K2 應怎步處小一面試呢

wonderful_life

希望有過來人分享K2 係咪要谷中英數普加面試班去面試呢？

kenyuenkc

認中英文生字係必需既~
數學其實唔係好多學校考~
普通話更少~

如何訓練小朋友有信心發言好重要，面試班唔係絕對~

wonderful_life

回覆 kenyuenkc 的帖子

謝謝分享那麼KPCC，Trinity ，朗誦比賽有用嗎？ 可幫助訓練講野信心？

legolas625

坐定定，企定定
不怕陌生，肯講野
排卡講故事，形容圖片
有礼貌，中英口語应対
中英数学術，阅讀習慣
玩群体遊戲

kenyuenkc

wonderful_life 發表於 18-11-3 21:54
回覆 kenyuenkc 的帖子

謝謝分享那麼KPCC，Trinity ，朗誦比賽有用嗎？ 可幫助訓練講野信心？

我女全部學術cert 都無~ 但好主動說話~

我女因此有好多2nd in~

tina852

多外出活動！訓練主動、不怕陌生環境、不害羞便可！

Tyw0827

經過大部分首輪及次輪面試後，個人認為大部分的學校收生條件依次序為：1. 主動有禮
2. 自信，能和人好好相處
3. 學術
4. 愛看書
一定學術是重要但坦白說現階段證書等未必有太大幫助，尤其名校會相信他們的眼光甚於一紙證書，可能之後有助官津扣門之用。

星星的後裔

Tyw0827 發表於 18-11-4 01:09
經過大部分首輪及次輪面試後，個人認為大部分的學校收生條件依次序為：1. 主動有禮
2. 自信，能和人好好相 ...

非常認同。

樓主，部處是先問自己，對孩子認識有幾深，特別是Tyw0827講的4點。你認識是否客觀，外人是否有類似結論。間中見人講自己個仔依樣叻嗰樣勁，吸收快轉數高。如是客觀事實當然恭喜，但只是鄰居4嬸的禮貌回應就...

大人要想好邊～3間是最心宜又適合的直私，了解往年考什麼，收什麼學生。想清楚是大人喜歡間學校，定孩子適合間學校。也要學識升小制度遊戲規則。

將孩子自身條件 vs 心宜學校要求一併，再適當地"補低拔尖".

scgift

個人覺得軟實力+學術同樣重要。

軟實力: 坐得定企得定、專注力、好記性、有禮、能與其他小朋友相處、愛閱讀……

學術: 中英文認讀、重組句子、閱讀理解、看圖描述、數學20以內加減、英語普通話……

阿囡今年考小，有以下體會:

1/ 外向主動: 一向爬文或身邊朋友分享都話外向主動好重要，內向慢熱怕羞好輸蝕。但阿囡正正就係內向超慢熱怕羞型，考左8間，暫時有5間有offer/2nd in，所以個人覺得慢熱怕羞內斂都唔係問題。

2/ 普通話: 考了8間，就只得1間有考過話普通話。所以覺得如小朋友普通話不太好也不用太在意。除非知道心儀學校會考，咁就要練習下了。

3/ 英文口語: 我地考既學校當中只有2間面試非常著重英文口語。而阿囡正正係口語唔夠好，所以呢2間學校1st in止步。其他學校只考好基本對答，所以又係視乎你心儀咩學校。

4/ 認讀/重組句子/閱讀理解:
個人覺得愛閱讀既小朋友基本上呢方面都唔會有問題。阿囡沒有訓練過重組句子，我只在面試前俾佢試過幾條等佢知道有種咁既考法。閱讀理解就多數係俾本書你讀(一頁/一整本)之後再問問題。又係視乎你心儀學校點玩法自己衡量使唔使同小朋友喺呢方面增強實力。阿囡最心儀嗰間學校正正就係2nd in時考認讀2整本中文圖書+1整本ORT+每本書各問4條問題。我考小前2-3個月係重點同阿囡睇英文書+教佢答題技巧(完整英文句子+就算識讀唔識解某些字都搵到答案回應老師提問)。因為有做足功課，所以考呢間學校我地係好有把握。阿囡2nd in時老師即讚答啱晒叻叻+有offer。

