哥哥唔想細佬揀佢間中學, 你地點睇?

bongbongmum

哥哥今年中一,細佬今年小六, 就快要揀中學, 哥哥講明話唔想細佬揀佢間學校, 佢地兩兄弟弟只差一年零几個月,由細到大都好close,好好感情的,小學理所當然同一間學校.哥哥都好照顧細佬.

但哥哥有咁諗法, 我地兩公婆諗可能因為哥哥本身性格好獨立,好有主見,上左中學好多野忙,想自由d,唔想再成日有個細佬要顧住.因為細佬本身好倚賴人,好多野都係爸爸/媽咪/仲有哥哥同佢安排,傍住佢.

好彩係細佬無介意哥哥咁諗,我同細佬講,”分開讀書都好,你可以學下獨立.我仲會揾間更加適合你既學校”. 細佬成績其實好過哥哥,可以有其他高一點banding學校選擇.

不過有其他細佬同學家長問起細佬係咪揀返哥哥間中學,我同人講唔會, 佢地都几大反應. 我只係輕輕帶過,話細佬有其他更加適合既選擇 (話哥哥唔鐘意好似唔多好…)

我老公好傳統,除非唔啱banding派唔到位,否則兩個仔同一間中學讀書好似理所當然 (方便照應, etc), 既然哥哥咁介意,我自己覺得由中學將佢地分開,各自發展都未必係壞事.

兩個仔學校d野,由細到大我都係我全權負責,所以佢地分開讀書, 將來都係由我去面對,處理兩邊大大小小的事.

JustAParent

bongbongmum 發表於 18-11-26 18:22
哥哥今年中一,細佬今年小六, 就快要揀中學, 哥哥講明話唔想細佬揀佢間學校, 佢地兩兄弟弟只差一年零几個月, ...

可以升banding或去名聲更好既中學，分開。否則，一齊。

我見唔到兩個細路分開唔同學校有乜大麻煩，除非佢哋唔同學制。但同時，我亦唔覺得阿哥可以幫細佬做咁重要既決定。阿哥意見，參考吓就算。

bongbongmum

哥哥只係好老實咁表達佢嘅諗法，我地早d知佢咁諗都好，但當然唔會比佢決定到細佬未來。

啱啱細佬係可以揀高d banding中學，所以我先無咁煩。

kirstyau

如果有更合適，唔會一齊，上到中學，家長可以參與唔多， 最多係夾考試假期去旅行煩D。

Yanamami

好平常~我两个女幼稚園同小学都同－间，中学分开，大女津校，細女直資｡两个由BB我自己－手湊大，上到中学唔洗跟到足啦媽咪~放手俾佢地自己搞掂啦！大女講明千祈千祈咪俾阿妹去佢度，阿妹又係可以去高d級数中学｡佢地各自番学，各有各做，完全無衝突｡对你唯一影响可能係－个聖誕前考試，－个放完考，永遠唔可以去旅行(我好彩，全部考完放假)｡

la5711

我大囝都係唔鍾意弟弟入同一間中學，我就話：弟弟係獨立個體，不應該因為哥哥喜好去選擇。好彩細囝係心儀另一間中學，萬一入不到，才考慮叩阿哥那間 。

不過呢，我兩個囝幼稚園和小學都唔同學校，佢哋性格好唔同，在自己學校讀得好開心，
係夾放假旅行麻煩啲，但也有好處，測考時間不同，可以專心幫一個去溫習

b3410

如果平日細佬有些依賴哥哥，中學我反而prefer 分開佢哋，獨立D。 中學唔似幼稚園，小學，其實唔使點照顧。弟兄兩個都有自己都發展空間，更加好。更何況細有機會考到更加適合佢的學校。
我自己細女已經一早講咗唔會讀家姐中學，唔想著佢舊校服。話我唔介意二手校服，不過家姐好邋遢，唔想揀佢果D。

RoseRosa

la5711 發表於 18-11-26 18:58
我大囝都係唔鍾意弟弟入同一間中學，我就話：弟弟係獨立個體，不應該因為哥哥喜好去選擇。好彩細囝係心儀另 ...

