小朋友放假回港會做乜

喧嘩

你地d 細路放假會做乜? 我個女今年去讀y10, 返黎第二次啦, 每日訓到中午, 跟住去街, 返到屋企就煲粥, 打食雞, 1, 2點先訓, 書就帶晒返黎溫, 真係帶左當溫左, 啱啱又勞氣完, 你地d 小朋友返黎會唔會溫下書

brother4

路過！孩子昨天回來，回來去打pokemon go,今日1200未起身 ,今次冇帶書回來温習，因考試完才回來！

gloriamimi

回覆 喧嘩 的帖子

正常啊！我仔是由Y10開始在英國讀書，佢次次返來（包括今次Y13）都是食，睡，打機，約朋友/同學去街。不過佢復活節不會囘港，因放假日子短過兩星期，佢唔想再適應時差，而且佢通常會跟學校去其他歐洲國家交流，而交流後留校的日子才會開始準備GCSE,AS及學校的考試。

之前第一年Y10，我都問過佢點解佢返來唔使讀書，因怕佢難適應英國的課程，但佢話英國Y10的課程比香港淺，有些甚至在HK中三時已學了，所以不太難，我見佢嗊有信心，就由得佢了。So far, 佢的成績都OK。

Ruby1219

喧嘩 發表於 18-12-15 23:45
你地d 細路放假會做乜? 我個女今年去讀y10, 返黎第二次啦, 每日訓到中午, 跟住去街, 返到屋企就煲粥, 打食 ...

我仔去英國頭兩年year10-11都係咁，我覺得好正常無問題。送佢哋去外面讀書就係為咗放手比佢哋獨立自主，佢哋響英國時好忙，返嚟香港就係放假探親見friends 呀，佢只要健康無問題抽時間陪grannies 同我哋我就ok. 佢自己嘅學業同生活就比佢自己話事同負責！

喧嘩

但佢喺英國已經成日掛住玩, 周街都係friend, 我真係唔聽見佢溫書, 宜家雖然喺top set, 但係尾果浸, 我真係巧驚驚囉

Ruby1219

喧嘩 發表於 18-12-16 15:03
但佢喺英國已經成日掛住玩, 周街都係friend, 我真係唔聽見佢溫書, 宜家雖然喺top set, 但係尾果浸, 我真係 ...

如果佢有問題學校會緊張同通知你㗎啦，呢個歲數嘅細路你要比佢有ownership , 你緊張佢一係反感，一係pat 比你管，做返港孩，咁你買如慳返啲錢留佢響香港讀書好過啦，

1998Ruby1998

回覆 喧嘩 的帖子

佢有 friend 總好過返黎喊住話冇 friend，同埋講笑講句「做仔女，冇幾個係想畀父母見到自己溫書」，更何況放假都要溫書，好慘姐。。。我前幾年見班朋友放假返黎都係 hea 同返學校探老師，學校一放學就同以前班朋友衝去迪迪尼玩到凌晨咁濟。我屋企果兩個都成日話「冇見過我攞起本書／點解暑假都冇溫書」，但一日先同佢地視像一兩個鐘，一日 24 小時，咁真係要裝 cam 先見到用功嘅一面。
如果係跟唔上，學校應該會通知你。佢有問題，學校仲驚過你。

喧嘩

但我唔覺學校會緊張嘅

1998Ruby1998

喧嘩 發表於 18-12-16 16:43
但我唔覺學校會緊張嘅

咁可能就係，你太緊張。

放鬆點，相信個女。佢未 18，但都唔係 3 歲小朋友。

喧嘩

始終佢喺香港都唔係自覺型, 好難唔胆心

Anniemun

阿仔回港最想係食嘢，其次都係回校探老師和同學，同friend 打波，去街，打機。。。

Ruby1219

喧嘩 發表於 18-12-16 16:56
始終佢喺香港都唔係自覺型, 好難唔胆心

我覺得係你太緊張，你小朋友仲細，而且year 10 學業上未洗咁緊張（所以學校都唔緊張），同埋其實家長緊張都無用。你越緊張佢通常更反抗，你俾番個權同責任佢啦，大大下佢哋學校就會push , 亦會有peer pressure,佢哋就會開始緊張。到year 12 會開始辛苦，而家你當比佢唞下先。
我仔就係year10-11 都幾hea, even 考GCSE 都唔辛苦， 唔洗點讀。但佢話year 12-13 係佢讀書咁多年最辛苦，係堅忙！但當時佢全部自動波，學校好多嘢安排比佢哋做，我根本想跟都跟唔切。做父母比支持同鼓勵就夠。

Ruby1219

Ruby1219 發表於 18-12-16 18:36
我覺得係你太緊張，你小朋友仲細，而且year 10 學業上未洗咁緊張（所以學校都唔緊張），同埋其實家長緊張 ...

阿仔今次大學第一個break 返嚟，日日留響屋企溫書，話返去即刻考試，我反而叫佢唔好咁宅，約下friends, 又成日"的"佢出街，而家同佢去咗family trip

db7mu23

喧嘩 發表於 18-12-15 23:45
你地d 細路放假會做乜? 我個女今年去讀y10, 返黎第二次啦, 每日訓到中午, 跟住去街, 返到屋企就煲粥, 打食 ...

阿仔今年係第4個聖誕回港，見到仔的成長。

1.見佢兩日，在家耐不耐會溫書，次數都密(唔好理佢真定假)

2.做運動，掌上壓，sit up 等等，見到真是扎實咗，着重body

3. 控制飲食，汽/甜水，冇飲幾年，炸嘢唔食，對自己有要求。

和他傾談，他有很多書本上理論，同埋好多分析(唔好理佢啱或錯)

唔見佢打機，仔話在英國都冇打機，因為都幾忙碌，分配唔到咁多時間打機。


利申 : 仔讀書唔叻 !

雨眾不桐73

db7mu23 發表於 18-12-17 11:42
阿仔今年係第4個聖誕回港，見到仔的成長。

1.見佢兩日，在家耐不耐會溫書，次數都密(唔好理佢真定假)

你個仔真是好乖，希望我仔過去英國也可以有這麼好的轉變。

ricenoodle

喧嘩 發表於 18-12-15 23:45
你地d 細路放假會做乜? 我個女今年去讀y10, 返黎第二次啦, 每日訓到中午, 跟住去街, 返到屋企就煲粥, 打食 ...

我聽一些家長會叫仔女放假時在香港上補習班，但我諗唔係個個小朋友都肯去。

jj100c

我女year 10,返到香港有時差，所以好瞓得，佢話放假返到去考試，所以成個匧都係folders,至於亞仔sixth form,日日話温書，暫時未見到佢溫。

Kyal

返咗嚟兩天，只是打機和睇電視，問佢要不要去補習，因今年是Year 12，佢話放假返嚟要休息

雨眾不桐73

真是個個小朋友都不同，還是要靠他們自己！

亮燈

我兩仔返嚟都係食、瞓、玩、去夜街，有時仲通宵，去打桌球，去朋友屋企瞓，飲下酒、吹下水，今年係英國第五年，依家讀緊大學一年級。