用戶登入
用戶名稱:
密      碼:
搜索
教育王國 討論區 自閉寶寶 應該退學報其他活動嗎?長文
查看: 6327|回覆: 27
go

應該退學報其他活動嗎?長文

Rank: 2


62
發表於 19-1-25 10:52 |顯示全部帖子
6月注冊時同學校講得好清楚仔仔系自閉寶寶,有過度活躍既傾向,言語都發展遲緩。我問主任你地可以接受?處理到佢既情緒?因為我都唔係特別要求仔仔要9月入學,當然有得讀既時候我會開心仔仔可以有群體生活。學校既回復係無問題,佢地都有呢類型既學生,學校都有到校服務,叫我放心。於是我滿心歡喜番去同仔仔試著校服咩書包,同仔仔講9月份開學喇,仔仔都好開心咁咩住書包唔放。問題黎喇,一開學我就好想同佢班主任講可以點處理仔仔既情緒,行為,俾指令佢,班主任就話放心喇家長,我有呢方面經驗。

Rank: 2


62
發表於 19-1-25 11:04 |顯示全部帖子

回覆樓主

於是我就由佢,唔使一個月就不停打黎問我點樣可以叫佢坐定定,我都答佢要慢慢加時間,唔可能一開始就坐到成堂!要帶佢去下廁所行下再坐,後來演變到係佢自己坐系度畫畫,玩玩具(老師咁同我講)一直都同我講仔仔表現好差,跟唔上進度,我都有答我知道佢跟唔上,我只係希望仔仔有群體生活,同人多啲接觸。一開學我睇到茶點表,我就同老師講如果係有包果啲唔使俾佢,佢唔鍾意呢啲質感,老師都話明白了解,唔會俾佢。

Rank: 2


62
發表於 19-1-25 11:07 |顯示全部帖子

回覆樓主

過多排我接放學時問下仔仔宜家點,突然同我講話仔仔一食包類茶點就喊,我就奇怪點解俾包佢食☹️之後講一大輪野話咩對口肌好(其實仔仔因爲對老師無安全感,番學期間連水都唔肯飲)我果下無出聲,之後同番言語治療師同幼兒導師講呢個問題,我地一致都認為唔需要逼佢食,令佢對學校產生抗拒。果時我就已經話自己拎茶點水果俾仔仔番去食,老師話基於安全理由唔可以自己帶野食番去。果時開始,我對間學校已經唔太鍾意,一直想仔仔跟上進度,但一直唔接受我既建議。

Rank: 2


62
發表於 19-1-25 11:12 |顯示全部帖子

回覆樓主

於是仔仔番下唔番去上training,到聖誕節時就同我講因仔仔比較好動唔跟指令,所以佢唔會同其他小朋友一齊表演,我心裡面當然唔開心喇,我期待睇表演無得睇,一樣地我都要接受。果日仔仔就坐左系禮堂一個幾鐘,我睇住佢坐系度玩手指(emoji)佢聽到音樂想起身但老師叫佢坐番底,果日我真係想喊,最後全校小朋友出去跳,我個仔就坐埋一邊,果刻我覺得佢好似唔存在系學校咁(emoji)

Rank: 2


62
發表於 19-1-25 11:24 |顯示全部帖子

回覆樓主

到後來觀課日又係果啲說話,要將仔仔帶去其他班房,觀完課先將佢帶番番班房,果下我真係火晒,點解系學校你地講到佢咁差,明明佢上訓練同系屋企都一直有進步!之前學校運動日都唔太想我地去,我地要去時就話佢只可以參加丢豆袋,跑步果啲唔適合參加。我都忍,大不了唔去。我同番training 既姑娘講番,佢地都覺得好奇怪,因為仔仔係有自理能力,佢都無攻擊行為,加上佢都無大情緒起伏。點會系學校咁差呢,老師就話因爲學校多吸引,容易分心,但我都成日同佢去玩,系屋企既吸引比學校仲多,但仔仔都有進步。當然我都明系學校同屋企會有差別,但我覺得無理由啲表現好似2個人咁。

Rank: 2


62
發表於 19-1-25 11:34 |顯示全部帖子

回覆樓主

觀課日到喇,我睇完覺得阿仔完全唔知自己要做咩,都唔知自己做緊咩。個老師一直拖住佢,但無俾指令,只是拖佢坐,拖佢去呢度去果度,茶點時間我見到仔仔已經喊定先,老師拎好多玩具引佢要佢食,2個老師圍住要佢食左啲粥,飲左啲水,仔仔完全失晒控,爆喊。然後老師話,媽咪,你睇到仔仔既表演同你預期差幾遠?我話我知道佢的確跟唔上進度,但我無諗過佢系連學校連自己能力都無,你地咩都幫佢做晒,佢根本就唔知自己要做咩。我再講其實仔仔口肌無問題,唔好再逼佢,我自己拎茶點番黎,要仔仔知道食茶點個流程等佢知道應該點做,因為仔仔幾好train,做多幾次佢就會入曬腦乖乖去做

Rank: 2


62
發表於 19-1-25 11:44 |顯示全部帖子

回覆樓主

早2日復我話同校長傾過都係唔得,因為食落肚既野基於安全問題所以要食學校準備既茶點,我話佢宜家已經好抗拒茶點時間,要將令佢抗拒因素拎走,俾啲佢鐘意既野佢,等佢可以投入到茶點時間先。傾黎傾去都係唔得,系學校依然要求仔仔著片,但其實仔仔系屋企已經甩左片。我都知老師顧及唔到甘多,我都知其他小朋友都需要照顧,既然開學以來用你地既方法唔得時係米可以試下我既方法呢,好過宜家要咁拖住仔仔。可能我太多要求喇,我係覺得佢番學比起系屋企情況仲差,已經唔係好明佢番黎做咩,不如系屋企再報其他班取代番學

Rank: 3Rank: 3


365
發表於 19-1-25 20:12 |顯示全部帖子
Lena211 發表於 19-1-25 10:52
6月注冊時同學校講得好清楚仔仔系自閉寶寶,有過度活躍既傾向,言語都發展遲緩。我問主任你地可以接受?處 ...

