大學的時侯辛苦
當然亦要睇讀咩本科
不過情況亦只會有輕重之分
絕不會沒有影響

akazaka

YmOra 發表於 19-4-24 13:31
日校考生：
＝＝＝＝＝
ＤＳＥ２０１８_數據來源：：

我阿仔某B1學校，去到中五只會得返一班可以讀M1/M2，唔係精英係入唔到

akys

Vanadium 發表於 19-4-28 23:53
其實以前會考同AL，phy chem bio既credit或distinction率，同文科差不多，故此亦有人因為咁，明明幾醒目都 ...

DSE 1－5 用水平對照，例如整體水平高就多人攞5，喺呢班5仔內再按比例，大約10% 5** ，30% 5* ，60% 5。唔知IB和AL係咪咁派7或A*？

問題係，如果有15%嘅人超班， 但其中5%只能得5*， 因為5* 和 5 **不按水平來派。

YmOra

akazaka 發表於 19-5-7 16:54
我阿仔某B1學校，去到中五只會得返一科可以讀M1/M2，唔係精英係入唔到

有時咁諗，所有科目中"數學"係一科可以由中一至中三３年時間給自己給老師觀察能力，每位同學到選修Ｍ１/Ｍ２時都有九成能力清楚自己是否適合讀Ｍ１Ｍ２，無形中就成為""精英生""修讀的科目。其實，物理科是否可以效法哩種做法呢？！响中一開始教物理科，咁學生咪有更長時間審視自己是否適合囉！

YmOra

akys 發表於 19-5-7 17:49
DSE 1－5 用水平對照，例如整體水平高就多人攞5，喺呢班5仔內再按比例，大約10% 5** ，30% 5* ，60% 5。唔 ...

應該唔會突然有咁大嘅超班人馬出現的突發性，因為自有ＤＳＥ以來５或以上所佔的百分比十分穏定。

參考資料：
www.hkeaa.edu.hk/DocLibrary/HKDSE/Exam_Report/Examination_Statistics/dseexamstat18_7.pdf#page=10

所有甲類大約比例為：：
５**：５*＋：５＋＝１.３%：５.０%：１２.２%

５**超班人馬咁多年都係响１.３%範圍內

akazaka

YmOra 發表於 19-5-8 07:42
有時咁諗，所有科目中"數學"係一科可以由中一至中三３年時間給自己給老師觀察能力，每位同學到選修Ｍ１/Ｍ ...

每個高階科目係全部都係由基本科目，如中英數為基礎，再細分做專科
如你數學唔好，其實亦都代表邏輯思維較弱，咁嘅情況之下你要物理好好係唔實際

冇人比你自己更清楚自己小朋友，由細觀察到大，佢叻邊樣冇可能睇唔出

做家長其實都要誠實面對，唔應該自己呃自己，讀唔到書就要盡早諗下路向，唔係個個小朋友讀得成書，讀書亦唔係人生唯一出路

家長要做嘅，係盡量令小朋友做合適自己嘅野，唔好行錯路啫

akys

YmOra 發表於 19-5-8 07:56
應該唔會突然有咁大嘅超班人馬出現的突發性，因為自有ＤＳＥ以來５或以上所佔的百分比十分穏定。

參考資 ...

再睇埋細分，中文，英文，通識這三科Core嘅5 **長年低於1%， 5+低於10%，所以狀元榜眼真係好勁。5萬人考試只有四百幾人攞5** ，計英文SPCC和DGS加埋已經攞咗成百個，餘下嘅由四百幾間中學分。

akys

YmOra 發表於 19-5-8 07:56
應該唔會突然有咁大嘅超班人馬出現的突發性，因為自有ＤＳＥ以來５或以上所佔的百分比十分穏定。

參考資 ...

