學之園 vs 高主教幼

HauMiranda

mypekkle 發表於 19-4-5 09:03
多謝你很用心的分享！ 你既小朋友看來現在也升上小學，很想了解一下，弟弟上了小學後和姐姐的學術表現是否 ...

對啊！我的小朋友們都升上小學
但由於女女的小學與仔仔升讀的高小有不同的學術要求（姐姐學校英文教深一年，高小教快半年）
所以都好難比較讀LH的姐姐及讀高幼的仔仔的學術水平
不過幼稚園還幼稚園
上到小學又另一番景象
幼稚園勁補底
也不代表小學可以坐足六年順風車
以我經驗
在幼稚園階段學術補底還屬其次
最重要還是閱讀
小朋友有豐富的詞彙
解題既沒有難度
作文、閲理又能用自己的文筆表達
比補英文文法及數更有長遠的效益

Tomatokat

回覆 HauMiranda 的帖子

感謝你詳細的回覆，我小朋友有高幼pm offer, 想請問高幼上高小是否am有優勢？高小不是我最心儀，但聽到朋友分享考小過程的確艱辛，而且有機會全軍覆沒，所以有高小back up又不錯，小朋友是男仔，如果讀高幼可以搬屋。

Tomatokat

多謝大家回覆，其實我想轉，但爸爸認為仔仔讀LH讀得好開心，又近屋企，又欣賞學校活動教學，高幼聽說比較傳統，所以一動不如一靜，真係好難決擇...

PTL_L

回覆 Tomatokat 的帖子

高幼am或pm,機會率是一樣，冇特別優勢。我諗你係第一個小朋友，對嗎？完全冇經歷過升小時搵學校時的艱難？或許係小朋友到小一時，就算讀學之園都可以考到好好的學校，始終出生率低左，但我自己就一定搵一間半龍校打底，因我阿大冇龍校，考直資衰哂，阿細讀高幼，感恩順利升上高小，亦感恩順利銜接到高小課程。當年，放榜，我完全係置身到外，朋友、家人仲緊張過我，輕鬆之情，難以言喻。

lcyesther

Tomatokat 發表於 19-4-10 13:43
回覆 HauMiranda 的帖子

感謝你詳細的回覆，我小朋友有高幼pm offer, 想請問高幼上高小是否am有優勢？高小 ...

如果只當back up 要考慮清楚，因為高小不可以抽奬。

Tomatokat

回覆 PTL_L 的帖子

係呀！大仔讀緊pn,仲有個妹跟尾丫，我聽聞過考小的艱難，但又唔捨得現校的語景，快樂學習的活動教學，請問高幼的家長用家，高幼是活動教學嗎？如果像樓上媽媽咁k2/3轉校又有無機會呢？但現在放棄k1 offer,學校會否有紀錄而不取錄你插班？謝謝🙏

HauMiranda

Tomatokat 發表於 19-4-10 15:20
回覆 PTL_L 的帖子

係呀！大仔讀緊pn,仲有個妹跟尾丫，我聽聞過考小的艱難，但又唔捨得現校的語景，快樂學 ...

當年我仔K3轉高幼前, 在升K1時曾考慮轉去維記. 但眼見仔仔讀LH很開心, 語境資源都好好, 最後我還是決定留在LH. 但到K2學期尾, 因搬家兼考慮升小問題, 決定考高幼插K3. 當然都好不捨得LH, 但當時我放眼在考小學 (經歷過家姐讀LH要考十多間學校的痛苦經歷), 我高高興興地替仔仔轉校. 高幼不是大家所說的傳統. 我既有LH及高幼的經驗, 可以好肯定告訴你高幼都是「活動」教學. 當然我不知道你所謂的「活動」要有幾多活動. 我相信現今如果老師全日三小時要小朋友坐定定聽書, 不會有任何一個小朋友會可以做到. 所以基本的「活動」總會有, 如講故事時小朋友出去做一些指令、做一些示範、體能活動等等. 最基本的, 間間幼稚園都會做到. LH有的主題活動學習, 高幼都有. 如冬天, 小朋友會在課室吃火鍋, 夏天, 小朋友會在學校的露天操場嬉水 (穿泳衣的!), 在秋天小朋友會去維園做一些和風有關的實驗、觀察等. 小朋友每天在課室寫完要寫的字後, 更可以到課室每個角落做區角活動自主學習. 當然, 小朋友也有靜的時候, 每天上課後需要小朋友坐定定寫字, 我想這些不是叫傳統, 也是必須罷. 希望我的解答能幫到你.

