DGJS VS MPS

QQfishs

所以依家選校我會著重學校教學理念同模式，當然學校名氣係重要但吾會排第一，除非小朋友係天資聰穎咩都係前列，但如果要靠活在神校光環之下而小朋友表現平平，我真不覺得有咩值得光彩，咩考第尾已係其他學校中游以上依種癡人說夢話既幻想，要清一清醒。

ucw

回覆 nicoleloud 的帖子

唔知樓主決定咗未，只係覺得討論已經變成支持者對兩間小學/中學的評價。

一連串考慮因素，孰輕孰重，由樓主決定好了：

1. 女兒意願

樓主已提，不重覆了。

2. 父母意願

有分歧

3. 負擔能力

樓主個人資料，不必向我等交代。

4. 妹妹升學考慮

糾結因素之一。講到底，係為姐姐揀MPS然後跟尾， 係咪最適合佢嘅問題。DGJS當然無保證會考到，同樣妹入MPS會讀得好唔好，都係要考慮嘅問題。

sawn

QQfishs 發表於 19-1-4 09:10
以前我都覺私校直資經篩選質素比較好，但經歷身邊吾少人經所謂篩選其實係人仕關係而被選中，我就開始對所謂 ...

同感。尤其幼稚園升小一時，小朋友發揮未穩定，考直私篩選睇漏眼好正常，就算Band1中學都有祇需要考試合格就可以直升嘅band2學生啦！我囡冇去考DGJS，亦相信DGJS喺好好嘅學校，但我唔相信MPS所有學生都不如DGJS嘅學生。

mcl203

ucw 發表於 19-1-4 14:03
回覆 nicoleloud 的帖子

唔知樓主決定咗未，只係覺得討論已經變成支持者對兩間小學/中學的評價。

又唔使講到支持者咁嚴重，討論或評論都分別不大，理性就可以啦～～～

搵間1A Vs 1A，分別可以係D校尾勝M校頭，會否講大左好多。若係已升中家長，應該知道M校部分學生升中係去左D或S校，仲成績唔錯，況且，前列仲有唔少留守原校，咪當坊間既1A傳統英中/小係只傳個名，仲有成績吧～～～

ucw

回覆 mcl203 的帖子

比較兩間有所屬中學嘅小學學術表現本身都唔易。最理想嘅係pre-S1成績，得教育局知。
次選只能由兩間中學公開試平均表現類推。當然，相關程度受一系列因素影響（中學教學成效，外校生比例等）

至於某學生某年同另一校某學生某年表現比較，當然唔係比較兩校嘅有力標準。

mcl203

ucw 發表於 19-1-4 19:17
回覆 mcl203 的帖子

比較兩間有所屬中學嘅小學學術表現本身都唔易。最理想嘅係pre-S1成績，得教育局知。

去到咁認真比較又似乎無謂D，鐘意邊間咪邊間囉，況且，讀書係要睇自己～

但評論去到咁極端，唔少家長都識答，若係用家仲可以肯定D答，樓上有網友答左了～

cccbaby

mcl203 發表於 19-1-4 19:23
去到咁認真比較又似乎無謂D，鐘意邊間咪邊間囉，況且，讀書係要睇自己～

但評論去到咁極端，唔少家長都識 ...

其實樓上咁搬龍門法，只有自己講曬。學校公開試成績好，又話要撇除校外生。其實入得間學校就叫嗰間學校學生，受惠於學校教育栽培，如果真的想留在原校，就不須轉校啦！

mcl203

cccbaby 發表於 19-1-4 19:51
其實樓上咁搬龍門法，只有自己講曬。學校公開試成績好，又話要撇除校外生。其實入得間學校就叫嗰間學校學 ...

若果網友有留意我先前所指：
DGS普遍係原校生強於外校生，以前係50/50，近年係70/30，可以自己判斷下，主力唔好又如何保得住成績～

MSS一向都係約60/40，若自己子弟兵如甚麼最好既亦不外如是，主力都唔得，又可以被坊間評1A呢，況且，Marymount 中小學收生一向並不以成績行先，亦先天性缺自主收生權，只可以部分自行收生～

沒有最好，搵間適合自己子女既，咪OK囉，

Funtoread

時間線拉長d睇， 如揀MPS， 家姐有無機會埋怨你， 埋怨細妹？！
佢會唔會有機會怨你有錢都唔俾佢讀DGJS? 會唔會怨阿妹， 覺得幫左阿妹害左自己？
如果真係揀MPS, 記住做好心理輔導

chunchundaddy

Funtoread 發表於 19-1-5 10:57
時間線拉長d睇， 如揀MPS， 家姐有無機會埋怨你， 埋怨細妹？！
佢會唔會有機會怨你有錢都唔俾佢讀DGJS?  ...

