聖公會聖彼得小學 vs 港大同學會小學

Hksta

我係聖彼得丶港同書院嘅畢業生我係聖彼得變全日制之前畢業，所以小學可能已經同我嗰陣有啲唔同。但係我都希望分享少少我自己嘅觀察。
首先講吓個人認為港同比聖彼得嘅優勝之處：
1）港小學生程度較相若，聖彼得學生程度參差。
呢個其實唔係完全係聖彼得嘅錯，只係聖彼得冇得自主收生，冇得揀學生，程度自然參差，而港小係呢方面嘅問題就會較細。亦都係因為咁，stpeter 唔可以教得太深/太淺，結果叻啲嘅學生覺得悶，渣啲嘅學生追唔上,變成有啲兩頭唔到岸。再者，始終資源較少，個人認為聖彼得嘅拔尖保底做得冇港小咁好嘅。
2）聖彼得升中無保障，因此學校會比較吹谷
喺呢度唔單止講緊港小有書院backup，而stpeter冇。我從來都覺得揀中學係要睇返自己程度，一名追求神校只會害咗學生，我亦都見到一啲外來升上uga 嘅學生追唔上，因此我喺呢度想討論嘅係聖彼得追求升中成績所以衍生出來的問題。係我嘅年代，聖彼得係會操tsa,呈分試嘅，而且小六星期六要另外返升中面試班，暑假另外返來操ps1，所以你可以想像功課（抄寫類）都唔會少。而且，我小一嗰陣係有90個人，小六剩返70幾人，有10幾人都係太谷頂唔順/讀唔掂走咗嘅。據我所知，港小係冇操以上嘅嘢，小一小二冇考試，活動式（例如project)功課較多，鼓勵學生自己搵答案。固然啦，鹹魚青菜各有所愛，有啲家長buy操卷， 有啲家長buy快樂學習。我個人立場就覺得港小細壓力啲，但係畢業嘅學生程度同stpeter差唔多，甚至好過stpeter （帶返個頭盔先，港小英文程度較高，stpeter 中文應該好啲），俾我揀我就會揀爽住叻。
3）港小學生對學習會踴躍啲
再帶返個頭盔先，我覺得兩間小學學生係初小分別不大。但係高小聖彼得學習壓力會因為上述原因會暴增，自然就冇咁鍾意讀書啦。舉個例子：聖彼得小一至小四嗰陣都會好多人舉手答問題，小五之後因為同濟壓力/討厭讀書基本上上堂係冇人舉手答問題或者問問題嘅；我係港同見到好多人都會舉手問問題或者答問題，而當中好多人都係港小升上黎，反而有啲外來嘅學生升上黎無人谷頭一兩年即刻爆hea(包括我haha)。兩間學校口講都會話鼓勵自主學習，但實際所見得港小比較做到，學生比較有主見+自律。我覺得自主性對學習係好重要嘅，畢竟升到大學或者之後嘅人生都唔會有人迫住你做嘢，學到幾多靠自己。唔排除聖彼得都會有好鍾意讀書嘅人，但係我係其中一個被消磨讀書熱誠嘅人。
4）港小老師較年輕
港小老師教法係會新穎啲同埋有熱誠啲。聖彼得好多年資高嘅老師，但係我當年亦都有好多等退休嘅老屎忽，不過當年年資較高嘅老師好多都退咗休，stpeter 老師都有年輕化嘅跡象。
5）港小校舍設施新啲大啲6）港小學生好似樂觀同埋有自信一d。
可能係港小係揀學生是主要都係考慮呢兩樣野。亦都可能因為港小學生之間比較少啲，唔會打擊自信

之後講下stpeter優勝之處
1）唔使俾錢港小六年 10幾萬，如果升上書院再2x萬，加多少少分分鐘都比到首期，真係唔係個個家庭都可以或者願意負擔
2）地點可能會方便啲
相信會係兩間學校掙扎嘅家長應該都係住中西區，一早要咁早起身飛去柴灣上堂小朋友的確會好慘。
3) stpeter 學生會貼地啲
港小學生家境一般都唔錯，雖然唔會有炫富嘅問題，不過的確可能冇咁知道民間疾苦，比較唔理解低下階層嘅生活/困難，自然冇咁貼地。聖彼得學生比較平民嘅，比較貼地，唔會覺得啲嘢係理所當然，呢個係我覺得聖彼得幾大嘅優勝之處。
4）stpeter學生會圓滑啲
呢個都係我覺得幾大嘅差異。可能係經過傳統教學嘅洗禮，聖彼得嘅學生係識做人啲、圓滑、識睇人面色、早熟一啲。主張比學生發展天性同埋才能嘅港小學生待人處事就會直接啲丶冇咁圓滑同埋唔識包裝。聖彼得嘅學生就好似中式啲，港小就似西方人嘅待人處事方法。雖然話港小可能係保存細佬天性方面會好啲，但係唔識包裝同埋圓滑坦白講係香港社會都幾蝕章。5）聖彼得紀律普遍係會好啲嘅。
聖彼得紀律捉得嚴好多，層層都幾個風紀，做錯野要去教員室出面罰企。所以學生都會守規矩，比較坐得定。
6）stpeter 唔使面咁多次試
港小要三次面試，幾十挑一， 對家長細路可能都幾大壓力。聖彼得就唔使面試，不過相對性如果冇分數就要求運氣

做番個小結：
港小係學習方面（包括學習態度，升中，學習方式,學習壓力細d）或性格培養稍勝
聖彼得喺培養社會人方面稍勝
帶多次個頭盔先，聖彼得可能已經同我個陣有唔同，同埋兩間教學方法都有所大不同，各有所愛。
大家有興趣嘅話可以再講多啲。有錯嘅話請補充👍

lskstephen

從升中資料睇，女仔可選聖彼得，但男仔真係要諗諗，因升 SLS 佔唔少....

