用戶登入
用戶名稱:
密      碼:
搜索
教育王國 討論區 教育講場 生於憂患(左丁山)
發新帖回覆
查看: 1260|回覆: 12
go

生於憂患(左丁山)

Rank: 12Rank: 12Rank: 12


69709
發表於 19-1-18 14:04 |顯示全部帖子



拔萃男校在1月12日慶祝創校150周年,行政長官林鄭月娥與聖公會主教鄺保羅主持儀式,幾百名校友出席,好不熱鬧。男拔萃歷史悠久,歷來有不少畢業生名震香江,對香港發展貢獻甚大,在香港學校不大重視音樂教育嘅環境下,男拔萃畢業之音樂界名人眾多,特別令人矚目,現任校長鄭恩基本來就是男拔萃校友,在學校教音樂的。

在中環街頭行街,經常碰到余錦基,佢一講起男拔,就眉飛色舞,今次男拔150年校慶活動,就是余錦基統籌的。傳統基督教、天主教著名學校,在香港扎根已久,中環不少呼風喚雨人物,不少來自呢類中學,不過不久之前,聽到一位中環名人對母校學生感到失望,慨嘆港生大概生活在「舒適區」(comfort zone)太久,已失鬥志,無意出外打拼,探索天外有天。點解有此觀點呢?皆因名人中學畢業後,考入美國著名大學,回港後經多年努力,已成富豪級,因此而捐錢畀兩間母校(大學及中學),又親自回中學向小師弟講述留學、求學經驗,鼓勵佢地申請美國名校,衝出香港,爭取國際視野,點知師弟們冇乜表示,反應冷淡,個個話在香港考入中大港大科大就算,跟住又話冇錢,家庭支持唔到。名人話:「我付足全費獎學金,你地唔駛驚冇錢讀書。我當年留學,係要靠半工讀搵學費嘅。」學生們唔出聲,名人為之氣餒。有一次佢偶然到深圳對年青人演講,略述其意,點知立即招來大量熱烈反應,問佢係唔係要派獎學金!

孟子講「生於憂患,死於安樂」,有其道理,是故不少考試狀元尖子,來自貧窮甚至靠綜援過活嘅家庭。左丁山負責一項獎學金二十幾年來,得到獎學金嘅優績學生就有不少係清貧子弟,有時見到一啲中產、富裕家庭大學生,反而讀書並不集中,空有factor endowment而不知好好利用,非常可惜。上星期六見到學生豪在街上,行色匆匆唔知去邊,星期日再見到佢,問佢係唔係去搵朋友唱K或到蘭桂坊有約會,佢話唔係,係去同中學生補習啫。生活無憂,阿爸照住,仲要去搵補習外快?學生豪話:「唔好冤枉我,實際上係前年在中文大學社創夏令營,我有份做義工學生輔導員,識咗一班中四學生,之後大家有電郵聯絡,佢地知道我自倫敦ICL畢業返嚟,未有工做,懇求我同佢地補習數理化。就考DSE啦嘛,佢地好緊張。」補習唔係去遵理、現代嘅咩?學生豪話:「呢幾個學生皆來自天水圍,負擔唔起補習天王,我免費同佢地補習,當係社會服務,仲要搵埋地方㖭,就係去阿叔間工業大廈藏書單位,星期六下午夠晒靜!」學生豪幾有心,於是請佢去九福飲茶,以示鼓勵!





左丁山                                                                                                    

Rank: 5Rank: 5


3437
發表於 19-1-18 15:04 |顯示全部帖子
有壓力,有熱誠,有目標才能轉化為自我推動力.

Rank: 5Rank: 5


1188
發表於 19-1-21 18:05 |顯示全部帖子
窮人奮力向上,富人甘於向下游, 或者是上帝縮小貧富差距的巧妙安排呢! 最慘的怕是窮人無心向上游,自我放棄。

Rank: 6Rank: 6


8251
發表於 19-1-21 18:28 |顯示全部帖子

回覆樓主:

本帖最後由 JustAParent 於 19-1-21 18:35 編輯

其實個有錢佬,覺得學生應該比乜反應佢? "嘩!真係好多謝你呀!!點申請㗎?..."

唔想出國可以有好多理由,我唔會覺得唔出國就係冇鬥志,就算想走,亦唔一定要攞佢份獎學金。更加不能認為一班衝埋黎問你係咪派錢嘅人,就係上進。

Rank: 10Rank: 10Rank: 10


28764
發表於 19-1-22 07:49 |顯示全部帖子
JustAParent 發表於 19-1-21 18:28
其實個有錢佬,覺得學生應該比乜反應佢? "嘩!真係好多謝你呀!!點申請㗎?..."

