完成呈分試之家長感想分享。

b3410

yovin 發表於 19-4-14 10:30
本帖最後由 yovin 於 19-4-14 10:40 編輯

我又無介意你點諗喎！討論嘛，就是這樣最好不過。我都喜歡在E ...

可否再分享一下常識答題技巧，如何中point？我大女之前溫習常識，就會自己問自己問題，然後自己答出來，貼在書上，溫習的時候再提醒自己。不過，仔就唔識自己問問題，或者問D好奇怪的問題，一睇都知同考試出題方式唔同。而且有時諗太多，尤其是科學方面，諗深咗，其實好多都係Unknow.

b3410

yovin 發表於 19-4-14 10:36
本帖最後由 yovin 於 19-4-14 11:01 編輯

我初小唔幫學校生活係因為在觀察。 我只要求 交齊功課、 默測 ...

原來你都有考慮IS   之後交了留位費嗎？
IS 可以更加發展小朋友自己擅長的學科，唔使搏命谷中文，又可以考IB，都幾吸引。

Olympian

IloveJJ 發表於 19-4-14 11:02
小學，的確不是最後。我從來認為小學成績，只要反映佢真實能力就得。我認為我仔係B1B能力，所以我從來唔會 ...

其實邊緣人派位，個落差是由band 1 A去到band 2C。即係我地個年代band 1 到 band 4 中學。咁努力唔做邊緣人都好正常。邊緣人唔代表你一定派入band 2A學校，但入返band 1 個pool後，咪最多到時選band 1C做第一志願，覺得唔會讀得吃力。
你兒子係band 1 ，當然最多派入band 2A，但邊緣人就未必，所以不能用自己個例子去諗人家的處境吧。

yovin

Olympian 發表於 19-4-14 11:46
其實邊緣人派位，個落差是由band 1 A去到band 2C。即係我地個年代band 1 到 band 4 中學。咁努力唔做邊緣 ...

對的，而且區區大不同。

九龍城band2A， 少又少，係band1和band3的大分瓶。
有D區就band 1少位，band2多。每一區不同，每個家長定位與策劃也不同。

男女校/ 齋校，宗教，交通……， 只有家長 多參考，多問，才可以找到 接近自己和孩子理念的 中學。

Olympian

IloveJJ 發表於 19-4-13 09:55
嗱，其實你唔駛介意我點諗，我呢啲C9，你覺得無問題，就照做囉！

不過你知我係有碗話碗啦！所以你如果講 ...

Yovin果幾篇作文係對佢解釋如何是level 1 ,2 很好的示範。亦寫得很不錯了。

其實，一班小朋友入面，唔係好多個識作文。聽過人講只係得幾個%，即一班得幾個，我諗你仔是其一。其他勁人多大陸來的。大陸小朋友真係寫得好勁，我班的佳作比Yovin 果幾篇係勁好多。

咁大部分唔識作文嘅同學點算？

好記得小五學美勞堂，老師比張白畫紙我，叫我們畫猴子。我坐左成堂，畫子是空空的，老師叫我返屋企畫。後來有個畫畫叻的同學，提我到圖書館借有猴子插圖的書，跟住畫。哈！點知我都係畫唔出，無從入手。功課係無交的。

而家，我先發覺有簡筆畫，原來可以一 筆一筆教人畫。

其實，Yovin 的方法，就係簡筆畫的方法。我學校教學生的方法跟Yovin 教嘅方法類似，尤其小三時，個個寫的內容都係兩三款由老師提供的點子。老師是跟只marking教的，佢無講出聲啫。

小兒今年小4，終於達到Yovin level 1 2 的水平，但分數都不高，沒有提升。我想是文句太差，內容又整合得不夠好。現在交比補習老師處理。

yovin

b3410 發表於 19-4-14 10:59
可否再分享一下常識答題技巧，如何中point？我大女之前溫習常識，就會自己問自己問題，然後自己答出來，貼 ...

有時都唔知怎講， 講明fulfill呈分試，又要一連串去講究和深入討論。

開貼本想叫大家吐心聲， 變咗學術交流 就真係少啲大無畏精神 同 少啲力氣、吉士、智慧 都唔掂。

係啦！ 同條腸生嘅，男/女/大/細 差好遠。 普遍情況， 未開腦嘅男仔 係輸蝕啲。

常識呈二， 我叫個仔問番我， 我將佢問嘅問題寫低。 我會懶醒咁話我識曬(事實係)， 但答佢嘅時候會有時刻意答錯， 等佢有啲滿足感去捉錯，再教返我。寫緊(仔設定問我)嘅問題時，一齊分析mark低， 邊條長嘅(4分or3分)/短嘅(2分or1分)。邊條玩吓講笑， 學校係唔會咁問。


大個D開到腦， 男仔唔會再騷阿媽自己温。 我大仔以前有教我計數， 教教吓， 佢都放棄啦！我只記得tan/log/ probability咁上下……

yovin

Olympian 發表於 19-4-14 12:12
Yovin果幾篇作文係對佢解釋如何是level 1 ,2 很好的示範。亦寫得很不錯了。

其實，一班小朋友入面，唔係 ...

