如前述，阿女讀港島天主教女校，非九龍區人士。
我係呢度分享是希望有意入讀的後來者可以大約知道今年的面試流程（唔好意思，我都係有錯漏），講真下年係咪咁我都唔知。
不過，係今年面試過程中，我同女都各有得著同體會，呢啲係數據上未能提供的個人體會。
數據上，我相信大家可從各位大大得到，正如我都係從佢地的數據上參考各間學校之不同與強弱，得益不少。
至於非理性物質（情感上同流程上），係我分享的主要目的，我諗重點不在我女讀咩學校。
雖然有點廢話，我覺得考好呈一呈二，次第高，便有機入到第二輪面試（特別係對非SPCS熟悉的學校）。
第一輪面試，9成女講自己好鍾意睇書，BOOKWORM。如果你女都講，咁其實冇咩特別，亦都不是咩特別優點（我知個個都喜歡睇書）。真心度度自己個女有咩優點，要令人有印象，不是是但講鍾意睇書、做PREFECT，因為我都聽到太多女女都係咁講，可以係真心，亦可以話行。同大人面試一樣，老師都係好主觀嘅人，你個女有得意位，佢地先會俾機會你（特別係對非SPCS熟悉的學校）。
至於第二輪面試，去到呢個位，想入更加要準備。
舉例（非真實個一條，我改左少少）：
副校問我個女，你大個既然想做飛機師，有咩出名飛機師係你目標？我女講左Amelia Earhart。佢追住問：
佢生平有咩特別？做過咩野？我女繼續答。佢繼續問：
你從佢身上，學習到咩野可以應用晌學業上？諸如似類的問題⋯⋯
從呢個位，我睇到我地幫小朋友預備面試時，應該深入一點，因為佢地係會舉一反三。一不小心，好容易暴露左知你口行行答表面野。
我地去MSS，都遇到相似地方。我唔敢講阿女被選中係因為小學名氣、定學業成績、定面試，定係各樣加埋。但係我個人愚見，第二輪面試係一個機會俾你突圍。至於結果如何，女女爬山，各自努力。
P.S. 係第一輪面試，有一同學成績同阿女成績相約，但ECA 突出。老師特別問左幾條問題關於該ECA，表現得好有興趣，而我女係冇突出ECA，但有特別嗜好，不過老師冇問亦冇理。到左第二輪面試，老師便有問阿女啦！
| 
發表於 19-4-9 18:35
