迦南k1

superkkk156

dml1508 發表於 18-12-9 22:03
評估話你小朋友唔得個下感覺仲差過in完結果reject你

我都寧願去in ...

dml1508

現在阿仔返學開唔開心我唔知，但父母就好唔開心囉！咁現在唔收我個仔，我真係要認真諗下除了繼續讀n班外有無其他選擇阿仔學到野得黎又開心。講真，學校係學到野，無論學術和自理能力阿仔都進步不少，係感覺學校收生方面大支野咁，要人等5月。

黑佳白

dml1508 發表於 18-12-9 21:54
我小朋友係麗港迦南，3月b, 都係要等5月再評估，給讀n班的感覺好差，好似要我地等下先，5月有人唔讀才施捨 ...

家長，我也是藍田迦南，同你感受一樣，個中滋味，真係後悔捨近求遠揀迦南。我全職湊仔，好了解自己小朋友，我仔一歲開始講嘢，係男仔之中算好叻，而家兩歲半，可以熟練運用中英普三種語言，學嘢好快，但比較有自己個性，有時上堂踢下腳，班主任每次要求我仔講對唔住，我仔自尊心強唔肯講，可能咁，就覺得我仔唔夠守秩序，anyway，第一輪waiting，加上一些不愉快經歷，原先首選迦南，而家非常討厭

piglover

黑佳白 發表於 18-12-9 23:09
家長，我也是藍田迦南，同你感受一樣，個中滋味，真係後悔捨近求遠揀迦南。我全職湊仔，好了解自己小朋友 ...

幼稚園，特別係N班，我會注重老師嘅愛心，多於學術。 好嘅開始係成功嘅一半，老師有愛心，小朋友自然會努力學習。

利申: 小朋友並非讀迦南嘅N班。 幸好小朋友活潑好動，但遇到一位好有愛心嘅老師，返學好開心。

dml1508

回覆 黑佳白 的帖子

認同，覺得個政策失敗，醒目有過性但不是唔乖個種的學生就唔收。另外，咁樣評估我諗諗下我都怕影響我個仔返學情緒，現在阿仔有時會突然同我講，x老師唔鐘意我，因為我唔食麥片，南瓜粥，如果咁打擊小朋友，咁又想佢點評估表現好呢

slowtravel

今晚同一位第一輪升到K1嘅家長傾開計，佢話佢問過班主任，佢話升K1評估並唔係睇平時表現或家長日派嗰張成績表，原來係由K嘅老師去幼兒園度同小朋友做評估丶揀小朋友，好似平時啲 interview咁～咁當然可能班主任嘅評語都有影響啦～
咁到底咁樣迦南係太公平定唔公平？

id02365

回覆 slowtravel 的帖子

今日公司开OT,而家至有時間睇post,估唔到回響咁大，係聽日返學之前，我有以下幾樣嘢想講:

1. 致katiechan , 唔知你有offer未?如果未有就試吓我之前post嘅做法，我覺得呢個可以幫到自己小朋友又令自己唔會胡思亂想嘅一個辦法。係星期六我走去一間係我屋企附近幼稚园問，好彩遇到個好倾嘅，雖然唔肯即時收表，但仍然有問必答，咁我當然問晒一月註册后嘅流程，從中亦chur到(好似我chur slowtravel, 咁)好多背景资料，可以好好準備I吓，希望幫到你，同埋其他未有offer係手嘅迦南waiting 家長。
2. 致所有係7/12收waiting 信嘅家長(更正，係夹係家長手册當通知)::雖然结果係殘酷嘅，但係老師亦都係無辜嘅。你地要知道始作涌者係迦南admission ，俾面色，難為老師係冇用嘅，冤有頭债有主，ok?
3. 致slow travel, 我信你唔係insider, 但只有你提供insider info 多謝尔。
4-以下內容比較偏激，但我真係忍左好耐，不吐不快，纯屬個人情绪宣洩，大家可以skip,如果對任何迦南家長有得罪冒犯嘅地方，我先道歉

以下係我對迦南嘅睇法，其實由報名到而家都冇變，我覺得迦南就係一間連鎖式商店，只不過佢賣嘅係教育服務，分店算多，但服務質素仍然可以维持一定水平，就等於。。大家樂嘅咖喱牛腩飯咁，一定唔係香港最top, 但仍然係有一定水準嘅。

理論上咖哩牛腩飯同茶记嘅餐蛋麪一樣，根本唔需要睇餐牌，直接入大家樂同收銀買就ok, 午市开始就有供應，好少好似其他晚餐，賣賣吓就賣完。


試幻想一吓，如果真係有一日大部分食客都点咖喱牛腩饭，需求太多，結果咪一早賣晒，沽清囉。后面嘅食客見到賣晒，就肯定点其他，或者去第二間啦。相信聰明如slowtravel（對唔住我又針對你，最後一次，ok）都會估到咖哩牛腩飯係乜嘢?係K1學位，如果有朝一日你又要食咖哩牛腩饭，你已经入左大家樂，排左十個八個隊(入左PN班)個收银佢唔係答你賣晒，而係"午饭(正選位)果D已經派晒，你晚饭時間再黎(waiting)，或者你加價90蚊(9個tick)去買，请問你會比咩反應?(我唔加括號，自己對号入座啦)
第一:冇牛腩饭咪点過第二樣，醫肚最重要。
第二:加錢到90，我一定要食大家樂嘅咖哩牛腩饭(乜大快活冇嘅咩)
第三:挑，我出90我就唔買你咖喔牛腩饭，我去第二度食啦，贪你有寶咩?扮上菜呀?
第四:真係捱饿，等到夜晚至嚟食，但如果到時個吋爆收銀又話賣晒呢?

