用戶登入
用戶名稱:
密      碼:
搜索
教育王國 討論區 課外活動 黃埔學phonics
發新帖
查看: 1310|回覆: 0
go

[英文] 黃埔學phonics

Rank: 3Rank: 3


465
發表於 19-4-24 01:09 |顯示全部帖子
我地終於去左babington做評估,出來結果係LV 4己經可以跳晒好多程度。
但我對間學校評估係覺得學校評估唔肯定及職員態度超差,老師好似訓練軍人咁。

先講評估方面: 小朋友出來果係LV 4,我覺得佢原本依家間拖住來教的學校dum波鐘得好緊要,原來小朋友己經程度去到都幾高,所以我一心諗住離開原先間學校報讀呢間。

係我想了解LV 4學咩野的時候,職員又話LV 3及LV 4。對家長來講請問即係咩進步呢? 頭尾都唔夠2小時就突然跌左級,我問職員,佢話你2個都可以報。但LV 4會吃力,LV 3 就可以再讀打好個底,你自行決定啦。心諗我識就唔駛咁頭痕啦。
好喇,我將小朋友學過及依家的學習進步都show比佢睇,佢就話係LV 3的進度,但你小朋友要讀過LV 3,我話,啱啱先LV 4,LV 3佢出面都學過喇,佢就話佢未識ch, th拼音。要來讀3-4個月喎,唔比插班。

我話咁我安排試堂LV 4啦,點知約左試堂出來其實LV 4係簡單的,佢又話頭個頁啱啱人地上左2堂。佢拍左條片比我睇,好攪笑係老師叫我小朋友讀,我小朋友係識讀的。先講我小朋友不嬲都係寫字慢的人 - 個次試堂佢默書拍到小朋友會理下耇師,另外2個小朋友完全沒理會係度發呆,仲有一個係寫字同我小朋友一樣咁慢的。

職員話我小朋友: 你睇佢寫得咁慢係唔識的,呢D叫唔識。
我: 我望到另外小朋友都唔會默及一樣慢
職員: 人地有一個係我地學校一路升上來的,另外的係佢出面有錢請補習的
我: 我小朋友都係出面仲學緊,我只係想轉校啫
職員: 我覺得係LV 3啦。

我: 咁我比錢試下LV 3啦

第二次試堂今次試LV 3:
老師出來讚不絕口,佢完全沒問題,識晒,又主動,默生字啱晒
(其實小朋友一早都學過 =:=)

咁我同職員傾的時候,佢又比條片我睇,佢話啱啱入去拍片小朋友望下佢唔多專心,又話老師叫佢讀句子,佢要每個音拼左出來先讀。而我小朋友佢拼比老師聽佢識拼,唔係認字而讀。
職員: 佢LV 3都己經麻麻,你睇我未見過一個小朋友咁讀英文
我: 咁起初你地評估又話LV 4添
職: 點同

分享老師方面:
好喇,先講睇片時老師教學係好訓練式,睇你地喜唔喜歡比小朋友咁學習喇。
2次都係,不同老師,佢地教學係。
pit, pit, pit讀一次大聲pit, 再來大聲D pit,你(小朋友名)讀,大聲D。好, 大立即寫,你仲唔寫,pen down!

職員方面:
態度黑面,hea, 串, 差
句句說話串到不得了,仲有當日第2次試堂帶著較細的小朋友接放學。佢開門口的學校閘時(好重的閘推閘),較細的小朋友扶住門邊,個黑面職員識叫佢小心D,但係佢都未見到小朋友手縮開就無啦啦闗閘先再比後的小朋友放學(之前一直都係閘開住的,而我細的小朋友只得2歲)。之後小朋友大喊我立即睇到話你夾住左我小朋友的手指呀。個黑面職員仲將個閘繼續關埋兼用自己肥大的身體再壓落個閘到單手托住個頭當聽唔到兼望上天花板。
我立即推開個閘佢連關心問口都沒句,而小朋友成隻手指谷血到深紫色仲有好深條凹痕。

過2日佢仲問我唔報名,因為你唔報我地見你miss左3堂唔比插班的,我話小朋友己經識,就算插班唔會跟唔到嘛,我話我可以來望下本書嗎? 佢話可以,點知我專登坐晒車過去,當日有多一個職員的,我同佢講話以來睇睇本書小朋友係咪識的而決定進度,另一個職員話可以呀, on the way攞比我時。個肥婆職員又話可以,但我都係唔比你睇喇,你睇咩啫,試當個張紙就係個本書啦。
試堂得6粒英文字,成本書印左落張紙度? 就係個6粒???
職: 係,一樣咁酒走我喇。仲問我你報唔報?
我: 時間唔啱我暑假先啦,到時報LV 4 啦,因為佢出面仲學緊,到時學多幾個月夾埋都學左成年喇
職: 串話,你到時再評估啦,唔係有錢就得,佢報LV 4我可以唔比佢上如果佢進步唔得。
我: 一開始己經評估左佢LV 4,依家出面KEEP住仲上多幾個月都唔會沒嘛。
職: 你鍾意啦,你鍾意咪慢慢先報,暑假LV 3,又晒多幾個月囉。

成段錄音我仲係度,聽到個肥職員把聲個心好唔舒服。再上網一check原來佢的負評同我都一樣覺得職員差,所以我真心想分享一下給各家長。希望大家都可以盡快搵到一間好的幫到自己小朋友啦。by the way我都仲搵緊