應揀英中定中中

COE1205

仔今年小六，呈2後屬係band 1B成績，
仔中文成績好奇怪，作文，口試永遠係C, 讀本時A時B好浮動，但勁愛睇中文書
英文基本上全A包括作文oral, 但從來唔睇英文書，感覺仔唔鍾意英文
而家要選學校，仔話想讀中中，我係咪應該同仔選中中? 但仔有係1B生，選中中我又覺得好唔咁心

咪咪2007

如果佢唔鍾意英文就不要選英中，小學和中學係2回事，你應該知道，小學成績幾好都好，唔鍾意英文又全部都英的話成績會笠的

asweetmom

重點不是有B1生資格選中中委屈了，而是他英文明顯比中文掌握得好，去中中他要花很多時間補救中文。

COE1205

asweetmom 發表於 18-12-19 16:48
重點不是有B1生資格選中中委屈了，而是他英文明顯比中文掌握得好，去中中他要花很多時間補救中文。
...

你講呢點我真係無留意到，我真係可能將重點放錯咗，我只著眼於仔喜歡睇中文書，從來唔睇英文書，意識上覺得仔係唔適合讀英中

山海兒女

回覆 COE1205 的帖子

我仔和女一樣由細到大，都只喜歡睇中文書。仔入了傳統男校，校內同學交談，send WhatsApp，睇書都係英文為主，我仔冇理其他人，日日拎住kindle 睇中文書，英文科成績一樣級前列。
女未升中前也說想讀中中，同佢分析完，決定要考英中，現在開覺幾個月，問如果再揀，會揀中中定英中，佢話當然係英中，要佢記同寫咁多中文名詞，佢寜可串字。
所以選擇適合和啱程度的中學，才是重點。

tkhhung

COE1205 發表於 18-12-19 16:12
仔今年小六，呈2後屬係band 1B成績，
仔中文成績好奇怪，作文，口試永遠係C, 讀本時A時B好浮動，但勁愛睇中 ...

當然選英中 去到大學或出國 都是英文語言

JaneJaneT

回覆 COE1205 的帖子

選擇適合仔的中學,同時留意校風,課外活動

hkpapa852

COE1205 發表於 18-12-19 16:12
仔今年小六，呈2後屬係band 1B成績，
仔中文成績好奇怪，作文，口試永遠係C, 讀本時A時B好浮動，但勁愛睇中 ...

想日後較大機會入到大學，選英中;只求小朋友讀書開心，揀中中。

王家爸爸

COE1205 發表於 18-12-19 16:12
仔今年小六，呈2後屬係band 1B成績，
仔中文成績好奇怪，作文，口試永遠係C, 讀本時A時B好浮動，但勁愛睇中 ...

首先 Band 1B 成績，係指校內、區內定係全港？
第二，中文作文、口試比考課文差，係唔係同學都係咁？如果係，就係改卷標準既問題；如果只有你小朋友係咁，就需要留意下，尤其係組織能力方面，勁愛睇中文書長遠可能會有幫助。
第三，英文睇書，但係基本上全A，同中文一樣，需要知道係改卷標準既問題，定係真係勁。
第四，我覺得讀中中、英中各有好壞。我建議決定之前先搞清楚小朋友中文定英文既理解能力高啲。另一個考慮因素係，雖然揀理解力高啲既語言讀會好啲，但係好既中中唔多，所以除非你讀緊培正，如果唔係都係揀英中好啲。

1998Ruby1998

除非你有把握入培正，否則你真係冇咩 Band 1 中中揀。你唔怕佢去到中中，會用更加多時間去補救中文咩？佢英文好，亦唔洗點操練全 A，證明佢英文更得心應手，當然唔排除你學校英文卷淺而中文卷深。

我都鍾意睇中文書，更鍾意睇大陸劇，但唔代表我中文好好

hkpapa852

1998Ruby1998 發表於 18-12-19 20:22
除非你有把握入培正，否則你真係冇咩 Band 1 中中揀。你唔怕佢去到中中，會用更加多時間去補救中文咩？佢英 ...

就算想入培正，都要有運。
如非在九龍城升中，只能靠甲1

王家爸爸

1998Ruby1998 發表於 18-12-19 20:22
除非你有把握入培正，否則你真係冇咩 Band 1 中中揀。你唔怕佢去到中中，會用更加多時間去補救中文咩？佢英 ...

舊年都追咗司馬懿嗰兩套大陸劇，睇咗好幾個月，中文都無進步。

1998Ruby1998

回覆 王家爸爸 的帖子

日本動畫原聲版我由細睇到大，一句完整日文句子都講唔出

kk1186

回覆 山海兒女 的帖子

咁你仔仔的中文和英文寫作能力那科好些?

COE1205

kk1186 發表於 18-12-19 21:02
回覆 山海兒女 的帖子

咁你仔仔的中文和英文寫作能力那科好些?

英文會好少少

HaYi

我覺得要睇下
英文成績好是否等同能力高.   我識好多一二線小學考前十, 英文次次九字頭, 不過叫佢地寫文同講下野, 一D都唔得. 我覺得好多學校的卷好多時太千篇一律, 易取高分, 想知到底上英文中學有冇問題, 不如借下朋友讀英中仔女的書睇一睇  比較準, 如果唔係一向睇開英文書的, 我覺得英中會有難度.

王家爸爸

COE1205 發表於 18-12-19 21:18
本帖最後由 COE1205 於 18-12-19 21:21 編輯

英文會好少少

如果同一個題目，用英文寫得好過中文，咁就無理由要讀中中。

山海兒女

kk1186 發表於 18-12-19 21:02
回覆 山海兒女 的帖子

咁你仔仔的中文和英文寫作能力那科好些?

如果只睇寫作能力，一定係中文好，佢經常都話，中作時啲靈感係咁湧出嚟，好輕易就可以寫到好多字。之於英文作文，則會唔夠豐富的形容詞和生字，不過，佢經常睇Netflix ，話對作文都有幫助。

山海兒女

HaYi 發表於 18-12-19 21:18
我覺得要睇下
英文成績好是否等同能力高.   我識好多一二線小學考前十, 英文次次九字頭, 不過叫佢地寫文同 ...

咁又唔會冇睇開英文書，英中就一定有難度的，只係需要時間適應。香港大部分英中收的，也是中小生，會經常睇英文書的，只佔小數，咁佢地一樣升英中冇問題。

asweetmom

COE1205 發表於 18-12-19 16:57
你講呢點我真係無留意到，我真係可能將重點放錯咗，我只著眼於仔喜歡睇中文書，從來唔睇英文書，意識上覺 ...

很少有B1生主動去中中，你還是問問他有甚麼特別原因才好。