想報"維多利亞幼兒園",不如入黎分享下

tuenyima

.....續

II. 發掘優點,抗衡悲觀
1. 回顧過去成功例子
2. 過去曾成功,將來亦有希望
3. 助孩子找出自己的優點,接受短處
4. 懂得自娛,鬆弛

III. 具體讚賞孩子

常說積極,鼓舞和肯定的話,把握表揚機會,例如:"你能夠自動做好功課,我覺得你比之前進步了!"

"殺手字眼"打擊孩子AQ
例子: 老師要孩子重做錯了的習作
父母:"你真冇用,點解教極你都唔識,成日叫你醒目D,你總是做不到,你真蠢,你花了我的錢,花了我的時間"

孩子的感想是:認為自己資質差,就算用心也無用

父母可以怎樣做?
"我看過你的習作,有不少錯失" 然後與孩子耐心檢視,如是大意,則鼓勵孩子再細心做及完成後覆查.

好處:孩子認為失敗是自己"不小心",只要小心些便可改進.

IV. 容許自由探索的空間
1. 容忍孩子出錯 - 從錯誤中吸收經驗
2. 不要太快幫孩子解決及提供答案
3. 培養孩子尋答案的冒險精神
4. 建立解決問題的信心
5. 過程中不斷鼓勵

V. 從日常生活,培養樂觀的想法
1. 善用新聞,生活例子,奮鬥人物的事蹟同子女分享 - 從自己及他人生命中學習
2. 認識死亡與珍惜生命
3. 培養樂觀的想法和意志 (例如:"只要有恆心,鐵柱磨成針", "只要肯試/做,難唔到我o既!", "我一定得o既", "再接再勵"等等)

VI. 從簡單的事做起
1. 用簡單的事累積成就感
2. 分配家務
3. 把大目標分成小目標

VII. 限制孩子的物質佔有慾
物質財富的佔有不等於快樂,最重要是保持家庭生活的美滿和諧

VIII. 以身作則,作為身教榜樣
面對困難或逆境時的態度:
1. 不自怨自艾,怨天尤人
2. 積極面對,一起渡過難關


.......待續

tuenyima

.....續

面對逆境是一種學習經歷
1. 不要怕讓孩子面對困難,因為他有機會學習困難是生活中的一部分

2. 不要怕讓孩子知道你不開心,因為他有機會學習到人生有喜也有悲

3. 不要怕讓孩子知道你失敗,因為他有機會學習接受自己的軟弱

4. 不要怕讓孩子面對一些物質的缺乏,因為他有機會學習珍惜與節儉

5. 不要怕讓孩子作出少許犧牲,因為他有機會學習付出與貢獻

6.  不要怕讓孩子面對一些挫折,因為他有機會學習栽培堅毅與能耐

7. 不要怕讓孩子為家庭感受擔心,因為他有機會學習體恤與分擔

總結:
當孩子遭遇挫折時:

1. 協助孩子明白挫折不會永遠持續
2. 挫折的影響不會涉及自己生活的所有層面
3. 分析挫折起因和孩子應負的責任
4. 對孩子跨越逆境的能力表示信任及支持

迎戰困難有兩種方法:改變困難或去改變你自己去迎戰他!

loklokc

tuneyima :

How excellent you are!   Many thanks!

loklokc

tuenyima

loklokc:

唔好客氣,我打中文好快o架!快到同打英文差唔多,所以唔駛好多時間咋. 希望d資料對各位媽咪有用啦.

老人家

tuenyima,
多謝你d資料, 但我諗最多謝既係你的心意&時間去重新打過份notes.  many many thanks.

tuenyima

咁多位:

你地d小朋友返學返成點呀? 我囡囡仲係喊一陣停一陣咁,仲有,佢自從開學之後夜晚瞓覺就一定醒一兩次,又或者朝早好早就醒咗.我唔知係咪有影響.

明天就開始正式返3個鐘頭,我有d緊張&擔心呀!

tuenyima

jamiemum

tuenyima,

唔駛太擔心啦! 大人的情緒有時會無意中影響小朋友, 我諗小端宜都係暫時唔適應, 所以生活上有少許變化, 千祈唔好太緊張, 始終都係返咗兩星期學啫, 小朋友的適應能力好強, 可能過兩日就無事啦! 放心....! 仲有你可以試吓比一啲關於返學的書或DVD, 因為我就會播 BARNEY 講返學的 DVD 俾囡囡睇, 佢睇完好鍾意仲話要同 BARNEY 一齊返學, 我仲成日同佢講媽咪都好想返學, 但學校只係俾小朋友返, 所以媽咪好 JEALOUS 呀! 咁樣囡囡就好似好自豪自己有得返學! 好巴閉咁! 努力呀, 記住唔好心太軟呀!

tuenyima 寫道:
咁多位:

你地d小朋友返學返成點呀? 我囡囡仲係喊一陣停一陣咁,仲有,佢自從開學之後夜晚瞓覺就一定醒一兩次,又或者朝早好早就醒咗.我唔知係咪有影響.