唔想出國可以 ...

本帖最後由 shadeslayer 於 19-1-22 07:59 編輯

“嘩!真係好多謝你呀!!點申請㗎?..."

幾好。

不出國,唔係因為錢,可能有另外原因。但現代無「父母在,不遠游」,對一個香港大,到18歲留學,見識見識,益處大。香港學生和學校真的有劃地為牢之感。

Rank: 6Rank: 6


8251
發表於 19-1-22 08:58 |顯示全部帖子
shadeslayer 發表於 19-1-22 07:49
本帖最後由 shadeslayer 於 19-1-22 07:59 編輯

“嘩!真係好多謝你呀!!點申請㗎?..."

左丁山的不願出國論其實無普遍性,至少,我和朋友們所見所聞並非如此。數字會說話,英國向香港學生發出的Tier 4 Visa數目,近幾年還是有增無減。

不少中產家庭,對兒女升學支援,不論在精神上財政上都非常充足。加上科技發達,究竟香港升學、外國升學,誰在comfort zone,其實不好說。

Rank: 10Rank: 10Rank: 10


28764
發表於 19-1-22 09:15 |顯示全部帖子
JustAParent 發表於 19-1-22 08:58
左丁山的不願出國論其實無普遍性,至少,我和朋友們所見所聞並非如此。數字會說話,英國向香港學生發出的T ...

Visa 之說,如果只看大學,可能有不同境象。

今年有一學生,中學直資,中六同學校講想報 UCAS,點知學校無 UCAS 注冊。叫學校注冊,學校唔肯。
The more bizzare a thing is, the less mysterious it proves to be.

Rank: 6Rank: 6


8251
發表於 19-1-22 09:22 |顯示全部帖子
shadeslayer 發表於 19-1-22 09:15
Visa 之說,如果只看大學,可能有不同境象。

今年有一學生,中學直資,中六同學校講想報 UCAS,點知學校 ...

咁間學校出名極有限     

Rank: 10Rank: 10Rank: 10


28764
發表於 19-1-22 09:40 |顯示全部帖子
JustAParent 發表於 19-1-22 09:22
咁間學校出名極有限

本帖最後由 shadeslayer 於 19-1-22 09:58 編輯

當然不是神校,但也不是囉底橙。

直資收政府6萬幾,收家長3萬幾,也這樣,其他學校。。。

Rank: 5Rank: 5


2572
發表於 19-1-23 00:50 |顯示全部帖子

回覆樓主

好一句"生於憂患 死於安樂",香港年青一輩其實被最大的憂患折磨得生無可戀,亦難求安樂至死,只有捱到死的份兒,原因是...."生於首期 死於供樓"。

Rank: 5Rank: 5


3437
發表於 19-1-23 09:14 |顯示全部帖子
Cheeselover 發表於 19-1-23 00:50
好一句"生於憂患 死於安樂",香港年青一輩其實被最大的憂患折磨得生無可戀,亦難求安樂至死,只有捱到死 ...
"生於無樓,死於租樓". 或者"生於無樓,死於擋房"

Rank: 13Rank: 13Rank: 13Rank: 13


98936
發表於 7 天前 |顯示全部帖子
shadeslayer 發表於 19-1-22 07:49
本帖最後由 shadeslayer 於 19-1-22 07:59 編輯

“嘩!真係好多謝你呀!!點申請㗎?..."

但大學及學生好鼓勵交換生及海外實習,是否划地為牢,又真係見人見智!

我認識的朋友會這樣解讀,因為學生好想離開偉大的祖國,所以好好反應。如果不用翻牆上網,隨時可以出國,父母一早安排出國,可能跟香港果班差不多反應
God grant me the serenity
to accept the things I cannot change;
courage to change the things I can;
and wisdom to know the difference.

Rank: 10Rank: 10Rank: 10


28764
發表於 7 天前 |顯示全部帖子
ANChan59 發表於 19-2-11 08:54
但大學及學生好鼓勵交換生及海外實習,是否划地為牢,又真係見人見智!

我認識的朋友會這樣解讀,因為學 ...

交換生,海外實習,相對於完整外國學位,只是小菜一道。
The more bizzare a thing is, the less mysterious it proves to be.
你需要登錄後才可以回帖 登錄 | 註冊