超班嘅意思係例如80分cutoff points，占全部考生10%， 但今年好多人（10%裏面的15%）攞到90分，但其中5%都攞唔到5**，只能攞5*，因為5+要用百分率來分

另外，水平對照唔知對乜嘢，不過整體就大概10%，可能對照著8－13%這個範圍，每年隨意改改就係了。哈哈！

YmOra

akazaka 發表於 19-5-8 10:21

如你數學唔好，其實亦都代表邏輯思維較弱，咁嘅情況之下你要物理好好係唔實際

明白。我試下從另一角度看看，大家討論下。

我認同"數學與物理"有著相互作用。不過，從數據得知有一群學生係熱愛物理科但又沒有修讀Ｍ２，當中嘅百分比都多多哋！細見如下。

ＤＳＥ２０１８成績資料來源：
http://www.hkeaa.edu.hk/DocLibrary/HKDSE/Exam_Report/Examination_Statistics/dseexamstat18_5.pdf#page=4

＃１
Ｍ２＝　４５５６人
物理＝１０８３１人
（４５５６/１０８３１）ｘ１００％＝４２％（修讀Ｍ２＋物理）

即是有５８％學生沒有同時修讀Ｍ２。
當然，這４５５６人係假設了全數選修物理，
真實數據會少於４５５６人，即是會更加少於４２％。
所以，只修讀物理嘅５８％數字只會多不會少。
由於，（Ｍ１＋物理）估計人數好少，這裏沒考慮。


＃２
（Ｍ２男生５＋）＝１２６６人
（物理男生５＋）＝２０４５人
（１２６６/２０４５）ｘ１００％＝６２％（修讀Ｍ２＋物理）

由於，物理和Ｍ２都係"尖子理科男"嘅天下。
所以，我找來１２６６和２０４５兩數字作比較，
我估１２６６人同時讀Ｍ２和物理屬同一人機會好大，
如果真實情況比預期少人，咁結果會更加少於６２％。
換言之，［只修讀物理又取得５＋］嘅學生佔了３８％。
還沒計算其他因素，百分比可能會更高。


個人認為，＃１＃２說明了只修讀物理科嘅學生圍數算多多哋且表現出色嘅亦多多哋。說明了熱愛物理嘅學生不一定是數學最強的一群，當然兩科皆修係最合理。所以個人認為，物理科可以如數學科一樣响中一就開始教授，學生會有更多時間知道是否適合讀物理，如同數學一樣。

YmOra

akys 發表於 19-5-8 11:41

超班嘅意思係例如80分cutoff points，占全部考生10%， 但今年好多人（10%裏面的15%）攞到90分，但其中5%都攞唔到5**，只能攞5*，因為5+要用百分率來分

超班嘅意思係例如80分cutoff points，占全部考生10%， 但今年好多人（10%裏面的15%）攞到90分，但其中5%都攞唔到5**，只能攞5*，因為5+要用百分率來分
... ...


個人解說，如有錯漏煩請修正。
你意思係：
８０分為取５級或以上的ＣｕｔＯｆｆ線
８０分或以上＝１０％＝ｎ人
９０分同分嘅＝１５％＝ｎ＊１５％（即：１５％＝１０％取５**＋５％取５*)

先係成績分佈會比較趨向分散，應該不會同時間攞高分嘅人多及摘界嘅人又多。
因為你的假設係有成１０％取５**和５％取５*，同分比例有成２：１。
而且，我估考評局唔會俾人响同分情況下居然出現兩個級別成績。

另外，想修正番"...因為５＋要用百分率來分..."。

５＋＝用水平參照方法
５**和５*＝用（５＋）總數的百分比來分

akys

YmOra 發表於 19-5-8 15:54
超班嘅意思係例如80分cutoff points，占全部考生10%， 但今年好多人（10%裏面的15%）攞到90分，但其中5%都 ...

唔係同分，5**嘅cutoff 分亦係浮動。同一份卷，可能有一年有15%嘅同學90+，另一年可能啱啱10%，咁第一年嘅5** cutoff 分就可能變成91／92。

YmOra

akys 發表於 19-5-8 16:32
唔係同分，5**嘅cutoff 分亦係浮動。同一份卷，可能有一年有15%嘅同學90+，另一年可能啱啱10%，咁第一年嘅 ...

哦！明白了。係呀！如果照你這個假設５**就會响９１分了。不過，要知道每年的百分比不會有太大的差距，表現係好穏定的。

akazaka

YmOra 發表於 19-5-8 14:55
明白。我試下從另一角度看看，大家討論下。

我認同"數學與物理"有著相互作用。不過，從數據得知有一群學 ...

其實你某程度都啱，以我仔學校搶科情況為例，最尖嗰班，未必一定揀physics，可能得1/3左右
最尖嗰堆係揀BAFS同chem為主

akazaka

但揀M1/2係有用嘅，主要係因為有好多大學學系，會喺M1/2係高分時加重weighting

https://www.edb.gov.hk/attachmen ... opment/kla/ma/u.pdf