選pg和選幼稚園

poonmiss

經常見到有post問某playgorup對升某幼稚園有冇幫助；揀幼稚園又睇住同某小學嘅關係。
自己係行內人，特別係小學interview，真心你邊間幼稚園出黎嘅重要性微乎其微。
希望大家可以認真考慮想自己小朋友係學校學到乜。例如自理能外語環境、自理能力、社交、學術、自信心etc.
幼兒階段家庭教育好重要，不過每位家長都有弱項，選幼稚園就係揀最可以support自己弱項去揀。
如果為咗某一間未入到嘅學校，花時間讀幾年playgroup ，日日用一個鐘坐車，最後入唔到，值唔值得？
對讀某校有幫助，只可以當中獎嘅bonus。興趣班亦是。
共勉之。
歡迎討論 :)

fadgare

我覺得你講得好啱。我揀幼稚園都係睇我想佢係學校學到什麼。但明白有些幼稚園經過篩選其實平均學生質素係好些，咁小學揀人又會唔會有些bias覺得呢間出嚟就會比較好而去揀咁呢？同埋家庭背景，職業等又會睇嗎？

小小金

十分認同！小朋友身心發展喺人生幾十年嘅基礎。
自己揀pg係搵最近屋企，咁細個成日都要瞓，只係想佢多接解外界，可必舟車勞頓。揀幼稚園係揀屋企俾唔到佢嘅環境因素、近屋企作考慮，希望均衡發展，亦唔想催谷到小朋友無咗思想。
眼見討論區鼓吹想入名幼一定要入讀其pg，未考小學，但先苦了孩子。相信現實無論讀邊間學校，家庭教育先係重點。

艾文兒B

謝分享，你講得很好

wg_ann

十分認同，在幼兒階段，家庭教育比學校教育重要，因此小朋友就係家長既一面鏡，所以有d幼稚園除左揀小朋友，都會揀埋家長。

wccfgoldcard

十分認同，在幼兒階段，家庭教育比學校教育重要.

入名幼, 未必要入讀 名 pg.

入名小學, 未必要入讀 名幼.

最緊要 近返學, 學校有愛心 及 課程程度 / 教法 適合自己小朋友.

ricemanhk

我覺得家庭教育永遠都比學校重要，不止幼兒階段，甚至小學中學時期都重要。而家學校教嘅野，有咩係上網搵唔到？但係品德，禮貌，人際關係等，呢啲雖然學校裡會有接觸，但家長自己永遠都係最大嘅影響。

揀學校，名氣，歷史，師資等固然係因素，但最重要都係學校適唔適合小朋友。學校揀你，你都應該揀學校。有朋友報左某名門小學，家長2nd in 時完全唔中意校風/校長態度，最終有 offer 都唔去。有人話佢痴線，但佢嘅目的係要小朋友快樂學習快樂成長。

我公司請人，名校畢業成績優越嘅可能會睇多眼，但個人素質都係最大成功因素。好多學歷高IQ爆棚但EQ白痴嘅，一事無成。

asukav6

每朝返工見有Ｄ幼稚園學生攀山涉水由新界出九龍返學，仲趴係大人度訓覺，都唔知為乜