如果在學校學不到東西浪費時間,真係擰願出面學。返下密集班,打好個底再返主流比較好。

Rank: 5Rank: 5


1860
發表於 19-1-26 00:06 |顯示全部帖子
sissielo 發表於 19-1-25 20:12
如果在學校學不到東西浪費時間,真係擰願出面學。返下密集班,打好個底再返主流比較好。
...

密集班要小心選擇,有D都浪費金錢及時間!

點評

adrio    發表於 19-1-26 23:32

Rank: 3Rank: 3


337
發表於 19-1-26 14:40 |顯示全部帖子
lulumelody 發表於 19-1-26 00:06
密集班要小心選擇,有D都浪費金錢及時間!

知唔知邊間密集較好?

Rank: 5Rank: 5


1860
發表於 19-1-26 16:49 |顯示全部帖子
MiraLeung 發表於 19-1-26 14:40
知唔知邊間密集較好?

本帖最後由 lulumelody 於 19-1-26 16:57 編輯

X步唔好(佢負責人經常上電視),好商業,亦唔覺佢地對sens專業。
小朋有行為問題,只會扮專業話"好多自閉小朋友都有",無專業議見去解決,依D說話係人都識講。


3442
發表於 19-1-26 23:36 |顯示全部帖子
提示: 作者被禁止或刪除 內容自動屏蔽

Rank: 3Rank: 3


337
發表於 19-1-26 23:42 |顯示全部帖子
adrio 發表於 19-1-26 23:36
回覆 MiraLeung 的帖子

R。先 找家 附近的 2019現在今年也有 新 的三年 資助 過渡活躍 評估及 訓練  看到 ...

唔好意思,唔係好明

Rank: 6Rank: 6


6713
發表於 19-1-27 12:31 |顯示全部帖子

回覆樓主:

退學再轉其他。
轉密集班或ot、幼兒導師都好過而家咁樣。 學唔到嘢、嘥錢,亦都令小朋友好抗拒

Rank: 2


62
發表於 19-1-27 12:41 |顯示全部帖子
lulumelody 發表於 19-1-26 00:06
密集班要小心選擇,有D都浪費金錢及時間!

我宜家睇緊協康同有間叫小橡果既

Rank: 2


62
發表於 19-1-27 12:41 |顯示全部帖子
adrio 發表於 19-1-26 23:36
回覆 MiraLeung 的帖子

R。先 找家 附近的 2019現在今年也有 新 的三年 資助 過渡活躍 評估及 訓練  看到 ...

我都唔係好明,唔好意思

Rank: 2


62
發表於 19-1-27 12:43 |顯示全部帖子
crystal媽咪 發表於 19-1-27 12:31
退學再轉其他。
轉密集班或ot、幼兒導師都好過而家咁樣。 學唔到嘢、嘥錢,亦都令小朋友好抗拒
...

係,我睇完觀課真係呆左,番左咁耐學無進步仲要退步左,既然學校既教法唔得點解又唔肯轉方法

Rank: 6Rank: 6


6713
發表於 19-1-27 12:46 |顯示全部帖子
Lena211 發表於 19-1-27 12:43
係,我睇完觀課真係呆左,番左咁耐學無進步仲要退步左,既然學校既教法唔得點解又唔肯轉方法
...

得罪講句,雖然一早講咗畀學校聽小朋友嘅問題。間學校其實係咪唔full? 可能面試時,佢哋覺得小問題,但過咗適應期,返學長左時間, 小朋友嘅問題就浮現出嚟。 好明顯而家佢哋搞唔掂,又或者冇受特殊訓練

Rank: 2


62
發表於 19-1-27 22:27 |顯示全部帖子
crystal媽咪 發表於 19-1-27 12:46
得罪講句,雖然一早講咗畀學校聽小朋友嘅問題。間學校其實係咪唔full? 可能面試時,佢哋覺得小問題,但過 ...

的確身邊好多人都話會唔會係收生不足先收阿仔,因為佢都係後補入圍。以我所知就唔算係熱門學校,但個班主任口口聲聲話有經驗一開學就話明白Sen 學生會有質感喜好問題,但又系咁逼佢接受佢唔抗拒既質感。我覺得係聽過下講座就話明,實際其實無經驗。

Rank: 5Rank: 5


1472
發表於 19-3-8 14:53 |顯示全部帖子
回覆 Lena211 的帖子

我地都係上午上密集班, 下午上K1, K1實在太多小朋友, 我地K1一班有23人2老師, 老師跟本睇唔曬咁多小朋友, 何況是我們的A仔。我地都同老師講定小朋友來K1希望同其他小朋友相處下, 希望幫到社交, 致於學習上, 學到幾多就幾多, 我地唔會抱太大希望。我仔仔間中坐定定, 有時自己起身行來行去, 若果累得濟訓左, 老師都會俾佢訓。K1老師始終冇上專業訓練, 唔會太懂處理A仔, 所以只要老師有愛心, 對小朋友好, 我地會收貨, 希望大家都互相睇諒。