請教數學難題

pokemonmon

小六女，數成績從未穩定過，ABC係甘跳。
功課，外加工作紙，
數研屋企做，冇乜教85%做到解到题計啱。
評估，考试好似变左文盲甘，解题又錯，計又大意，好嚇人。
仔细研究過評估，考試题目都好正常，甚至淺過平時做個種。連阿sir 都想知点解
我真係投晒降，唔知点幫佢，出年升中对呢科真係好恐懼。
有冇咩方法教下我各位     

pokemonmon

jumphigh 發表於 19-3-27 09:49
你意思係指考試做錯嘅題目 ，佢平時係識做嘅？ 咁你有冇問佢， 佢交卷之後知唔知自己錯乜？
如果佢知，即 ...

識呀，考完問佢，佢覺得自己識。 派卷當然衰左啦，甘叫佢改正睇佢係咪唔明，佢又做到喎（當中有一，二題真係改都錯既）
就系甘先傷心，明明知佢識，对住張卷好似冇哂記憶甘。
其他科冇甘架，救命真係！
我要求唔高架，數keep 到B 都偷笑

gigilovesnoopy

pokemonmon 發表於 19-3-27 09:40
小六女，數成績從未穩定過，ABC係甘跳。
功課，外加工作紙，
數研屋企做，冇乜教85%做到解到题計啱。

數研的數應該深過考試。如果係，你囡囡可能覺得考試題目無聊，冇乜挑戰性，所以粗心大意。

不如同囡囡傾吓，如果佢覺得考試淺，鼓勵佢去gifted education 讀advance數學課程。另外搵間有M2數的中學，因為M2是整個中學數學課程，較有挑戰性。

唔好咁擔心啦，睇嚟你囡囡是一個數強的叻女！(emoji)(emoji)

pokemonmon

gigilovesnoopy 發表於 19-3-27 09:57
數研的數應該深過考試。如果係，你囡囡可能覺得考試題目無聊，冇乜挑戰性，所以粗心大意。

不如同囡囡傾 ...

呢樣我都幾肯定唔係

pokemonmon

jumphigh 發表於 19-3-27 10:06
咁佢應該係唔小心 同 數底唔夠強。
佢有冇時間覆卷呢？
唔小心真係好難改， 要等佢再大啲成熟啲就應該會有 ...

數底弱呢個真，由细到大都麻麻，五，六年级操左甘多年數研先叫做自己做到…但一考試就跳樓机甘，佢自己都好失望

gigilovesnoopy

pokemonmon 發表於 19-3-27 15:34
數底弱呢個真，由细到大都麻麻，五，六年级操左甘多年數研先叫做自己做到…但一考試就跳樓机甘，佢自己都 ...

唔駛咁失望，其實而家好多唔同學習的問題。有學生有密集恐懼，要放大分卷、睇唔到線條..

最重要知道問題出在哪裏，找方法解決佢

pokemonmon

gigilovesnoopy 發表於 19-3-27 15:43
唔駛咁失望，其實而家好多唔同學習的問題。有學生有密集恐懼，要放大分卷、睇唔到線條..

最重要知道問題 ...

thank you 希望我地系升中前有進步。

little_yolky

pokemonmon 發表於 19-3-27 09:40
小六女，數成績從未穩定過，ABC係甘跳。
功課，外加工作紙，
數研屋企做，冇乜教85%做到解到题計啱。

如果係數研, 我兩個女都係數研補, 其中一個係低班D, P4, 佢D數研練習如果得85分, miss唔收貨喎。miss每次測考前操卷, 總可以指出佢當時既問題。

little_yolky

pokemonmon 發表於 19-3-27 15:34
數底弱呢個真，由细到大都麻麻，五，六年级操左甘多年數研先叫做自己做到…但一考試就跳樓机甘，佢自己都 ...

唔好俾數底弱打倒呀。我阿女都係咁, 幼稚園數1-10數數, 教到老師投晒降。都係靠P5, P6兩年數研, 由79教到99咋, 俾心機, 俾信心, 一定得架, 你話佢唔得, 好似催眠咁, 佢就唔得架啦。努力！

pokemonmon

little_yolky 發表於 19-3-27 17:25
唔好俾數底弱打倒呀。我阿女都係咁, 幼稚園數1-10數數, 教到老師投晒降。都係靠P5, P6兩年數研, 由79教到99 ...

thank you summer我地會努力去操.