明天就開始正式返3個鐘頭,我有d緊張&擔心呀!

tuenyima

jasonBB

今天我

KMPAnson

唉, 我個仔從2nd week (2 hrs) 起便喊個不停, 佢一見到件uniform 便開始喊, 一直喊到放學, 比佢攪到我六神無主, 有一日teacher話佢喊到瞓著咗, 足足喊了4日, 到上Friday便好好多, teacher話佢喊了10mins便停。teacher 話我個仔因為上年返開playgroup (由sept 04-jul 05), 所以會比較身喎。佢今日病咗發燒無返學, 都唔知明日返3hrs會點。

loklokc

tuenyima :

我個仔入課室會喊一陣, 放學趕住走又喊一陣.  不過, 我唸佢係學校幾開心. 因為佢會唱學校D歌仔.  例 :  小白兔 跳一 跳 , 小狗狗, 汪汪汪, Goodbye teacher etc... 好好笑.  我會同佢唱, 佢又好開心.  我又會同佢傾學校D野, 唔知佢明幾多, 總之關心多D!

今日就3個鐘頭,我都有d緊張&擔心呀!

各位媽咪努力!

loklokc

老人家

tuenyima, loklokc, KMPAnson,

我個女同loklokc個仔一樣, 從無得陪開始起便喊個不停, 返學前食lunch一講話返學, & 一見到件校服便開始喊,唔肯著. 係學校就喊到要老師抱.  

後來d朋友同我講, 放學or返學前盡量唔好同佢地提喊or叫佢地唔好喊, 盡量同佢地講學校d開心野 (eg. 玩遊戲, 唱歌,講故事, etc), 話比佢地知學校係一處好開心的地方, 好多小朋友同佢地玩, etc....... 咁我又試下, 星期四打去學校問, 區副校就話佢好好多, 入左學校喊左一陣就停&自己玩.  

& 我朋友幫我買左幾本書比我個女, 其中一本係叫'上學去' ~新雅出版~講一個小朋友係學校做什麼, 玩, 程序, etc. 我last weekend 開始, 晚晚都同個女講lee本書 & 將佢代入左故仔書個小朋友, 同佢洗腦, 都ok, 佢好鍾意聽, 尋晚個工人話個女尋日已經好d, 喊左一陣就無點喊.  希望今日會有進步啦.

我諗佢地適應緊, 慢慢來, [size=large]大家努力!!!

tuenyima,
from other topics, 原來我同你同一間中學ka.  不過我咁老, 我諗你會係我師妹.

KMPAnson,
希望你仔仔快d好番.

tuenyima

loklokc & 老人家:

我個女今日都有少少喊，但係只係小小，初時有個Miss抱著佢，同佢玩吓就停咗喊，過咗一陣，好似問Miss姐姐o係邊，又喊咗兩聲之後，就開始識笑。直至我走時候，大約9:40分，都冇乜點喊!

初初返學係易病d,我女上星期都有少少流鼻水+鼻塞,不過我冇帶佢去睇醫生,我只係早上&下午俾好多維多C (chewable)佢食,然後晚上臨瞓就餵佢食保嬰丹,連續幾日就冇晒事喇.

老人家: 原來你又係讀寶血女子中學?! 我係1993年畢業o架! 你所講o個本"上學去"o係邊度可以買到呀?

CoCoBB

老人家

tuenyima,

re: "上學去" - 新雅出版有限公司
我諗商務/天地/大個幾間書局. 你係邊頭返工ka, 你要唔要我幫你買?

re:寶血
~~yes, 不過我大你好多好多呀. 1993年   你讀果陣係咪仲係中安台 or已經搬左去小西灣

jamiemum

tuenyimum,

今朝返學途中又見到小端宜, ok喎, 無喊, 但唔知係咪未入學校呢 佢仲 show 佢十隻靚靚藍色手指甲比我哋睇, 嘩! 好正呀! 我同我工人姐姐都讚佢靚。我囡囡望住小端宜的手指甲就好似好出奇咁, 好好笑! 努力呀!

tuenyima

老人家:

我o係中環返工,剩係得間三聯,我一陣lunch time會去睇吓有冇,如果冇,我下午再話你知你先幫我買呀!

我讀寶血o個陣仲係中安台呀,好似我畢咗業冇幾耐就搬咗入小西灣,我幾激氣呀,因為我一直住小西灣o架嘛! 間學校竟然等我畢咗業先搬入去!

你讀o個陣係邊個校長? 我記得o個時好攪野,我F1時招修女做校長,F2時係關修女,F4時係區修女,時時都轉! 不過依家都仲係區修女做校長.

tuenyima

jamiemum:

端宜今日好好多喇,只係有少少喊,之後仲笑得好開心o添!
個傻女貪靚到極o架,成日自己搽指甲油,又幫自己塊面同埋身搽cream,佢原本搽粉紅色指甲油,點知佢話佢套uniform係blue,所以要搽blue指甲喎! 總之一讚佢靚佢就鬆毛鬆翼!

老人家

tuenyima
hehe....我讀果陣係.....范修女做校長. 知唔知邊個...hehe....  

小端宜好可愛呀!!! 你形容佢鬆毛鬆翼都好過癮.   

tuenyima

老人家:

我知邊個係范修女,佢雖然冇做校長,但學校有乜大型野(例如:畢業禮)佢都會蒲頭o架!

你係咪住海怡o架?

tuenyima

老人家:

我剛剛打電話去三聯check過,佢地話本書o係92年已經斷咗課,請問你可以幫我買嗎? 幾多錢? 我可以先過數俾你,又或者見面時俾番錢你(你信得過我o既話)