軟實力: 8間當中有1間1st in時完全沒有考過任何學術，但有2nd in(未考)，所以個人覺得軟實力好緊要。

其他: 有啲學校會考畫畫跳舞自理(著衫除衫除鞋著鞋)，自己衡量需否加強練習。阿囡考某校2nd in時有跳舞一part, 一組15人只有3個小朋友有跳(包括阿囡，有3rd in有offer), 學校點揀小朋友唔多唔少都估到啲。

註: 阿囡沒有外補學術冇考cert冇上面試班。

scgift

scgift 發表於 18-11-4 08:15
個人覺得軟實力+學術同樣重要。

軟實力: 坐得定企得定、專注力、好記性、有禮、能與其他小朋友相處、愛閱 ...

為左考小我最花精神既就係帶佢多啲去公園同小朋友玩/鼓勵佢自己買野，目的就係想佢冇咁怕羞。但性格本來就係好難有太大改變，所以我原先係打定輸數的。最後考小結果老實說除了我講有把握嗰間外，其餘4間係喜出望外。

星星的後裔

除左讚樓上有心機有部處，有理想成績是實至名歸外。更唔明點解講極仍有家長認為"唔上面試班就唔會有好成績"。

lambeanmama

星星的後裔 發表於 18-11-4 11:13
除左讚樓上有心機有部處，有理想成績是實至名歸外。更唔明點解講極仍有家長認為"唔上面試班就唔會有好成績" ...

你問我，我都覺得面試班可有可無。但作為一個未經歷過考小的家長，我會選擇花少少安心錢，令自己感覺好些。

理性地想，其實真的作用不大。但，我都要上兩三個月，確認自己這種個人認知後才會drop class.

星星的後裔

有人肯洗錢，精益求精，促進香港經濟，我唔會阻人賺錢。我相信面試班有用，但唔係must. 好怕他日有人又話比唔起錢上面試班，入唔到心宜小學，害了孩子一生

lambeanmama

星星的後裔 發表於 18-11-4 12:21
有人肯洗錢，精益求精，促進香港經濟，我唔會阻人賺錢。我相信面試班有用，但唔係must. 好怕他日有人又話比 ...

我個人認為，幼兒教育， must的只有一樣，就是父母的身教。

cpc608

wonderful_life 發表於 18-11-3 21:35
希望有過來人分享K2 係咪要谷中英數普加面試班去面試呢？

好快你就會感覺到，除了準備***學術***外，其他事情都是你控制以外，小朋友自己入到去會爲自己選自己的路。以前有媽咪分享話：「仔仔鍾意XXX小學」我都會心想：咁細個自己點識選，但原來他們真的會因鍾唔鍾意而在面試時表現出來的。

wonderful_life

回覆 scgift 的帖子

很高興知道超慢熱怕羞型也有學校喜歡的！ 我小朋友其實有齊你說的軟實力: 坐得定企得定、專注力、好記性、有禮、能與其他小朋友相處、愛閱讀……但不太有自信說明和表現自己


學術: 中英文認讀、重組句子、閱讀理解、看圖描述、數學20以內加減、英語普通話……
也就是我在問要不要補的東西，看似最重要還是中英文認讀和閱讀。


十分感謝你們無私的分享！

wonderful_life

回覆 kenyuenkc 的帖子

可惜我小朋友不太主動，平時在校也是很安靜的一群，所以才希望幫忙她自信發言。

swnatalie

回覆 scgift 的帖子

請教一下如何改善soft skill? 例如專注力，小朋友有興趣既事情就可以專注比較長時間，無興趣就會放空或東張西望。小女現在K2 , 由細到大都坐唔定，現在既情況有改善，但仍不理想。老師話佢有時會腳放係櫈上 已經話過好多次，都不見成效。請問可以點改善？係咪天生性格係咁，後天改唔到幾多

kenyuenkc

wonderful_life 發表於 18-11-4 23:43
回覆 kenyuenkc 的帖子

可惜我小朋友不太主動，平時在校也是很安靜的一群，所以才希望幫忙她自信發言。 ...

多唔多上興趣班?

我覺得跳舞班，講故事班都可能有用~

kwokbobo

scgift 發表於 18-11-4 08:15
個人覺得軟實力+學術同樣重要。

軟實力: 坐得定企得定、專注力、好記性、有禮、能與其他小朋友相處、愛閱 ...

thx