來緊仲惨，數研要轉，佢阿sir 冇教中學。
請教下你仲有冇補數研中？ 若有效果如何，可以嗎？
我諗緊私補定數研中，數佢冇走雞，一刻不能停。

little_yolky

pokemonmon 發表於 19-3-27 17:34
thank you summer我地會努力去操.

來緊仲惨，數研要轉，佢阿sir 冇教中學。

我個都係P6, 嚟緊餘下時間, miss 話會同佢學校D中學基本嘢, 可能教下英數都未定。我諗住起碼暑假會繼續數研暑期班, 去中學部探下路睇下D老師好唔好先。

anitawong21

pokemonmon 發表於 19-3-27 09:40
小六女，數成績從未穩定過，ABC係甘跳。
功課，外加工作紙，
數研屋企做，冇乜教85%做到解到题計啱。

照睇應該係時間管理上有問題，平時補習及做功課唔會好似考試咁，要短時間內完成四五十條數，壓力大咗，見到深嘅題目時，佢好快就假設咗唔識做。你可能要想辦法教佢點樣冷靜去完成份卷，你想想，如果簡單題目真係要十零秒至半分鐘內寫啱答案，咁複雜題目先有時間及機會做得切，如果做完才發現做錯重做的話就更費時。

我記得哩度好耐之前有位媽咪話佢嗰女私補老師係同小朋友鬥快計數。

另外，哩樣唔知幫唔幫到你，我之前唔記得邊度睇過，話尖子做一條數學題時，係會習慣邊做邊check，確定哩個步驟全對才繼續落下一步，咁有錯便可即時發現，比做完哂成題之後才返轉頭check更省時。

bb鼠

我好明白你，我女都係咁，考試前屋企做卷可以9x分，但一考就食咗屎咁，明明好易的又俾佢諗到好復習，之後諗來諗去又唔夠時間做，差不多夠鐘啦個人又亂就亂嚟
好在我已經挨過呈分，由呈一有9x，呈二8x,呈三7x,期考6x,真係想跳樓
你直接問下你女啦，佢應該知道自己有乜問題，我女是無信心

bb鼠

pokemonmon 發表於 19-3-27 17:34
thank you summer我地會努力去操.

來緊仲惨，數研要轉，佢阿sir 冇教中學。

我女小學私補，宜家中一去咗數硏，我覺得好過私補。我女班一班4個同學，全部同校同班，我覺得女宜家數好似好過，不過都未追到班內平均

pokemonmon

唔該晒甘多位意見，我自己估大意，冇信心系最大問題，佢知自己唔穩定又好驚“抄”就腾雞。學樓上JM 話，屋企unun脚冇壓力又唔同。我諗住同佢count 時間，俾d 壓力佢 一
大意我真係唔知点攪，唯有狂做。
我都鐘意數研多些，來緊暑假周圍search 下。

October.

pokemonmon 發表於 19-3-27 17:34
thank you summer我地會努力去操.

來緊仲惨，數研要轉，佢阿sir 冇教中學。

數研係唔係一個個TOPIC咁做？而考試內容係大雜燴、綜合卷，所以，囡囡一到考試就失手？
如果係咁，平時就操下考試型式既練習，訓練下腦筋轉快啲。

洋蔥頭媽咪

樓主女兒應該係數感弱，底子亦未夠穩陣，因為數學思维能力強嘅學生，通常數學成绩都較穩定很少會大上大落。
小學嘅數尚算淺，勤力多操練要保持中上成绩唔算太困難，但高小後數學開始進入另一層次，開始著重要思考，若數學邏輯思维力弱，轉個彎去問孩子可能已經唔識答，所以點解有部分學生明明小學時數學成绩好似好好，但升中後就變差嘅原因。
樓主女兒應該未夠信心，亦要學習控制運算時間。

王家爸爸

pokemonmon 發表於 19-3-27 09:40
小六女，數成績從未穩定過，ABC係甘跳。
功課，外加工作紙，
數研屋企做，冇乜教85%做到解到题計啱。

訓練小朋友有對卷既習慣。