HauMiranda

Tomatokat 發表於 19-4-10 15:20
回覆 PTL_L 的帖子

係呀！大仔讀緊pn,仲有個妹跟尾丫，我聽聞過考小的艱難，但又唔捨得現校的語景，快樂學 ...

如果決定讀高幼, 就K1讀好了, 因為小朋友三年都會同一班, 如果插K2及K3, 小朋友好多已經埋堆. 當年我仔都需要一些時間才可以埋堆. 我不知道高幼會否「記仇」, 但我仔當年放棄了維記K1, 到K3想插入維記, 但REJECTED. 哈哈!

PTL_L

回覆 HauMiranda 的帖子

絕對認同你講法，起香港打正旗號話自己「活動教學」既幼稚園有好多，但真正做到應該唔會多。反而我睇既係後續，你地有放洋既安排嗎？如沒有，不必拘泥於「活動教學與否」因講到底，都係你小朋友要適應教育制度，非制度適應你既小朋友。
剛升上高小，以我所知好多外校生跟唔上高小既課程，紛紛外出惡補，唔係話高幼上高小唔駛補習，但起碼適應上容易好多，我地原班上既同學（11個），有4/5個攞top ten。

Tomatokat

回覆 HauMiranda 的帖子

很清楚，謝謝您的回覆，你既是LH又是高幼的用家，我想你明白我活動的意思就是你所說的在LH的學習模式！聽完你的見解，又開始想轉到高幼了，另想請教你小朋友有外補嗎？有補外籍老師加強語景方面嗎？升高小的準則是一次面試決定還是平日課堂/功課等計分呢？

vincenthocs

PTL_L 發表於 19-4-10 17:17
回覆 HauMiranda 的帖子

絕對認同你講法，起香港打正旗號話自己「活動教學」既幼稚園有好多，但真正做到應 ...

高小的英文水平比一般的官津高,小三已有cloze passage, proof-reading

PTL_L

回覆 vincenthocs 的帖子

小一都有喇

vincenthocs

PTL_L 發表於 19-4-10 21:01
回覆 vincenthocs 的帖子

小一都有喇

咁早!!

PTL_L

回覆 vincenthocs 的帖子

係呀，都係早啲接觸唔同既題型，問題都唔大，由淺入深

DengCK

我自己的選擇：
留LH放棄高主教。利申本人曾放棄受EK追捧的民生offer。

so far都滿意LH， 始終我唔鍾意太傳統的學校。我唔知高幼係咩教學，但就好like LH 教學，訓練出黎既小朋友都係有自信同活潑type。

HauMiranda

Tomatokat 發表於 19-4-10 18:52
回覆 HauMiranda 的帖子

很清楚，謝謝您的回覆，你既是LH又是高幼的用家，我想你明白我活動的意思就是你所 ...

放心，高幼絕不傳統，高幼仔仔女女都是活潑型（當然父母也應記一功）
如果要有NET, 高幼的英文當然較LH遜色，因為沒有NET做班主任。我女由k2開始在ABC上英文堂，升小一便停止，so far英文成績都不錯。
至於升高小準則，當初都以為小朋友在高幼的表現也有關係，但以我女那一屆為例，隔離班考高小表現令家長大跌眼鏡，很多平日很標清的小朋友沒有offer(不清楚最後有沒有），反而平日不突出的卻第一回便有offer. 所以家長都認為高小未必會看小朋友在高幼的表現，而純粹看面試表現。（而我那班有位女同學，好明顯平日在高幼很出色，拿學業成績獎的，但據她媽媽說面試很慢熱，最後第三回才收offer)

Tomatokat

回覆 HauMiranda 的帖子

咁想請問高小interview係in咩架？高幼係咪同外校生一樣咁in?

HauMiranda

Tomatokat 發表於 19-4-12 12:03
回覆 HauMiranda 的帖子

咁想請問高小interview係in咩架？高幼係咪同外校生一樣咁in? ...

高幼生跟外校生一起考
都要經過兩輪面試
但高幼生入入第二輪
但第一輪的分數會計算在內以決定最後能否被取錄
高幼校長會叫高幼生穿校服去高小面試
雖然對面試分數作用不大
但當日女女見到好多高幼生一齊考
個心都定啲

HauMiranda

Tomatokat 發表於 19-4-12 12:03
回覆 HauMiranda 的帖子

咁想請問高小interview係in咩架？高幼係咪同外校生一樣咁in? ...

我女前年考
第一輪是小組面試
有拼圖
第二輪是個人面見
先面見小朋友及家長
問家長一些照顧小朋友、對學校理念的看法等問題
然後父母離開由老師單獨面見小朋友
當年女有考數、排卡講故事