請教伴讀方法

993rs

Elenalan 發表於 19-2-19 14:12
其實點解要堅持一晚睇2本書? 就算一晚都睇唔哂一本又有乜所謂?
我見我女睇書, 如果係簡單chapter books (e. ...

請問有適合 K3 的中文書介紹嗎？
我仔骨子裡唔鐘意睇書的，唯一有睇 caption underpants，開頭我臨訓讀佢聽，後來佢等唔切會自己睇，到再後來佢學主角咁自己編制一本漫畫、要我幫佢釘裝，過程我自己都好 enjoy 的。

iababy

千語mami 發表於 19-2-19 14:23
因為一開始伴讀我係為咗要佢認多d字，諗住一中一英平均d, 但係後來佢越睇越愛英文書，而且我有私心想佢英 ...

請問你小朋友係唔係己經識得自己睇英文書啦? 想請教下你如何令佢做到? 伴讀時指讀?

我果個4歲, K1, 無論中英都要伴讀, 未肯自己讀, 可能因為我地伴讀過程完全不著重認字, 所以識字量太少。

作為媽媽, 其實心情好複雜. 知道伴讀的主要目的是培養閱讀興趣, 而非認字。但面對而家呢個世代, 當個個小朋友都識咁多字的時候, 自己又會不自覺墮入"伴讀認字"呢個漩渦入面。有陣時我自己都好迷惘.

我怕因要"認字"而令佢減少閱讀興趣, 我而家只用字卡及青田教佢認字, 平時伴讀的故事書, 內容情節比較豐富, 字比較多, 所以我只指讀書名, 內容完全不指讀不認讀, 大家一齊陶醉係伴讀世界入面。

反而英文認讀, 我未有頭緒點令佢認字. 我知道有D媽媽自教STARTERS 去認字. 但是否要有一定PHONICS基礎先得呢? 我都唔知. 我暫時只FOCUS 係提升英文聽講方面. 因為我的情況同你有D似, 又係英文遲起步, 所以要花多D時間急追英文。

Elenalan

993rs 發表於 19-2-19 16:11
請問有適合 K3 的中文書介紹嗎？
我仔骨子裡唔鐘意睇書的，唯一有睇 caption underpants，開頭我臨訓讀佢聽 ...

K3 o岩睇o既中文書真係唔易搵, 鍾意Captain Underpants o既都係鍾意d無厘頭搞笑角色仲有天馬行空o既故事, 男仔可以睇下繪本如屁屁偵探、長谷川義史(有繪本有橋樑書)、工藤紀子繪本(e.g. 小雞系列、野貓軍團、小企鵝系列)、宮西達也、喜羊羊漫畫、甚至可考慮伴讀怪傑佐羅力(讀幾本後佢可俾試下自己睇)。最好係帶佢去圖書館試水溫, 有時試過先真係知邊本書點得著佢把火!

iababy

Elenalan 發表於 19-2-19 14:01
如果已經升小, 消閒類o既書我唔會伴讀, 我會俾佢自己去睇, 閱讀o既過程唔使擔心佢唔識字, 揀番o岩佢程度o既 ...

我果個4歲, K1, 請問你係點樣培養你小朋友自主閱讀的?

好多前輩都話, 伴讀不應以認字為目標, 我明白亦同意。但自主閱讀的前提是要有一定程度的識字量,請問點樣可以做到"伴讀不求認字"但小朋友又可以認得到D字呢?  我而家係靠字卡同青田, 慢慢同佢認下中文字. 伴讀就用另外一D故事情節豐富的故事書, 因為呢D書佢先有興趣伴讀. 我都唔知我呢個方法啱唔啱.

至於英文, 點樣可以做到自主閱讀? 前提又係要識字量夠, 對嗎? 請多多指教. Thank you!

993rs

Elenalan 發表於 19-2-19 16:33
K3 o岩睇o既中文書真係唔易搵, 鍾意Captain Underpants o既都係鍾意d無厘頭搞笑角色仲有天馬行空o既故事,  ...

中文好難搞，你地係點培養中文書既閱讀興趣？
我剛搵左 "怪傑佐羅力" 來睇，同所有中文書一樣，用口語讀又唔係、用中文又引唔起興趣。我試過搵本金庸讀比自己聽，都冇辦法讀得有趣

Elenalan

iababy 發表於 19-2-19 16:36
我果個4歲, K1, 請問你係點樣培養佢自主閱讀的?

好多前輩都話, 伴讀不應以認字為目標, 我明白亦同意。但自 ...

先講中文, 我係分開認字o既閱讀和伴讀兩類。

我女3歲時, 我買哂青田3大認字書仔系列(包括「我愛讀」、「我自己會讀」和「魔術盒」), 我先俾阿女睇「我愛讀」系列, 呢系列書最淺、有字咭, 我最初會同阿女指讀, 之後就叫佢自己讀俾我聽。讀呢個系列o既書係好悶, 我會以獎賞佢「story time/伴讀繪本」, 來要求佢認讀青田d書仔。到佢完成左「我愛讀」系列, 我就直接俾魔術盒系列佢睇, 呢個系列係3個系到中故事性較強, 佢有左之前認字training, 佢可以慢慢自己讀哂全系列, 雖然佢每次讀完都話d故事好無聊, 但係睇到佢因為自己識讀哂一本書仔而有滿足感, 所以佢讀魔術盒系列時冇咁抗拒了, 有時仲主動翻睇大聲讀俾我聽, 懶係叻咁。

當佢完成了2個青田系列, 加上日常功課認字和日常生活佢都鐘意自己睇路牌餐牌, 仲有伴讀繪本時佢都慢慢吸收左唔少字量, 咁我就開始俾d兒童雜誌連環漫畫佢自己睇, 之後就再俾其他兒童漫畫。漫畫圖像故事性強(比繪本強), 就算識字不足都好易估到內容, 慢慢佢可以靠估都學到唔少中文字。最後K3暑假靠睇喜羊羊漫畫, 升小後就有哂信心自己睇中文書了。

iababy

Elenalan 發表於 19-2-19 16:54
先講中文, 我係分開認字o既閱讀和伴讀兩類。

我女3歲時, 我買哂青田3大認字書仔系列(包括「我愛讀」、「 ...

