中大課程推銷：訓練「政府管治精英」

elbar

【明報專訊】下周三就喺中學生於「大學聯招辦法」（JUPAS）網上申請系統遞交入學申請最後限期，近期各大學學系都大力宣傳課程吸引學生，Emily就發現，中大數據科學及政策研究所，用咗較特別嘅手法推銷課程，話佢哋嘅數據科學及政策研究課程（JUPAS Code: JS4893），注重訓練同學仔成為「政府管治精英」，例如政務主任等等，仲喺facebook出張飯碗圖畫，話明「人人都想有鐵飯碗，但唔通個個都考到AO咩？」

課程仲sell課程主任黃偉豪教授，話佢多年嚟訓練出唔少AO同EO，亦有主持高級公務員培訓課程，話讀呢個課程「一定可令你更勝人一籌」。


fb貼圖話「人人都想有鐵飯碗」


Emily睇過中大其他課程嘅介紹，手法會含蓄一啲，好似政治與行政學系會話訓練學生獨立思考、批判思維、關注社會，話學系致力於培訓有責任感嘅公共管理行政人員，有理念嘅政治領袖，校友包括立法會議員梁美芬及公民黨陳家洛，亦有社署署長葉文娟等，但都唔會話明要培養「政府管治精英」。

csy_ma

回覆 elbar 的帖子

今日香港，仲以為公務員=鐵飯碗既，係唔係唔太有遠見？想隱陣打政府工咬長糧既媽寶，唔係更傾向揀昔日名牌hku好啲咩？我有朋友好唔想個仔揀中大，因為太多「撓攪嘢」，想佢專心讀書云云。
很遺憾，用咁既手法招徠既新科系，竟然係我囡既A1選擇，縱然，佢完全唔想做公務員，同時認為揀政政、新傳、法律系皆危險（誰知2047或之前20年內相關行業生態會變成點）？
本星期五，呢個定位同宣傳手法咁騎呢既新系，又在中大有介紹講座，會後仲有茶會。我唔太想呀女考到，希望有更多競爭對手，請各位應屆考生父母向子女推薦一下

JustAParent

首先特區政府，從來沒有管治精英 ...

Band5

JustAParent 發表於 19-1-15 17:22
首先特區政府，從來沒有管治精英 ...

精英係相對嘅，B3校都有精英班！

csy_ma

JustAParent 發表於 19-1-15 17:22
首先特區政府，從來沒有管治精英 ...

https://youtu.be/oZWcDu940eI
梁文道：在北京看見的香港
呢條片長達3個多小時，但非常精釆

道長以其中港台三地的實地體驗，解釋京官對港思維，如何籠絡香港人，又如何抹黑港人在普遍大陸人心中的形象。他既為鳳凰衛視著名既主持人，當然更留意北京操縱傳媒不同時期的策略和目的。其中提到到訪新加坡時，該國官員介紹如何培養管治人才的部署和經驗，同香港真係牛脾同蚊脾之别。不過唔緊要，香港民間還是有底氣的，在片中的一個小小咖啡館就顯現出來……