SPCCPS vs St. Mary

mcl203

retriever 發表於 18-12-4 13:50
唔一定.

雖然話信進補, 就去到邊都補, 津校要段段爭先, 進補壓力大D.

點解我識果D SPCC都段段谷到行既？ 只係谷唔谷到係前列而已～～～

cheungmansze

呢個將會係樓主家庭未來12年嘅經濟考慮。
如果大女叻，去到邊度都會叻，升中再考spcc都唔遲。如大女去St Mary ，可以帶埋妹妹過去，一勞永逸。就算妹妹去到St Mary，發現讀得麻麻地，再轉去其他學校都相對容易。

如果大女而家去咗spccps, 妹妹遲d又入到，就會係你而家double 既經濟考慮。一個小朋友嘅成長，除咗學習，仲有好多其他嘅部份，一個家庭如果在經濟上面有太多嘅考慮，對小朋友嘅成長其實唔係太大嘅益處。

cheungmansze

如果妹妹入唔到spcc, 大抽獎只有10分，就只能靠佢自己努力再考學校。有朋友就係因為當年大女有dgjs offer, 大女又好鍾意dg，後尾無諗咁多就入咗。細女雖然資質差唔多，估計應該可以靠自己考入dg, 但後尾都入唔到，幾年間可以好多變數，結果只考到d 2線私校。想報自行試吓，先發現原來細女得返10分，無得博。大女就開開心心返dg，妹妹就要大抽獎。我個朋友而家好後悔。

shevachevy

回覆 cheungmansze 的帖子

SMCS 小六要簽undertaking直上一條龍 SMCC, 如果再去考其他學校就會等於放棄學位, 應該只有極少數人會咁搏其他學校。讀得SMCS都應該打算直上

但問題係而家樓主只係手執SPCC, 並無SMCS OFFER, 就算有心讀SMCS 比較合理o既做法係6月叩門, 無理由而家放 SPCC 抽31網啩, 萬一抽唔中去果欄點算?

同意你講法係兩姐妹的話最好同校, 一來兩者測考放假時間一樣方便安排同接送, 二來我覺得姐妹能同校係一種幸福, 也免二人比較。

rai_fc

扣到St Mary’s 先諗，抽就不好了！

taiyeung

cheungmansze 發表於 18-12-5 14:43
如果妹妹入唔到spcc, 大抽獎只有10分，就只能靠佢自己努力再考學校。有朋友就係因為當年大女有dgjs offer,  ...

但掉轉諗，大女咁叻考到DG唔俾佢讀，原因係幫妹妹，咁樣會唔會太委屈大女？大女長大後會埋怨父母嗎？

honeybunny8

同意小孩的成長不會只有讀書，都應該培養體藝興趣。而體藝培訓都需要錢，而且越高級越貴，仲有海外比賽費用，依家係錢果度唔可以計劃得剛剛好。

另外，以我自己同身邊朋友經驗，讀書去到某個位就想去外國見世面，向住英美大學進發，仲可能中學已經去 boarding schools。做父母既要有經濟準備先好。

不過我唔清楚樓主情況，只係分享吓睇法。樓主可能已經 plan 好曬以上儲備

至於小朋友話好鍾意某間學校，其實唔須要太介意，最緊要老師有愛心，小朋友就會讀得開心。St Mary 是難得好的津校，如果叩到仲可以令細妹穩入，真係好吸引既選擇。加油呀！！

homesim

Penipony

wccfgoldcard 發表於 18-12-4 15:12
咁如果 SPCCPS vs QC / Maryknoll ?

到qc時，仔大仔世界啦
maryknoll的話⋯⋯仲要係小一益到妹妹（假設有），會回maryknoll。如果得一個小朋友，我都係傾向spccps。

美美羊

taiyeung 發表於 18-12-5 19:11
但掉轉諗，大女咁叻考到DG唔俾佢讀，原因係幫妹妹，咁樣會唔會太委屈大女？大女長大後會埋怨父母嗎？
...

