校長推薦計劃？

可樂fan

我聽到啲家長講起 有個叫咩，校長推薦計劃，咁係比推薦信定其他情況。喺咪要超勁嘅學生先可以申請得。🙏🏻🙏🏻🙏🏻同埋唔知對入大學有咩幫助。

可樂fan

睇來這計劃不太多人知道係咩？

miriam

JUPUS 網頁已經有資料


主頁申請程序及資料申請資料校長推薦計劃

校長推薦計劃目的在於肯定申請人於社會服務上的貢獻或於非學術範疇上（如體育、音樂、社會服務、創意活動、其他文化活動、或領袖才能）的卓越表現。此項計劃一方面希望鼓勵學校給予申請人更多參與不同課外活動的機會，另一方面亦希望為9所「大學聯招辦法」參與院校、SSSDP「資助計劃」院校、學校及申請人提供一個較具彈性及不過分倚重公開考試成績的入學收生制度。

JustAParent

可樂fan 發表於 18-12-27 23:31
我聽到啲家長講起 有個叫咩，校長推薦計劃，咁係比推薦信定其他情況。喺咪要超勁嘅學生先可以申請得。&#128 ...

唔係學生自己申請，係中學校長推薦一個應屆考生畀大學。

係咪超勁學生先得？我反而會理解為某Ｄ學校推薦先有勝算。被推薦學生要經過學系面試，成功既會有Bonus Points同Conditional Offer。

Doula

我仔係早幾年DSE，佢當年有講過班主任問佢哋，有冇人想申請校長推薦計劃，有3個名額，會係總分加一分，最主要係想俾D差1分入醫學院或者差1分入到大學嗰D學生

1998Ruby1998

之前我同學有，因為佢視藝好出色，所以校長有寫推薦信畀佢入中大 Visual Arts（最後唔係入中大）。佢成績唔算勁，所以都要睇校長本身決定。

可樂fan

多謝晒各位嘅資訊。

csy_ma

校長推薦計劃，好似一間中學有3個位？
參加校長推薦計劃既學生，會另外有面試既。面試得好，會有非常優惠既CO。我囡去年有個同學，就有個3322最基本入學要求既CO，入中大社科名系政政，後來佢以高出頗多但唔夠政政lower既分數入咗去

csy_ma

我囡學校係供學生自行報名，學校再從中揀人推薦既。當然，未必會推薦成績頂尖既學生。女話，例如佢有同學predict31分，目標學系要求22分咁，應該就唔會被揀中。

sai1031

csy_ma 發表於 19-1-18 22:21
我囡學校係供學生自行報名，學校再從中揀人推薦既。當然，未必會推薦成績頂尖既學生。女話，例如佢有同學pr ...

咁會唔會係比啲 成績就來到目標學系嘅同學

csy_ma

sai1031 發表於 19-1-18 23:07
咁會唔會係比啲 成績就來到目標學系嘅同學

就算有校長推薦，都未必係必入。好似我上述舉例入政政既女孩，佢好似本來既目標係法律，但考試結果遜預期，還好政政畀既CO有誠意。過往學校多半係畀head p等在校內服務較具貢獻既學生，但亦未必能成功將學生送入目標學系，還要看學生的面試表現。估計每間學校揀選既標準都不同，亦會每年調整。

JustAParent

csy_ma 發表於 19-1-21 05:09
就算有校長推薦，都未必係必入。好似我上述舉例入政政既女孩，佢好似本來既目標係法律，但考試結果遜預期， ...

2018年，1575人獲校長推薦，當中882人最後派八大資助學位。但要留意當中有多少本身成績已非常突出。

csy_ma

JustAParent 發表於 19-1-21 10:19
2018年，1575人獲校長推薦，當中882人最後派八大資助學位。但要留意當中有多少本身成績已非常突出。
...

果然是數據最有力

sai1031

JustAParent 發表於 19-1-21 10:19
2018年，1575人獲校長推薦，當中882人最後派八大資助學位。但要留意當中有多少本身成績已非常突出。
...

咁比例上都算好好，不過學你講學生可能本身都巳經好突出，校長推薦可能錦上添花

JustAParent

sai1031 發表於 19-1-28 01:45
咁比例上都算好好，不過學你講學生可能本身都巳經好突出，校長推薦可能錦上添花 ...

都係㗎。好似我細路間中學，去年推薦mock exam成績最好既學生，最終佢DSE成績亦好到報醫學院都有餘有剩。所以從數據上，真係好難準確講到校長推薦有多少幫助。