多謝你咁詳細的分享! 真係獲益良多!

即是話, 你個女跳過"我自己會讀"呢個系列, 直接跳去魔術盒, 對嗎?

我都係同你用一樣的方法, 分開認字o既閱讀和伴讀. 你的成功經驗令我覺得好鼓舞!

用"獎勵 storytime/伴讀繪本"呢個主意實在太好啦! 點解我之前會諗唔到呢? 哈哈! 萬分感謝!

(P.S. D認字書的確係好悶, 尤其是對於平時己有伴讀習慣, 睇緊故事性強的繪本的小朋友來說 )

Elenalan

993rs 發表於 19-2-19 16:47
中文好難搞，你地係點培養中文書既閱讀興趣？
我剛搵左 "怪傑佐羅力" 來睇，同所有中文書一樣，用口語讀 ...

我伴讀時口語和書面語都會用，其實伴讀要有趣，用乜語言(書面語/口語)唔係重點，故事內容都係次要，最重要係說書人嘅投入程度和技巧，我女覺得我拎起本書，未開聲已經覺得好搞笑，因為阿媽會整古做怪扮哂嘢 明明劇情無聊又神色凝重懶神秘咁，仲有聲效一人演多角仲扮埋d環境聲。。。總之做drama咁

Elenalan

iababy 發表於 19-2-19 17:09
多謝你咁詳細的分享! 真係獲益良多!

即是話, 你個女跳過"我自己會讀"呢個系列, 直接跳去魔術盒, 對嗎?

我女skip左"我自己會讀"，因為已應付到魔術盒系列，唔想佢再浪費時間睇認字書。而且全新書未開封，我又可高價trade番出左

Elenalan

iababy 發表於 19-2-19 17:09
多謝你咁詳細的分享! 真係獲益良多!

即是話, 你個女跳過"我自己會讀"呢個系列, 直接跳去魔術盒, 對嗎?

另外，由於我女K2時有外補普通話，佢好鍾意講和睇拼音，所以我借左一堆有漢語拼音嘅中文書俾佢自己睇，佢靠拼音可估番個字嘅粤音，覺得好好玩，呢d漢語拼音書都幫到佢過渡到自己閱讀

Elenalan

文房出版嘅快樂讀本低年級系列係最初階嘅橋樑書，有漢語拼音，K3小朋友都啱睇(如果已完成至少一個青田認字書系列)。

19-2-19 17:31 上傳

下載附件 (85.63 KB)

19-2-19 17:31 上傳

下載附件 (129.66 KB)

19-2-19 17:31 上傳

下載附件 (213.77 KB)

Elenalan

英文比中文容易搞好多，2~3歲起俾佢睇ORT (淘寶點讀版)，自己點讀到stage 5後，已可唔點都識自己睇上去。相對中文，我伴讀英文書時間少好多，基本上當阿女有ORT stage 5~6嘅閱讀能力，已可放手俾佢自己睇其他英文書，我只係負責帶佢去書局揀書，負責俾$買書或搵2手書。

edutm

我只會伴讀繪本，不論中英文。如果已經佢可以讀chapter book，只會叫略為討論或叫他分享一下內容和感受。

taiyeung

993rs 發表於 19-2-19 16:11
請問有適合 K3 的中文書介紹嗎？
我仔骨子裡唔鐘意睇書的，唯一有睇 caption underpants，開頭我臨訓讀佢聽 ...

我女最近睇緊Princess in Black，睇完英文睇中文，覺得咁樣好得意（原來本書中文故事係咁架），睇得津津有味。你仔都可以睇下有無中英文版Chapter book，試下水溫。

19-2-19 22:03 上傳

下載附件 (2.46 MB)

19-2-19 22:03 上傳

下載附件 (2.62 MB)

蝦米豬

千語mami 發表於 19-2-19 14:23
因為一開始伴讀我係為咗要佢認多d字，諗住一中一英平均d, 但係後來佢越睇越愛英文書，而且我有私心想佢英 ...

沒看中文書一段時間忘了中文字？是否讀英文幼稚園？

蝦米豬

karllambb 發表於 19-2-19 13:43
請問無字書有無推介？謝謝先！

我女K1-2時看過一本叫“下雨天”的無字書，是外國人畫的，我和女女都好enjoy,看過無數次，好有意境，也可培圳觀察力。

karllambb

hohoho888 發表於 19-2-19 14:52
https://www.books.com.tw/products/0010651159

Thanks so much!!

karllambb

蝦米豬 發表於 19-2-19 22:54
我女K1-2時看過一本叫“下雨天”的無字書，是外國人畫的，我和女女都好enjoy,看過無數次，好有意境，也可 ...

Thanks!!