讀障傾向小朋友轉校

comy

有讀障傾向小朋友, 讀傳統津小小一好吃力, 想轉校其實係咪都不容易呢?

comy

回覆 babysheryl 的帖子

謝謝你,

mcrabbit

babysheryl 發表於 19-1-8 14:15
主要睇間學校收唔收， 我知道幾間學校比較收多呢d 學生 同 功課要求唔多， 可pm 你
...

我都想知邊d學校啱有學習問題嘅小朋友，可否pm我？

神婆小茜

babysheryl 發表於 19-1-8 14:15
主要睇間學校收唔收， 我知道幾間學校比較收多呢d 學生 同 功課要求唔多， 可pm 你
...

可否pm我，謝謝！

funEE

回覆 comy 的帖子

你好，我小朋友都有讀寫傾向的，現在都為他選校煩惱！
想問問是否只默書和背默方面比較吃力？還是各方面都因為要書寫所以出問題？我了解一下，津校是否不適合我小朋友。

我有問過社工和朋友，話嶺小幾好！好似5月有得報名，你可以上綱了解一下！
如果想近嘅，他們提議揀區內二三線學校！但話就算有調適如讀卷和加時，都唔會幫到太多，因為始終都要跟住學校預設好嘅課程去追進度。

comy

回覆 funEE 的帖子

你小朋友是升小一? 我仔當年2nd in 嶺小, 但最終fail, 讀障小朋友考直私唔容易。 津小好處係政府support 會多好多, 直私無咩有sen support, 但另一樣係你怕不怕被label, 2/3 線津小, 好多功課量都不少。
我仔K 係完全無學字的, 加上讀障傾向, 佢平時係有點吃力, 但佢好喜歡而家間學校, 又識咗新朋友, 平日做功課會慢少少但佢都叫自動自覺, 所以問題不太大, 係默書, 測驗考試就大件事D, 係溫極都唔識, 好低分. 我唔介意佢成績, 但都有時不免沮喪。
學校剛開始將佢個case 交教署, 不知調適後是否OK

funEE

回覆 comy 的帖子

多謝你的回覆！我小朋友將會升小一，我預計他學習上問題不大，只是默書、背默和考試會好辛苦，怕會嚴重打擊他的學習興趣！（他已發覺在校做功課比同學慢時感到氣餒）
嶺小插班的競爭應該會比考小一低，你如真的要轉校就可以再考慮一下。我朋友幫小朋友在第三次轉校時插班入讀小三後，覺得終於鬆一口氣！雖然考試成績唔好，但都可以勉強升班！老師包容度高啲，沒有給小朋友和家長壓力，試過小朋友數學點學都唔明白，最後老師找來高班同學去教導，結果效果好好！

我本來已打算先試試讀津校先，正如你說因一定會有調適和較多支緩！但社工和專注力班導師就覺得私校比較適合我小朋友，主要因為學習興趣係最緊要嘅！但我囝考到的私校比較新，除了經濟負擔外，還有很多擔憂！例如學校不著重抄寫，但小三要作80字文章時，會否執筆忘字？反轉教室和電子書的概念，是否真的有成效？我囝囝會否有借口沈迷電子產品？假如最終發現私校唔適合，還有機會考到其他學校嗎？真係好煩惱！

你囝囝能夠自動自覺做功課已經好叻！我個仲係要等我放工，問佢做咗功課未，先捨得開始做功課。仲一定要set timer, 如果唔係就會做得好慢

BTW, 你小朋友又鍾意學校，又識到朋友仔，而你又唔介意成績，點解仲要諗轉校？除非會考慮轉間學習模式完全唔同嘅，如果唔係就間間都應該會有功課同考試壓力吧。希望你小朋友有調適後，就能加快小一適應期！努力、加油！

comy

回覆 funEE 的帖子

我仔讀緊一間地區一線小學, 課程都幾深下, 我都係怕影響佢學習興趣同自信心, 所以我都想搵下資料, 睇睇轉校的可能性。不過其實local school 間間可能都差不多 !

funEE

回覆 comy 的帖子

一動不如一靜！
比我如果已經入咗一線，又唔係學校比壓力/小朋友情緒出問題，就繼續努力！

我見之前有家長分享過，默書成績會係屋企同佢用加分法去計！（每默啱一個字就有分，等小朋友唔使太沮喪）

我用咗好多方法去建立返我小朋友嘅自信！到依家先唔會每事否定自己先
當真係失去自信時，係要用好長嘅時間同心機去培養返。