寫字馬虎

CATsMOM

想問下大家小朋友有寫字馬虎嘅情況嗎？我仔無做智力評估，不過由細細個到依家小一都係自學好多嘢，學術早已超過小二程度，有d範疇佢自學到我都唔識，不過上到小一寫字越來越馬虎，明明全部都識做，但就因為寫得唔好俾老師圈錯字扣分，已提醒過好多次，但佢都係咁，仲同我講唔緊要啦，鬧又鬧過，氹又氹過⋯⋯佢唔係小手肌問題，因為佢其實係可以寫得好好嘅，我覺得係態度問題，想請教下大家有咩計仔可以令佢寫字時在意d？好多文章都話資優生會對自己高要求，但我仔就成日都無所謂咁⋯⋯由其是中文科。

happybbg

CATsMOM 發表於 19-2-17 14:56
想問下大家小朋友有寫字馬虎嘅情況嗎？我仔無做智力評估，不過由細細個到依家小一都係自學好多嘢，學術早已 ...

deleted

CATsMOM

我仔對分數係無乜感覺嘅，除咗打機時想高分過爸爸之外，佢對成績分數、比賽輸贏都唔在意，佢真係「求學不是求分數」！都唔知係好定唔好⋯⋯

fibe0313

CATsMOM 發表於 19-2-18 19:19
我仔對分數係無乜感覺嘅，除咗打機時想高分過爸爸之外，佢對成績分數、比賽輸贏都唔在意，佢真係「求學不是 ...

我覺得你仔仔呢種睇法好健康喎。雖然香港求學好多係睇分數，但其實求學唔應該剩係focus 係分數上面。我覺得你仔仔好識諗

conniewktang

CATsMOM 發表於 19-2-17 14:56
想問下大家小朋友有寫字馬虎嘅情況嗎？我仔無做智力評估，不過由細細個到依家小一都係自學好多嘢，學術早已 ...

資優仔個腦轉得快過隻手，又想快手快腳完成功課，咪求其做，字醜，我個小一仲好靚，小二轉了多功課的學校，寫字打風咁，但測考默怕扣分又好靚，我由得佢！見過好多數理gifted字都不靚，係醜！我就冇所謂，我個連筆順也不跟，細個係有小手肌問題，漸漸應改善了，仍有，12月超細並早產B（其實即早了一年讀書），成績好就唔理得咁多了，由得佢自由發展，字醜被扣分，佢自己會learn a lesson！下次會自己改善！