我哋都係咁，哥哥仲話如果細佬入佢間中學，佢會扮唔識佢

zitaeric

越大個就越吾想－齊，以前我都吾鍾意同個妹著同一款衫，亦都吾鐘意同－间学校，吾想起学比話嗰個你家姐嗰個你細妹，跟出跟入總之就煩

Yanamami

zitaeric 發表於 18-11-26 20:29
越大個就越吾想－齊，以前我都吾鍾意同個妹著同一款衫，亦都吾鐘意同－间学校，吾想起学比話嗰個你家姐嗰個 ...

我細女都醒目，去買衫会話家姐有差不多款唔買，費事俾人話跟尾狗~

bongbongmum

RoseRosa 發表於 18-11-26 19:38
我哋都係咁，哥哥仲話如果細佬入佢間中學，佢會扮唔識佢

如果第日細佬唔覺意派左入哥哥間中學，佢地都可能扮唔識

gracelam

bongbongmum 發表於 18-11-26 18:22
哥哥今年中一,細佬今年小六, 就快要揀中學, 哥哥講明話唔想細佬揀佢間學校, 佢地兩兄弟弟只差一年零几個月, ...

我仔開頭都話入家姐間中學, 不過家姐話唔好, 佢話唔想一齊返學, 好尷尬喎
佢話入左都會扮唔識

23肥媽媽

我個中一仔都話唔可以同阿妹同一間學校

洋蔥頭媽咪

唔同能力唔同喜好，揀合適自己嘅中學就可以，兄弟唔一定要同校，避免比較。上到中學家長可参與嘅好有限，佢地各自發展對大家身心更健康。

TLHE

bongbongmum 發表於 18-11-26 18:22
哥哥今年、一中一,細佬今年小六, 就快要揀中學, 哥哥講明話唔想細佬揀佢間學校, 佢地兩兄弟弟只差一年零几個月, ...

樓主，既然弟弟有更合適又更高banding的中学選擇，何须勉強將2兄弟放在同一間中学呢？这个選擇，無関兄弟感情問題，而是2兄弟同校，其實免不了会讓同辈八掛，而且能力差異，也更易令旁人互相比較，这正是令青春期少年人尴尬的事情。若著眼点只是互相照顧的話，何必呢？

RoseRosa

bongbongmum 發表於 18-11-26 21:20
如果第日細佬唔覺意派左入哥哥間中學，佢地都可能扮唔識

佢哋係咁講啫我亦都知道他們不可能讀同一間中學。

artroboy

bongbongmum 發表於 18-11-26 18:22
哥哥今年中一,細佬今年小六, 就快要揀中學, 哥哥講明話唔想細佬揀佢間學校, 佢地兩兄弟弟只差一年零几個月, ...

我覺得可以既話應該分開，哥哥應該有屬於自己的中學生活質素，弟弟亦應享有離開哥哥影子的獨立機會。

王家爸爸

b3410 發表於 18-11-26 19:06
如果平日細佬有些依賴哥哥，中學我反而prefer 分開佢哋，獨立D。 中學唔似幼稚園，小學，其實唔使點照顧。 ...

無論小學時細佬有些依賴哥哥，中學都唔會，男仔去到中一、二，就開始鍾意挑戰權威，直到中五、六。

王家爸爸

RoseRosa 發表於 18-11-26 19:38
我哋都係咁，哥哥仲話如果細佬入佢間中學，佢會扮唔識佢

初中係，高中就慢慢唔會。

ilyrd

好簡單,獨立個體,當如果冇亞哥,你會點樣安排細佬.所以要告知两兄弟,大家獨立個體,细佬亦有權讀亞哥學校,不要讓两兄弟因今次事件影响感情.讀,不等於不理會哥感受,不讀,地不等於千就亞哥.順便给两兄弟上一課.正