如考慮升中，亦港同是上佳選擇！但唔好信 Happy School, 是關佢係D學校喀 push, 家長 push 類型

christy2011

回覆 Hksta 的帖子

聖彼得好谷

aaqq_mom

Vote for hkugua

Charlotte_mom

Hksta 發表於 19-6-7 01:49
我係聖彼得丶港同書院嘅畢業生我係聖彼得變全日制之前畢業，所以小學可能已經同我嗰陣有啲唔同。但係我都希 ...

好難得有畢業生，仲係外校升書院嘅畢業生，多謝分享

haihaimom

lskstephen 發表於 19-6-7 07:09
從升中資料睇，女仔可選聖彼得，但男仔真係要諗諗，因升 SLS 佔唔少....

如考慮升中，亦港同是上佳選擇！ ...

你指嘅嗰類型家長，無論佢哋仔女去邊間學校讀，成績有幾好，都會push,唔係學校因爲個小朋友成績差，叫家長跟緊啲嗰種push。港同絕對係會俾空間小朋友按自己步伐進步，老師最常講嗰句係唔好同其他同學比，同自己比有進步就得。咁何來壓力呢！

haihaimom

Hksta 發表於 19-6-7 01:49
我係聖彼得丶港同書院嘅畢業生我係聖彼得變全日制之前畢業，所以小學可能已經同我嗰陣有啲唔同。但係我都希 ...

很用心的分享

DengCK

Lingfung813 發表於 18-11-30 08:48
Of course 港同, 我實在不太喜歡津校課程，將來世界是要培養一批用腦靈活，思考能力高, 表達能力強和與人合 ...

除此之外，津校應該都要幫學生洗腦。唔知第時會唔會連六四都唔提及（我真係接受唔到）。

Kafather

一定港同， 到你五六年班就知道一條龍係好重要
到子子孫孫這世界已經唔同

hahaha1231

港同

kongman

Lingfung813 發表於 18-11-30 08:48
Of course 港同, 我實在不太喜歡津校課程，將來世界是要培養一批用腦靈活，思考能力高, 表達能力強和與人合 ...

為什麼要這樣標籤津校？難道津校出來的學生一定是思考、表達、社交能力都比直資或私校學生低？不可能吧！

我明白一些家長對官津學校有偏見，但「不喜歡」不等於「不好」！只要選對學校，小朋友自然如魚得水！

kongman

DengCK 發表於 19-6-7 20:00
除此之外，津校應該都要幫學生洗腦。唔知第時會唔會連六四都唔提及（我真係接受唔到）。
...

咁都關津校事？培僑係直資學校，係咪即係佢哋講六四可以暢所欲言？

DengCK

kongman 發表於 19-6-8 00:21
咁都關津校事？培僑係直資學校，係咪即係佢哋講六四可以暢所欲言？

培僑可唔可以我就唔知。但津校要幫政府洗學生腦就係佢地責任。正所謂受人錢財替人消災。

mcl203

DengCK 發表於 19-6-8 14:58
培僑可唔可以我就唔知。但津校要幫政府洗學生腦就係佢地責任。正所謂受人錢財替人消災。
...

天主教學校都要替人消災？～～～

kongman

DengCK 發表於 19-6-8 14:58
培僑可唔可以我就唔知。但津校要幫政府洗學生腦就係佢地責任。正所謂受人錢財替人消災。
...

每次當我聽到呢類說話嘅時候，我就知道其實係家長自己被人洗咗腦，只不過佢哋自己唔知或唔肯承認……

DengCK

mcl203 發表於 19-6-8 16:13
天主教學校都要替人消災？～～～

天主教學校就唔知。但基督教管浩鳴都係囉

DengCK

kongman 發表於 19-6-8 21:38
每次當我聽到呢類說話嘅時候，我就知道其實係家長自己被人洗咗腦，只不過佢哋自己唔知或唔肯承認……
...

你不妨過幾年再黎睇返你呢個comment,到時再conclude下究竟係邊個俾人洗腦又唔認

pccw2017

GaryTheKing 發表於 18-11-29 10:22
小女有以上兩間小學offers。小一的抉擇，煩惱中。

比我會揀港同，因為佢有間直屬而且成績好好的B1中學！升中時直升中學部不知幾他條。如果揀St Peter, 到小五小六時要考呈分試同人地爭中學。你讀小學都要考慮埋升中時點搞。

adriantai

女仔, 聖彼得啦.

haihaimom

回覆 pccw2017 的帖子

據我仔回報,都有唔少港島區本身有直屬中學嘅,都去咗港同升中一。