呢次係我最後一次回呢個post,呢幾日寫咁多目的只有三個:
.  希望同其他"苦主"如katiechan一齊扶持
.  好似日記咁，记錄一下而家嘅心情，有機會第二比仔仔睇返:老豆平時lum 啤啤，点解當年咁好火嘅?
。希望"提吓"今年攞左迦南PN嘅家長，原來你諗住去大家樂点咖哩牛腩饭，真係會極速賣完架

Redbean88

katiechan0124 發表於 18-12-8 02:04
咁你有其他offer嗎？我太老定，淨係in咗創價、協恩同九真，而加好驚
...

九真有offer嗎?

Redbean88

kgm 發表於 18-12-8 09:11
我囡係金迦，琴日收到信可直升K1，不過我會放返個offer

想問下有邊間offer呢?

siutsuifun

Tinatinatina 發表於 18-12-8 17:57
本身小朋友都是迦南可直升K1的，但見到原來咁多n不可直升k都有覺得失望，如果k既位唔夠收返n學生無話可說， ...

我都唔信短短10分鐘面試，老師就知道小朋友行為上有問題！
基本上，對讀緊PN班唔公平

siutsuifun

我小朋友都係讀下午N班，第一輪唔收，要等到5月！
之前老師話我小朋友坐唔定！
我唔知學校點評，但我in 咗二間幼稚園，都offer上午班！
我覺得短短數分鐘面試，點會知小朋友坐唔坐定，宜家制度對讀緊N班小朋友唔公平！

Redbean88

問過老師，升唔升到K1係有內部評估，家長日果張評估表，應該無關....

kgm

slowtravel 發表於 18-12-10 00:43
今晚同一位第一輪升到K1嘅家長傾開計，佢話佢問過班主任，佢話升K1評估並唔係睇平時表現或家長日派嗰張成績 ...

你講呢個case令我諗起跟我仔幾年前讀某一間國際幼稚園有相類似情況⋯話說當年仔已經K2, 開始要諗上小學係走IS定local school路線（我仔行local)咁佢有D同學仔就報左幼稚園附近嘅一間IS，而嗰間IS嘅老師係會黎我地幼稚園觀課，順便會留意一下報左名嘅學生上課情況（可能當interview) 而我亦知道大部分同學仔都會收，(都有少部分人要waiting)之後係點我就唔太清楚，始終已經係幾年前嘅事加上我仔冇報IS。

（唔好問我邊間幼稚園+IS, 已經係幾年前嘅事，可能已經改晒制度又未定）

你話咁樣對街外人報名個批公唔公平我唔敢講，但唔係只有迦南係咁玩

Andrewchan918

St Cat N LH 都吾係咁！迦南K 仲難入Wow

dml1508

回覆 slowtravel 的帖子

其實我地唔係介意收街外人和校內評估，但街外人有家長陪同,正常情況有熟人係身邊表現一定好過校內N班小朋友自己面對, 這樣已經唔公平了！最另家長反感和困擾的問題係評估唔收後要等到下年5月, 係5月！學校要無OFFER在手的家長驚足5個半月，有邊個家長唔緊張自己個小朋友？要人等到5月我係覺得學校係太商業化, 有餘學位才分D俾N班(可能最後都未必有)，成件事我自己覺得無被尊重！當我小朋友係件存貨I

superkkk156

dml1508 發表於 18-12-10 09:51
回覆 slowtravel 的帖子

其實我地唔係介意收街外人和校內評估，但街外人有家長陪同,正常情況有熟人係身邊 ...

如一月有人不註冊 都等到5月先call waiting ?

superkkk156

dml1508 發表於 18-12-10 09:51
回覆 slowtravel 的帖子

其實我地唔係介意收街外人和校內評估，但街外人有家長陪同,正常情況有熟人係身邊 ...

有無人有打返去問點解唔收同埋詳情

dml1508

回覆 superkkk156 的帖子

未問，夾係小朋友手冊的一張通告寫係等第2輪評估5月才知收唔收

LT1116

kgm 發表於 18-12-10 08:36
本帖最後由 kgm 於 18-12-10 08:37 編輯

你講呢個case令我諗起跟我仔幾年前讀某一間國際幼稚園有相類似 ...

升小學要校內評估我心甘情願, 但宜家只係N 班升K1 咋, 個評估仲要嚴格到只收返一半人都無(非正式統計), 佢地只係個兩歲幾小朋友返咗學幾個月咋, 雖然我明白這是學校做法, 俾你係人情唔俾你係道理。但真係需要做到這地步嗎?

Andrewchan918

學校冇愛心！不讀也吧！早走早著！又吾係龍幼又吾係名幼