WsIC-IV 四大範疇差異大

Giyo

因種種原因，機緣巧合下小兒做了WSIC-IV. PSI 係very superior, 其他三項則為average/high average. CP 提到差異大，會令小兒有啲嘢想做但做唔到，容易有挫敗感。CP冇再進一步解釋。

我想了解個仔多啲。想請教有冇人嘅仔女有類似情況？有冇因這些差異而帶來日常生活、學習嘅困擾？

謝分享

小曳人

PSI 應該係講個處理速度

會唔會係... 假設考試，好快做哂，但會錯响唔小心？

其實我仔d數字同你講嘅剛相反：4項當中最低分係PSI (superior)，一樣超唔小心，特別係好淺嘅題目！

akys

Giyo 發表於 18-12-5 23:08
因種種原因，機緣巧合下小兒做了WSIC-IV. PSI 係very superior, 其他三項則為average/high average. CP 提 ...

我孩子剛好反轉，最差的是PSI，應該是學得快，做得慢，報告建議加啲時間壓力。


你個情況應該調轉，所以應該控制速度，去配合理解，分析和解難部分。


有好多外在情況影響測試時表現，未必完全反映實況，可以多留意孩子發展。好似我孩子做功課飛快（主要是求量不求質），考試又做得晒，所以冇理佢。

Giyo

多謝兩位分享。
阿仔細時候，總係眼仔碌碌，好似好多野想講，但好似個咀唔夠個腦快。大大下就好啲。但個人都係好心急。我諗都真係要引導佢，耐心去理解，慢慢去組織。

S-Kwok

小曳人 發表於 18-12-6 12:06
PSI 應該係講個處理速度

會唔會係... 假設考試，好快做哂，但會錯响唔小心？

我仔都係最差PSI, 亦係超級唔小心。 我記得當時心理學家話仔喺抄寫方面慢， 例如圖列顯示1=@‘ 2=€，3=¶... , 題目要佢將 213231轉為圖案，就會釋得好慢。 我估計因為咁，仔喺抄寫中文或計數寫數字， 好多時都會出錯。

Radiomama

Giyo 發表於 18-12-5 23:08
因種種原因，機緣巧合下小兒做了WSIC-IV. PSI 係very superior, 其他三項則為average/high average. CP 提 ...

我仔PSI也是相當高分，見諸日常生活是他的行動迅速；在學校做school work往往是第一個完成，童軍hiking喜歡在頭位、收拾行裝也是第一⋯但不要以為無問題，他可能會overlook details, 有點求其。

我會提醒他做完功課再check吓，不用急著去交；想一想可否beef up自己的essay, proof read 多一點等。

平日提醒他多留意身邊人和事，不要只顧著完成任務。

02413124

我小朋友都係PSI最低分,我睇過RESEARCH話好多GIFTED小朋友都會,因為佢地有時因為諗得太濶太深,所以做得慢

Giyo

Radiomama 發表於 18-12-9 08:16
我仔PSI也是相當高分，見諸日常生活是他的行動迅速；在學校做school work往往是第一個完成，童軍hiking喜 ...

謝分享！一向喜歡你的posts,簡潔、中肯。

傻太

我仔最差也是PSI，當年CP話佢「快而錯」類似填MC對錯問題和答案號碼，要擦過重新填過，所以低分左

CP話佢4個分都算接近(全部相差10以內)係件好事，CP話如果突然有個極高或極低，就好似隻馬四隻腳唔平均，呢隻腳拖果隻腳咁

hehababy

我小朋友PSI都係very superior, CP講過佢都算差異大，平時做野係好快，講野又快，攪到口吃，言語治療師係要佢學習要講野慢啲，平時功課考試成日錯啲唔小心既野，寫字又貪快，所以寫到打晒風，已經成日叫佢唔好貪快都係咁

仲要好多時做左先，唔諗清楚後果

AniaLeung

我仔同樓主個啱啱相反，頭3項分數高又接近，但PSI卻低咗成19個point, 佢係諗得快但做得慢,全班最後一個放學(執書包太慢)，指令要聽at least 2次至做到，人地揭緊書佢仲成枱文具。。。finally confirm adhd

miffythepooh

AniaLeung 發表於 19-5-16 23:23
我仔同樓主個啱啱相反，頭3項分數高又接近，但PSI卻低咗成19個point, 佢係諗得快但做得慢,全班最後一個放學 ...

Finally cfm adhd<== 請問慢有之外有其他symptoms 嗎?

AniaLeung

幼稚園階段: 跟指令差，尤其是一大班人，1 to 1又ok喎; 多口，講喜歡的話題可以滔滔不絕，hyper(老師当時comment係投入)
小學:立立亂，無條理,谂到就做，唔理成效/後果，上课唔專心，要攪好耐先進入做功課/温書mode。
以上係我仔嘅表徵，但我見上training時見dA仔的表現都各有不同，AD同HD都已經唔一樣，不能一概而論。

miffythepooh

AniaLeung 發表於 19-5-18 14:59
幼稚園階段: 跟指令差，尤其是一大班人，1 to 1又ok喎; 多口，講喜歡的話題可以滔滔不絕，hyper(老師当時co ...

謝謝分享&#128591;我家的也是做事很慢，但其實肯做可以好快，又係全班最慢執書包，有時ignore老師指令，不過小班嘅時候就好好多好投入，評估就話佢未見有專注力問題⋯⋯PSI 同FSIQ 差20⋯其他分好平均⋯頭痛中⋯
不過評估時佢有段時間用手遮住答案唔俾CP睇，結果錯咗一個符號之後唔知點繼續，停咗2分鐘CP先見到叫佢繼續，唔知係咪呢個原因影響咗速度⋯

annie133

Giyo 發表於 18-12-5 23:08
因種種原因，機緣巧合下小兒做了WSIC-IV. PSI 係very superior, 其他三項則為average/high average. CP 提 ...

王家爸爸

AniaLeung 發表於 19-5-18 14:59
幼稚園階段: 跟指令差，尤其是一大班人，1 to 1又ok喎; 多口，講喜歡的話題可以滔滔不絕，hyper(老師当時co ...

似係資優ADHD-I（注意力不集中類既ADHD），對一般既野都會比較粗心，聽唔到老師既指示，都野無嘜條理，即使係玩既時候都有時會唔夠專注力，容易受其他野干擾（螞蟻行過都分散到佢既注意力）。
同一般 ADHD-I 唔同，對鍾意既野就完全唔同，比一般小朋友更加專注，更加有耐性。
如果未至於騷擾其他人，其實問題又唔大。

AniaLeung

係，佢對特別有興趣的事物專注力驚人，睇相關書籍可以個幾兩個鐘唔郁，但温書呢。。。10分鐘到要call佢返地球一次，如果無人mon住，佢應该會行哂成個銀河系。。。

AniaLeung

其實都幾大影響㗎，佢温書效率咁差，日常做嘢咁慢。。。唯有早D教佢time mgt, 唔好到中學時先攪唔掂

tiffany168168

我仔最高同最低相差30幾分，都算好多，但最低都有very superior, CP 話問題不大。最高是working memory, 其次是processing speed, 最低是percetual reasoning. 會出現衝動情況，因個腦快過把口同logic, 做事有時不理後果。

王家爸爸

AniaLeung 發表於 19-6-6 22:03
係，佢對特別有興趣的事物專注力驚人，睇相關書籍可以個幾兩個鐘唔郁，但温書呢。。。10分鐘到要call佢返地 ...

佢發夢你唔好鬧佢，慢慢教，佢學得快，加上大啲會改善，其實無問題。