找補習，試下找同腦袋之人。

我指文人數差找文人數叻去教，埋人文差找理科文叻嘅人， 同腦袋 同思維 易入手好多。

之前 看一篇文章， 有關小學老師女性主導 去教男仔出現嘅問題。去到高中男數老師去教女仔，大多出現嘅問題。 當然情況係 in general。

我相信你明白我講什麼的。

yovin

b3410 發表於 19-4-14 11:06
原來你都有考慮IS   之後交了留位費嗎？
IS 可以更加發展小朋友自己擅長的學科，唔使搏命谷中文，又 ...

有考慮呀！ 調教到時間啱啱好。當然有向熟人諮詢，知道一般程序時間文件手續上的安排。 錢不便談！

Ib數太淺……好多因素，都四圍問下， 我同阿仔爸爸又要 角力一番。最後，還是選直資。

b3410

yovin 發表於 19-4-14 12:42
有考慮呀！ 調教到時間啱啱好。當然有向熟人諮詢，知道一般程序時間文件手續上的安排。 錢不便談！

Ib數 ...

IB 數唔係分幾個levels?最深果個都淺嗎？我唔係好了解。如果真，可能更加適合大女，佢數學相對來講，同最勁的男仔，還是頗有差距。

kalych

回覆 LOVELY-BABE 的帖子

咁勁！想請教有乜心得和秘技？誠心討教！

little_yolky

yovin 發表於 19-4-14 12:01
對的，而且區區大不同。

九龍城band2A， 少又少，係band1和band3的大分瓶。

其實我覺得九龍城算係咁，學校種類算豐富，我都慶幸自己當初幫阿女揀咗九龍城，如果留咗響大埔就大碌。

popochiny

yovin 發表於 19-4-14 12:15
有時都唔知怎講， 講明fulfill呈分試，又要一連串去講究和深入討論。
  
開貼本想叫大家吐心聲， ...

做了四十幾版CD rom，最後都忍唔住出聲俾樓主10個讚

我自己有兩個仔女，所以非常同意對小朋友要因材施教，因為每個人的性格丶才能不同，沒有絕對的公式可以套落每一個小朋友身上，只有阿媽自己選擇最合適的方法。

我仔都是數理人，一直中丶英文作文都是最令我頭痛的地方。我也是一個目標為本的人，面對呈分，我比你介入得更多，可惜沒你的有系統，否則應該可以更上一層樓。感謝你無私分享，之後我應該知怎樣再高層次地介入

相反，我女是典型的文科人，二年級作文自己可以運用兩至三個成語或四字詞語，所以我相信作文方面，我可以讓她自由發揮。

yovin

IloveJJ 發表於 19-4-14 15:04
嗱，而家好啦！咁多人入來讚你，咁你就唔駛再理我呢個C9認唔認同啦！     
...

儍瓜！三人行必有我師。

不論C9、學者、路人甲、小朋友……真心嘅討論都對大家甚至其他人獲得益處。我好喜歡與你交流討論，因為大家知道對方是甚麼人。來得直接，去得痛快，最緊得係這個帖不同見解，下個帖亦可心無芥蒂，再次暢所欲言。更好的就是在互相立場一致時，能彼此補充， 甚至接力緩衝。

但不是人人像你一樣、有時俾我激親嘅人就從此天角一方。可惜！可惜！

我成日都話自己又多事，又多問，又多言！所以唔做记者嘥曬。

常識嗰度只係刻意標明for呈分試，費事又 撐艇去咗母雷公咁遠。

仲有，唔好只留意中台作品，本地薑都好勁㗎，好似eviepa嗰女大學三年级嗰篇《最後一株木樨花》， 我真係睇二次都滴出眼淚…… 一陣搵畀大家。
睇書 係召喚嘅感覺， 當有感覺嘅時候就去馬啦，唔洗理時地人㗎。
話時話 好耐冇見 E君元老 出現推廣閱讀啦。

我送你小兒一篇詩( 雖然墨水未夠)但我之前母親節收到，真係好開心。小朋友是知道的。