應該不會用「委屈」去形容讀SMC的學生吧！
現在的直私學校年年遊學，連個世界數學比賽都要去日本比，洗費真不少。我們雖然心中富有，但每天都要返工的人，非常明白什麼是「人出雞，你出鼓油」都唔掂。一個孩子，我出盡力自己唔享受都俾佢，兩個的話就真係要仔細計算之餘，也要平衡兩個的洗費。如果乜都俾晒大女，咁細女都會話唔公平，係咪？如果細女讀書冇問題，但面試能力一般，得5-10分在手，真係搏大抽獎，運氣嘅野係咪次次咁好彩？做姊姊，幫助妹妹，去一間大部分的人都會羨慕你的SMC，是不是真的很「委屈」呢？
同埋2個女同一間梗係方面D啦，家長日、旅行日、考試日、放假日子都一齊，父母易於編配及同公司請假。
最後果句：一切量力而為，不要勉強，諗清楚是可以去，還是不可以去。

homesim

retriever

mcl203 發表於 18-12-5 13:55
點解我識果D SPCC都段段谷到行既？ 只係谷唔谷到係前列而已～～～

姐係你識果D 信進補囉，唔係話一定需要補嘛。

retriever

美美羊 發表於 18-12-5 23:11
應該不會用「委屈」去形容讀SMC的學生吧！
現在的直私學校年年遊學，連個世界數學比賽都要去日本比，洗費 ...

人出雞，你出豉油，呢句係真既。

所以，無論去邊間學校，千萬唔好見人做，你就做。

retriever

honeybunny8 發表於 18-12-5 19:18
同意小孩的成長不會只有讀書，都應該培養體藝興趣。而體藝培訓都需要錢，而且越高級越貴，仲有海外比賽費用 ...

如果講體藝培養，甚至講寄宿學校，根本唔係講果俱俱六萬蚊一年。

留意，六萬蚊唔係兩校駛費差價。

如版友所言，香港仔隧道學校，已包兩個IN CLASS ECA，課後亦有資助ECA，除非心有所屬，嫌三嫌四，唔係梗有ECA 岩你。

yourmobile

retriever 發表於 18-12-6 07:40
人出雞，你出豉油，呢句係真既。

所以，無論去邊間學校，千萬唔好見人做，你就做。

其實樓主只是提出一個假設性問題？大家也不要太在意。

SPCCPS vs xxx 總是一個熱門話題，永遠是hot topic。但個人覺得，每個人的價值觀不同、信念也不同、目標也會不同，不需要太擔心別人的意見。

我本身也是SPCCPS的家長, 但也絕對同意：不會有一間學校人人也適合。如果信念及價值觀不同，問題會更多。相對金錢、人際網絡、成績... 可能有些事情會更顯得重要。

至於樓主，衷心希望她能選擇到一間合適自己，又能使小朋友快樂成長的地方。子女教育的路途是困難而歡樂，各位共勉之。

（利申：我當年也是spccps vs dgjs)

mcl203

retriever 發表於 18-12-6 06:16
姐係你識果D 信進補囉，唔係話一定需要補嘛。

我姐係話睇唔到分別囉，仲未明～～～

美美羊

retriever 發表於 18-12-6 07:49
如果講體藝培養，甚至講寄宿學校，根本唔係講果俱俱六萬蚊一年。

留意，六萬蚊唔係兩校駛費差價。

你只解決了部分ECA的問題，但你冇解決以下問題：
1. 樓主細女不能跟尾讀名津，兩姊妹不同校，大人時間編配等問題(textbook都慳一截)
2. 樓主家住九龍，要洗多D校車費及孩子要長途拔泄
3. 富貴學校的窮孩子，提早的心靈教育
據樓主說，當初為了細女能讀免費名津，所以大女考名直私。現在第一步做到了，為何不繼續下去？9分的SMC vs 10分的SPCC，為什麼那1分令樓主這樣猶疑？為何置以上三個問題不顧？真的是大女喜歡SPCC的設施？讀SPCC比SMC好很多很多？還是讀神校，父母及子女的優越感？

面對你深底裡真正的自己，聽自己最真心的話，看清自己每月使費，想想自己的未來的日子如何過，你便可以得到答案。

retriever

mcl203 發表於 18-12-6 09:48
我姐係話睇唔到分別囉，仲未明～～～

你講既野，幾時都咁難明既，好野！

mcl203

retriever 發表於 18-12-6 10:02
你講既野，幾時都咁難明既，好野！

我唔會用自己狹窄既視野，去判斷所見既就係事實囉。正如我小朋友唔補習，我唔會斷定直屬津小生唔使補習囉。

放眼望吓周圍啦～～～

hkpapa852

美美羊 發表於 18-12-5 23:11
應該不會用「委屈」去形容讀SMC的學生吧！
現在的直私學校年年遊學，連個世界數學比賽都要去日本比，洗費 ...

如果為咗入"名校"而攪到要成家人節衣縮食, 係咪仲委屈呢?