如中文成績不大理想，要怎樣改進？

pbxmas25

小兒成績退步，如可學好中文，怎樣可幫助他，謝謝！

0030

多閱讀～

Jane1983

而家小幾？同埋係咩環境？90幾分退到得7、80分？定係好危急，得5、60分？

唔同處境唔同做法。

sumsum2010

真的要多閲讀，雖然我兩個一直有私補，老師教佢地寫作時都明白意思，都可能平時有閱讀

qip1371

多讀報紙會有用（明報，經濟日報等）堅持日日讀，同小朋友一齊讀出黎，再解釋佢唔明既地方
慢慢累積詞彙，再教佢用自己文字寫返出黎
如果唔鐘意寫「新聞報告」，可以俾佢自己諗個主題，任佢發揮，由短篇寫到長篇

喜歡睇小說的話可以揀好既讀物，例如何紫，阿濃...

assado

由90分退步至不合格 ?
還是9x分, 去了8x分, 方法好不同。

sina60

assado 發表於 19-5-4 11:42
由90分退步至不合格 ?
還是9x分, 去了8x分, 方法好不同。

9x分退步至8x分，有咩辦法呢？

assado

sina60 發表於 19-5-21 13:20
9x分退步至8x分，有咩辦法呢？

8x分都合格, 方法是家長要調整對分數的執著。

Cheeselover

sina60 發表於 19-5-21 13:20
9x分退步至8x分，有咩辦法呢？

多了作文和答案需要自己文字表達，就如assado所講，要調節心態，題目非黑即白，拿9X分沒有難道，但需要老師主觀判斷就非常困難，除非是拉curve。

nkd

想中文好，多讀白話文和古文，多寫白話文。

這要花相當時間和工夫。馬上可以做的，是不要寫錯別字。

錯別字最多的，就是港式口語文字。做學生一定要戒寫，無論在通訊或網上貼文。

但我們香港人更加要做的，是認識正確粵語文字。以下用返廣東話解釋一下，何謂粵語文字。()入邊係借音字。


我(地)平時講的說話，要寫落(黎)，成日苦於有音無字。其實全部都有其本字，但太多係古音，一代代變異，即所謂文白相異。其他方言都有類似情況，例如閩南語，閩南人知道一個字好多時有兩個音，但我(地)唔知。因為粵人深受宋時的讀書音影響，認字時只讀當時的音，而口語無寫落(黎)，就保留(左)唐朝或更早的音，慢慢忘記白讀的字係(點)寫，忘記每個字的文白兩音係(點)。

有些在詞語，我(地)用文讀；在口語，單字用，我(地)保留白讀。例如：
聲音，一把聲。醒目，醒(番)。

有些白讀，無教，失傳(左)，就用別字或自創方言字代替。例如：

無，陽平，口語為方便轉調陽上、甚至更易讀陰上，寫冇。
來字文讀切韻呆，古音切韻佳，寫「黎」。再轉成更易讀的「厘」音。

可以話九成九都係古漢音，最多係楚音，斷不會係少數民族(e.g.畬)的音。因為古無輕脣音 f, 無舌上音 zh ch，(D)人不識就亂講話我(地)溝(左)少數民族語言。

例如，些字，古音就係(D)音，「有D」其實係「有些」。怎字，古音係「點」。(點樣)就係「怎樣」。

「唔係」，唔本身ng開口的，但我(地)明明講m係，合口的。唔字一定錯。只有無莫非(古音悲)不，四個字都係合口開頭，而「不」的意思正正係「唔」。不個音變(左)唔。

所謂(左)字，又係夾硬造個口旁。(呢D)用來表示時態的字，一定有本字，而且係常見字。最可能係著字。著的入聲，係現時表示持續的意思，古時用(黎)表示「發生後還存在」的意思，轉了音，再無難讀的入聲，變成上聲：zuok -> zuo -> zo。粵音常將難讀的復韻合成單韻。zuok -> zerk，(而加)的「著」音。

尾音脫落又係常見：而今的今字gam，脫落m音，變成易讀的「而加」。

易讀是為著讀得快。復韻合成單韻就讀得快。例如張 ziong -> zerng。即是而今張開的張。另一個意思，張望的張，為了易分辨，變是脫了介韻  ziong -> zong，即是而今話人張望(裝裝貢)的張。

了字，文讀liu，白讀在句尾一定要方便快捷，就變成輕音le，北方南方一樣，粵語無輕音，就寫啦。所以平時講「我唔黎啦」，其實就係「我不來了」，意思語音完全一樣。

(呢D)個呢字，指近的。(果D)個果字，指遠的。但果字係生果，名詞，而且有介韻guo，一定錯，其實本字就係「個」字，口音轉調來分別意思係指示詞不是量詞，所以(果個)其實係個個。呢個，呢字本來是語氣，無指示意思，一定不係。原字係伊字。e.g.又伊樣又個樣。但我(地)倒過來照誤寫讀慣幾十年，竟然會講 ni d，或者 li 個。習非成是了。

所謂我(地)，地字又係不通，原本就係「我等」。為著易讀，就變成讀我地。

粵語文字係個有趣題目，可惜失傳的字音係年代久遠，變成好多人會搵字典找些古怪僻少的字生套硬用，引起爭議莫衷一是。但係提出來多些人研究保育，始終係好事，起碼不使(唔駛唔洗)明知係錯別字都照寫。

tkinwong

sina60 發表於 19-5-21 13:20
9x分退步至8x分，有咩辦法呢？

90分退8x有得上返去，就是要萬二分小心，避免寫錯字而扣分。另外，要加強閱讀理解答題的命中率。你要90分以上，閱讀理解基本上要錯兩題以下。

hippoo

tkinwong 發表於 19-5-28 00:59
本帖最後由 tkinwong 於 19-5-28 18:21 編輯

90分退8x有得上返去，就是要萬二分小心，避免寫錯字而扣分 ...

請教如何避免寫錯字而扣分？

可能小朋友自己都唔知自己寫錯

tkinwong

hippoo 發表於 19-5-28 22:59
請教如何避免寫錯字而扣分？

可能小朋友自己都唔知自己寫錯

錯字有兩個層面：1）錯別字；2）筆劃錯誤。

主要都係要熟書和熟字，靠記和寫。