絕對同意，因樓主提過「家姐好鐘意DGJS」。
另外，DGJS 同 MPS 兩間都係 1A 嘅好學校，恭喜樓主有個美麗的煩惱

PPyeung

nicoleloud 發表於 18-12-24 01:13
本帖最後由 nicoleloud 於 18-12-24 01:15 編輯

如果咁容易決定，我相信我已經決定左，亦會放位。但就 ...

你放DG位，大把人多謝你都黎唔切。自己慢慢考慮吧！
為方便，MPS.
為最top 名女龍校，DG.
我自己兩個女不同性格，就揀左不同學校了。

homesim

Funtoread 發表於 19-1-5 10:57
時間線拉長d睇， 如揀MPS， 家姐有無機會埋怨你， 埋怨細妹？！
佢會唔會有機會怨你有錢都唔俾佢讀DGJS?  ...

PPyeung

WinnieCatCat 發表於 18-12-28 14:40
回覆 nicoleloud 的帖子

20分中MPS，又考入DGJS，注定你女女是讀名校的啊!

Agree

snugglechums

nicoleloud 發表於 18-12-23 15:19
真係唔知點揀好，兩間都係好好嘅學校。因為有阿妹跟尾，好想揀MPS，但家姐好喜歡DGJS，想請教大家心得及意 ...

大女既然入到又喜歡，比著係我，會跟她意願.

siden

Both good

Happy choice

心急媽媽xxx

忍唔住想講幾句。大家圍繞都係樓主居住地區，照顧妹妹或者成績原因，其實傳統名校出來的學生都有不同氣質。家長們可以留意下，dg收不少高官子弟，m記其實不少old rich後人，可以留意很多大家族新抱都是m記後人。

我認識的朋友當中，就有認為dg學生一般較aggressive，連報都唔報。各有喜好，以自己心中認為成績為單一標準未面太武斷。

Yanamami

mcl203 發表於 19-1-4 23:39
本帖最後由 mcl203 於 19-1-4 23:42 編輯

若果網友有留意我先前所指：

"DGS普遍係原校生強於外校生".... 虽然加左“普遍”二字，不过阿女表示不同意~大概校外生係中间－浸多，即係JS既头同尾都有~

mcl203

Yanamami 發表於 19-1-5 17:34
"DGS普遍係原校生強於外校生".... 虽然加左“普遍”二字，不过阿女表示不同意~大概校外生係中间－ ...

咁，可能要提下你囡留意一下～～～

Spaceone

其實我好想發表一下，由幼稚園到小學階段，其實好多新手家長都好渴望子女可以考進傳統名校，當然大部分希望為子女發掘一條康莊大道，但亦有唔少嘅家長係為咗自己的面子。普遍認為如果子女比優質等同於遺傳咗自己優質嘅DNA。

我見唔少父母起初入傳統名校，都感到無比嘅光彩，但當課程去到三年級後就發覺問題隨之而來，有些因為追不上學校的課程，成績逐漸下滑，而父母不知從何入手，便紛紛找名色各樣嘅補習，當補習也幫不上，便在四年班打後紛紛為子女安排入讀國際學校，甚至移民海外繼續升學。

到底家長有沒有好好去考慮什麼是最適合自己嘅子女？係咪當遇到困難嘅時候便馬上選擇另一個教學嘅模式就等於幫到子女？這點希望家長值得深思。

好嘅教育係幫小朋友搵到一間適合佢嘅學校，當遇到任何嘅挫折嘅時候應該教育小朋友如何去面對和解決困難，而唔係急不及待去轉換學校。作為父母應該在子女身邊循循善道，不假手於人。當小孩遇到困難嘅時候係教導子女解決困難而唔係去逃避困難。

這是我這幾年間見到身邊親戚朋友嘅所見所聞，希望可以給大家一個參考。

雖然以上並沒有提議應該揀MPS或DGJS, 因兩間都是非常好的學府，家長可傱website 及朋友口中多了解學校的教育理念，看看那間較切合子女性格，不要麻木追求名牌。